fríggjadagur 20. juli 2007síða 15

Nr. 138 - 20. juli 2007 15 nøvn Dagurin 21. juli. Evenus. Grikska navnið Evenus er ikki at finna í halgimannatali, men er onkursvegna komið upp í álmanakkarnar frá 1727 22. juli. Maria Magdalena. Verður nevnd sum ein av teimum kvinnunum, sum vóru í fylgi við Jesusi og verður sett í samband við ymiskar kvinnur, sum vit annars hoyra um í evangelisku frásøgunum. Var ein av kvinninum við Jesu grøv, tá ið hann var upprisin. Magdalena merkir úr bygdini Magdala. 23. juli. Appolinaris. Sigst at hava verið ferðafelagi hjá ápostlinum Pæturi og varð av honum sendur til Ravenna í Italiu sum trúboðari. Her gjørdist hann fyrsti biskupurin, men varð fyribeindur umleið ár 75 av uppøstum heidningum. Tað finnast fólk sum í sínum jarðarlívi gerast institutiónir ella legendur. Kommunulæknin hjá havnarfólki í nærum fýrati ár, Andor Elias Ellefsen, er eitt av teimum. Sum ein eldri áfall­ in kona um sama aldur helt fyri nú ein dagin: “Vónandi heldur Andor fram sum lækni soleingi eg livi.” Hetta sig­ ur ikki so lítið um týdningin sum kommunulæknarnir í Føroyum hava havt fyri samfelagið, stabilitetin og tryggleikakensluna hjá hvørjum einstøkum føroyingi. Tað kundi neyvan lesast úr stjørnuglampanini yvir býlinginum við Kirkjar í Miðvági ta náttina í 1937, at Gunnhild hevði átt ein son, sum skuldi brúka alla sína yrkisorku í føroyska heilsuverkinum. Hon og Hans áttu fýra børn, og Andor er hin frumborni. Hann vaks upp og mentist til mans sum allir aðrir bygdadreingir tá í tíðini. Í einum blendingi av fiskiveiði­ og landbúnaðarsamfelag. Tíðliga dagaði áhugin fyri ítrótti og rørslu undan og hann leikti fótbólt við MB, har pápin var ein av eldsálunum. Í kapprógving var hann ein íðin sál. Táið tú ert nær í slekt við Rasmus á Háskúlanum, Mikkjal á Ryggi, DP. og onnur mentanarlig koryfæ´ir í Føroyum, so kemst valla undan, at tærið í sálarligu djúphavsstreymunum er seigt. Onki kemur av ongum. Og miðvingar munnu hava hildið hendan ungdómin verið eitt sindur sjaldnari enn teir flestu, táið hann á hjólhesti fór ta longu leiðina til Seyrvágs, at ogna sær nýútkomnu bókina “Móðir Sjeystjørnu” hjá alheimsskaldinum Williami, stutt eftir at hann hevði fingið prestsins hond á høvdið. Mað­ ur, ið dugir meginpartin av Illiaduni hjá Homer uttanat í týðingini, Illións­ kvæðnum, hjá meginskaldinum Janusi, og hevur bókmentir í heimsklassa sum eitt av sínum mongu ítrivum, má sigast at vera eitt sindur komplexur í spónalagnum. Sum tannáringur tók hann eina eksistensiella avgerð. Hann valdi aka­ demisku stíggjarnar. Tók præliminær próvtøku í Rønde í Jútlandi. Eftir tað kom hann heimaftur, á VBV, og gjørd­ ist studentur. Tá húsaðist hann í KFUM. Ein ung moyggj, sum gekk Madam Ellingsgaard til handa á tá kendu matstovuni í Havnini, Kamma, abbadóttir hin kenda Grønlands Jóhan, kolonibestýrari í Uummannaq og Aasiaat í mong ár og av hini kendu Múller ættini í høvuðsstaðnum, kom fyri eygu hansara, og liðugt var. Tey giftust og fingu 4 børn. Guðrið, Ann, Ólav og Hans. Og abbabørnini eru farin at hópa seg upp, tað seinasta, lít­ li alvurin hjá Hansi, sum nú vegar á tveimum vikum. Nú lá leiðin suður á Keypmanna­ havnar Lærda Háskúla. Hann og vaksandi familjan búðu á Solbakken, har eitt ótal av føroyskum studentum hava búð síðani. Nøkur ár seinri var hann avlærdur og fekk akademiskt prógv sum lækni. Allur heimurin stendur til allar tíðir víðopin fyri aka­ demiskari orku, serliga í hesum sorti­ mentinum. Hjá Andori var tó ongantíð nakar ivi. Hann skuldi heimaftur. At tæna landi og fólki. Og tað hevur hann gjørt so tað munar í samfull 40 ár. Fyrst í eitt stutt tíðarskeið á Lands­ sjúkrahúsinum og síðan sum kommunulækni í Tórshavn í væl meira enn ein mansaldur. Nú er hann farin um pensiónsaldur, men tað røk­ iskt fyri, at hann heldur fram soleingi stirðil er í honum, og tað man dáma flestu viðskiftafólkum hansara, tí val­ la finst tað menniskja í hesum høpi, sum ber honum annað enn alt tað besta. Sum rock rullusteinurin Keith