mikudagur 25. juli 2007síða 7

7 tíðindi Nr. 141 - 25. juli 2007 Beckham skapti hyggj­aramet Fótbóltur er vanliga ikki tað, sum amerikumenn ganga mest uppí, men tað vakti kortini ans, tá David Beckham um vikuskiftið spældi sínar fyrstu minuttir fyri LA Galaxy. 1,5 miliónir sjónvarpshyggjarar fylgdu nevnliga við, tá Beckham spældi seinastu 12 minuttirnar av dystinum, og hetta er met fyri ein fótbóltsdyst í USA. Fyrrverndi metið var 11 ára gamalt, tá 1,1 milliónir hyggjarar fylgdu við dysti millum DC United og San Jose Clash. Kaupthing bara veksur Íslendski Kaupthing Bank kundi í dag almannakunngera ein hálvársroknskap, sum sýnir eitt yvirskot á 4,2 milliardir krónur. Hetta er ein vøkstur upp á 44% í mun til fyrra hálvár í fjør. – Allar tær størru eindirnar hjá bankanum hava givið eitt gott ískoyti til úrslitið. Ikki minst vigaði tað tungt, at talan var um sera stóran vøkstur í ómaksgjøldum, provisiónum og nettorentuinntøkum, sigur Hreidar Már Sigurðsson, forstjóri í Kaupthing, við Ritzau. Politisku flokkarnir fara upp undir kom­an­ di løgtingsval m­eira enn nakrantíð áður at reka valstríð við nýggjum­ sam­skiftis­ m­iðlum­ á alnetinum­. Møguleikin at røkka ungum­ veljarum­ er serstakliga góður, og nýggju sam­skif­ tism­iðlarnir frígera flokkar og valevni frá avm­arkingunum­ í kringvarpslógini og journalistisku rediger­ ingini í vanligu fjøl­ m­iðlunum­ VALSTRÍÐ Leo Poulsen leo@sosialurin.fo YouTube, MySpace og aðr­ ar heimasíður við livandi myndum og ljóði verða týð­ andi partur av vígvøllinum, har komandi løgtingsval skal vinnast. Tað er niður­ støðan hjá samskiftisfyri­ tøkuni hjá Kára Durhuus og Per Højgaard, IssueCon­ sult. Tvey tey seinastu løg­ tingsvalini hava verið merkt av, at flokkar og valevni hava rikið valstríð á egnum heimasíðum. Tað verður eisini støðan við næsta val, men vit fara at síggja og hoyra nógv meiri til politik­ arar og sjónarmið teirra í livandi myndum og ljóði á alnetinum í valstríðnum, sum so smátt er byrjað og skal haldast seinasta lagi 19. januar 2008, siga teir báðir samskiftisráðgevarar­ nir. Elta útlandið IssueConsult roknar við, at føroysk valevni fara at gan­ ga í fótasporunum hjá útlendskum politikarum og valevnum, sum leingi hava rikið síni valstríð og politis­ ku branding við video­ og ljóðklippum – sonevndum webcast og podcast – á alnetinum. Í USA hevur leingi verið vanligt, at politikarar net­ varpa síni sjónarmið út til veljararnar, og so seint sum í fyrrakvøldið varpaði CNN ljós á júst hesa gongdina, har teir eitt nú vístu á O­ba­ ma og Clinton sum dømi. Eisini europeiskir politikar­ ar eru komnir rættiliga væl á leið hesum viðvíkjandi. Fesk dømi eru fráfarni bretski forsætisráðharrin, Tony Blair, sum á fronskum máli á YouTube í mai ynskti nýggja franska forsetanum, Nicolas Sarkozy, tillukku við valsigri sínum. Bill Clin­ ton, fyrrverandi amerikanski forsetin, hevur sín persónli­ ga weblog, har hann í hes­ um døgum kensluborið greiðir frá ferð síni í Afrika og bardaganum móti AIDS og fátækradømi har. Í Danmark er Sosialistisk Folkeparti helst tann flokk­ urin, sum er komin longst við at brúka nýggju sam­ skiftismøguleikarnar poli­ tiskt, og floksformaðurin, Villy Søvndal, er longu eitt kent andlit á YouTube. Smá føroysk fet Í Føroyum hava politisku flokkarnir tikið fyrstu smáu fetini við livandi politiskum boðskapum. Fólkaflokkurin er helst komin longst við at netvarpa sínar politikarar og teirra sjónarmið, og Sam­ bandsflokkurin hevur eisini nomið við webcast­tøknina á heimasíðu sínari, tó í av­ markaðan mun. Hinvegin hevur flokkurin hjá løgmanni, Javnaðar­ flokkurin, lítið og einki gjørt á hesum øki. Samanlagt eru flokkarnir í Føroyum tó langt aftanfyri útlendsku flokkarnar á hes­ um øki, men tað er bert ein spurningur um tíð, til heim­ ligu flokkarnir veruliga taka nýggju miðlatøknina til sín og gera hana til part av politisku brandingini. Økt frælsi Politiska brúkið av netvarp­ inum ber í sær, at flokkarnir sleppa undan avmarkingun­ um í kringvarpslógini og teirri journalistisku redeger­ ingini á føroysku fjølmiðlu­ num. Grein 8 stk. 5 í kring­ varpslógini bannar lýsing­ um fyri politiskum áskoða­ num, og tað merkir, at flokk­ ar og valevni ikki kunnu keypa sær tíð í lýsingar­ blokkunum hjá Útvarpinum og Sjónvarpinum. Tað er ein orsøk til, at føroysku bløðini hava jóladagar í val­ stríðum. Við netvarpi á alnetinum er hinvegin frítt slag. Har kunnu flokkar og valevni frítt og við rímiliga góðari mynda­ og ljóðgóðsku koma út til ein sera stóran lurtara­ og hyggjaraskara við sínum politisku sjónar­ miðum. Á sama hátt ber netvarp­ ingin í sær, at politisku sjón­ armiðini verða ikki sáldað frá, broytt ella redigerað á tíðindaredaktiónunum. Alnetið er frítt, og samskift­ ið er beinleiðis uttan uppí­ blanding frá blað­ ella loft­ miðlafólki. Nýggir kveistrar Ein sannroynd, sum helst telur nógv hjá politisku flokkunum, er, at alnetbrúk­ arar – og serliga hyggjarar, lurtarar og lesarar á YouTube og MySpace – eru í lutfalsliga ungum árum. Flokkarnir skríggja vanliga eftir ungum veljarum, og við nýggju samskiftismið­ lunum liggur til dømis væl fyri at koma í samband við tey, sum skulu á val fyri fyrstu ferð. Politisk netvarping er eisi­ ni uppløgd hjá nýggjum og ókendum valevnum. Á net­ inum kunnu tey í friði og náðum greiða frá sær sjálv­ um og sínum politikki – nak­ að, sum ikki letur seg so væl gera í vanligum fjølmið­ lunum. Hetta fer tó at seta størri krøv til bæði flokkarnar og móttakarar, tí mongdin av informatiónum fer at eks­ plodera. Men veljarin, sum er áhugaður í at vita, hvat ymsu valevnini standa fyri, fær nøktað sín tørv. O­g tað kann gerast avgerandi táttur í valinum, siga Per Højgaard og Kári Durhuus frá Issue­ Consult. Flokkarnir eiga at gera sær greitt, hvussu stóra ávirkan nýggju samskiftismøguleikarnir fara at hava á valstríðið og harvið eisini valúrslitið, siga Per Højgaard og Kári Durhuus frá IssueConsult Mynd: Jens Kristian Vang Valstríð við nýggj­um vápnum