Richards segði: “Heldur enn ein deyð, er tað betri at vera ein livandi legen­ da.” Andor hevur eisini verið fakfelags­ maður. Formaður í Kommunu­ læknafelagnum. Ikki av tí militanta slagnum. Hóast Ellefsen­íleguna, er hann alt ov diplomatiskur til tað. Søkir semjur og skil. Mangar søgur eru um tað, og seinasta avrik hansara sum fakfelagsformaður, nýggja vaktarskip­ anin, er eitt dømi um, at fram kemur hann ið hóvliga fer. Tað var ein fegin pensionistur, sum setti ta skipanina í verk á fallrepinum, tægan hann flýgg­ jaði sínum kollegum var íligin, stadnað og lívfør. Andor er ein av moldmonnunum, sum Líggjas í Bø yrkti um á sinni. Hann trívist serliga væl í heimbygdini, Miðvági, og eigur nakað væl av jørð, har hann hevur síni fár gangandi. Í frí­ løtu­num býr hann í húsunum úti á Bakka. Hann er gongumaður og í ítrótti er hann, umframt billiard­ spælið, serliga kendur í hvíta sportin­ um, badminton. Hvussu hann hevði staðið seg ímóti Prakash Patokono, Liem Svea King og Rudi Hartono vita vit ikki, men í Føroyum hevur hann verið í tí frægara endanum. Frammi í oddinum. Badminton er strævin ítrótt. Í einum dysti rennur leikarin 6 km. Hann broytir kós á vøllinum 350 ferðir. Slær 400 ferðir eftir bóltinum og harumframt er meðalferðin á bóltinum 240 km/t. Hetta ger ongan mun hjá Andori, hann heldur fram við sama lag, og gevst neyvan fyrr enn anatomiin, sum hann er algongdur í, streykar endaliga. Tey bæði Kamma hava í ártíggir búð á Kráarvegi. Í húsinum sum hin kendi danski læknin, Bendt Jensen, smíðaði á sinni. Har altartalvan í Mariukirkjuni í Kirkjubø varð málað av ikoninum Mikines. Har hevur mangur maður og mong kvinna sitið væl ígjøgnum árini. Miðdepilin í jørðildinum hjá fleiri sjaldsomum og avgerandi eksistensum. Chr. Matras, Ólavi Hátún, Eilifi Samuelsen, Ívari Iversen, Hanusi Hansen, Ólavi Michelsen, Williami Heinesen og Heðini Brú, sum gjørdi tæguna ódeyði­ liga. Hon, sum nú er á tremur at flyta til verandi og ókomin ættarlið. Leygardagin er opið hús í Havnar Klubba í sambandi við føðingardagin. Frá kl. 11 fyrrapartin til kl. 4 seinra­ partin, har øll eru hjartaliga vælkomin. ti Andor Ellefsen 70 ár Mánadagin 23.juli verður Sanna Mortensen á Argjum 80 ár. Sanna er ættað úr Sandvík, úr húsunum Uttan Ánna. Foreldrini vóru Sig­ rid og Niclas Joensen. San­ na er næstelst av fýra systkj­ um. Sanna búði síni fyrstu ár í Sandvík, men fór úr bygdini sum 20 ára gomul. Tá fór hon til Sands at tæna. Eftir hetta fór hon til Havnar at halda hús fyri ungu mennin­ ar, sum arbeiddu á Skipa­ smiðjuni. Har møtti hon manni sín­ um Henning, sum tá var í læru sum skipstimbursmið­ ur. Henning og Sanna, sum bæði eru ættað úr Suðuroyn­ ni, giftust 30. november 1952. Brúdleypið var hildið í Famjin. Sanna búði fyrsta árið í Famjin, meðan Henn­ ing arbeiddi á Skipasmiðjuni í Havn, tí trupult var at fáa íbúð i Havn. Men tá hann fekk íbúð úti í Grønlandi, flutti Sanna norðurum. Sanna og Henning bygdu hús á Argjum og fluttu inn hvítusunnuaftan í 1955. Tey eiga 5 børn, 21 ommu­ og abbabørn og 7 langommu­ og langabbabørn. Sanna var heima, meðan børnini vus­ ku til. Seinni fór hon út at arbeiða sum heimahjálp. Sanna og Henning hava bæði verið virkin í Miss­ iónshúsinum á Argjum, saman hava tey havt sunnu­ dagsskúla har. Sanna hevur eisini verið virkin í arbeið­ num hjá sjómanskvinnu­ ringinum á Argjum. Hon sat eina tíð sum formaður fyri arbeiðið. Síðani Henning gavst á Skipasmiðjuni eftir drúgva starvstíð, hevur teimum dámt væl at vitja aftur til Suðuroyar. Tey eiga hús í Famjin og nýta stóran part av summarinum har suðuri – har trívast tey sera væl. Størsta ítrivið hjá Sannu er at binda. Hon hevur altíð okkurt á stokkunum, tað dámar henni væl, og tá slappar hon eisini allarmest av. Sannu verður ynskt hjarta­ liga til lukku við føðingar­ degnum. b Sanna Mortensen 80 ár Tøkk Hjartaliga takki eg øllum tykkum, sum gleddu meg á 70 ára føðingardegi mínum. Blíðar heilsanir Finn Andreasen Øravíkarlíð Andor saman við døtrunum Guðrið og Ann