fríggjadagur 27. juli 2007síða 14

14 Nr. 143 - 27. juli 2007 Á hesum síðum bera vit tíðindi um merkisdagar, so sum rundar føðingardagar, brúdleypsdagar, starvssetanir o.t. nøvn SAMBAND MAgNuS guNNArSSoN MAggi@SoSiAluriN.fo tlf 341800 fAx 341801 Lítli fitti Rói Andreasen, sonur Jóhannu og Boga Andreasen,andaðist mikudagin 25. juli, 5 ára gamal. Kistan kemur í Ebenezer í dag, fríggjadagin 27. juli klokkan 18. Jarðarferðin verður úr Ebenezer leygardagin 28. juli klokkan 11.30. Tey, ið vilja minnast Róa, kunnu lata Samkomuni „Lívdin“ eina gávu, konta í Eik. Kamar Joensen andaðist á Norðoyar røktarheimi hósdagin 26. juli, 79 ára gamal. Gravarferðin verður lýst seinni. Andlát og jarðarferðir Kunngjørt verður fyri ætt, vinum og kenningum, at okkara elskaði sonur og beiggi Rói Andreasen andaðist mikudagin 25. juli, 5 ára gamal. Kistan kemur í Ebenezer fríggjadagin 27. juli kl. 18.00. Jarðarferðin verður úr Ebenezer leygardagin 28. juli kl. 11.30. Familjunnar vegna Hanna, Bogi og Hugin Tey, ið vilja minnast Róa við blómum ella kransum, kunnu ístaðin lata Samkomuni »Lívdin« eina gávu. Konta í Eik. Tøkk Tykkum øllum, sum á ymiskan hátt gleddu meg á 80 ára degnum og gjørdu mær dagin ógloymandi, takki eg so hjartaliga. Jona Egholm, Vestmanna Dagurin 28. juli. Aurelius, deyður í umleið 852. Í fæðirætt vóru hann og konan Natalia av mauriskum fólki, men tey vóru í loyndum kristin 29. juli. Ólavsøka verður hildin til minnis um, at norski kongurin Ólavur Haraldsson fell á Stiklastøðum í árinum 1030. 30. juli. Abdon, deyður umleið ár 250. Høgt mettur embætismaður í Róm, sum varð tikin av døgum fyri kristnu trúgv sína Tann 2. august verða tvíburasystrarnar Lena Rasmussen og Oddvør Dam 65 ár. Báðar búgva tær í Havn, men tær eru ættaðar úr Fuglafirði, og har hava tær sum rímiligt er ein felags forsøgu. Pápin var Jóhannes Jacobsen. Hann var ættaður úr Funnngi, sonur Karo­ linu og Osvald Jacobsen. Sum ungur fór hann til Havnar at læra til skó­ makara hjá mammubeiggjanum Gamla Knút Skómakara. Tískil var Johannes systkinabarn Onnu Petersen, sum vit umrøddu í røðini Hendur ið Sleptu í Sosialinum í gjár. Jóhannes giftist við Elin Sofíu, kall­ að Ellifía, sum var dóttir Lenu og Óla á Miðgerði, og var hann beiggi gamla Sámal Petur. Teir vóru ættaðir úr Kollafirði men búsettust í Fuglafirði. Jóhannes búsettist eisini í Fuglafirði, har hann virkaði sum skómakari og eisini sum ortopediskur skómakari til ellisár. Hann doyði fyrr í ár 96 ára gamal. Johannes og Ellufía fingu børnini, Jóna, Oddvør, Lena, Ninnema, Sigga, Óli og Osvald. Tað kann sigast um tey hjá skómak­ aranum, sum vit plaga at kalla tey, at tey eru sera ættarkær. Hetta merkja ikki minst vit, sum eru ættað frá Knúti skómakaranum. Hóast rættiliga langt úti í ætt kennast nógv av okkum sum næstrafólk. Hetta var eisini galdandi fyri systir Jóhannes, Mallu í Funningi, sum var gumma Knút Háberg, abba­ son gamla Knút skómakaran. Væl eld­ ast tey eisini. Malla fylti 100 ár við fullum skili. Øll hava ymiskar lívsleiðir, og tað hava Lena og Oddvør eisini havt. Tær eru vist eisini meira ólíkar enn tvíbur­ ar annars plaga at vera. Men sigast kann stutt um tær hvør sær: Lena Lena fór úr skúlanum at arbeiða í handlinum hjá S.P. Petersen, ella hjá Pidda, sum var systkinabarn mamm­ una. Í 1963 fóru tær báðar, Lena og Oddvør, niður á húsarhaldsskúla, sum ikki var óvanligt hjá gentum tá. Aftaná arbeiddi Lena eitt skifti á posthúsinum í Fuglafirði. Eina tíð var hon í húsi hjá Jónu systir síni, og fór aftan á tað at arbeiða í Keypssamtøkuni í Havn. Eina tíð var Lena í gamla bókhandli, og í 1964 giftist hon við Petur Sigurd Rasmussen lærara. Lena gekk heima nøkur ár, fór síðan at arbeiða á verkstaðnum Vón, og sigast kann at hetta gjørdist hennara lívsstarv, og tað er eisini her, hon heldur føðing­ ardagin ólavsøkuaftan kl. 10­14. Lena og Petur Sigurd fingu tríggjar døtur Turið, Eyð og Unn og ommu­ børnini eru 10 í tali. Oddvør Oddvør kom eisini at royna eitt sindur av hvørjum, tá ið hon fór úr skúlanum. Eitt tað fyrsta hon royndi var at vera læraravikarur, og ikki valdi hon tey høgligastu plássini. Fyrst var hon eitt ár á Langasandi í 1961 og síðan eitt ár á Slættanesi í 1962. Hetta hevur helst verið seinasta ár skúli var í bygdini, og hetta var beint áðrenn bygdin varð avtoftað. Síðan fór Oddvør at arbeiða á Skipa­ felagnum í Fuglafirði og aftan á tað fór hon at arbeiða á sosialu deild hjá Havnar Kommunu. Í Fuglafirði var hon komin at kenna John Dam, sum hevði mist konuna við eini syrgiligari vanlukku. Fyrstu árini arbeiddi hon eisini, men seinni kom hon at vera um John og hansara fulla tíð. Oddvør var uttan iva tann rætta, at koma saman við John, so tolin hon er. Tað kravdist ikki minst av henni seinnu árini, tá John gjørdist meira og meira sjúkur, til hann doyði fyri nøkrum árum síðani. Oddvør gjørdist sum ein mamma serliga fyri Zakaris hjá John, sum var yngstur av børnunum, og hon hevur verið ein rættilig omma fyri øll abbabørnini hjá John, og hon er eisini uppkallað. Góð er hon eisini við síni ommubørn sum nøkur omma. Oddvør heldur føðingardagin heima við hús tann 3. august. Tá verður eisini høvi til at síggja kanska tann vakrasra urtagarðin í Havn, sum Oddvør er meistari fyri. Her skal skoytast uppí, at tað sama kann sigast um havan hjá systrini Jónu. Hetta man vera ein førn­ ingur, tær hava við sær heimani frá. Í stuttum kann sigast um føðingar­ dagsbørnini, at tað er hugaligt at kenna tær saman við restina av familjuni. Ynskt verður tykkum hjartaliga til­ lukku við tykkara felags førðingardegi. Send verður eisini ein seinkað føðingar­ dagsheilsan til systrina Jónu (Linden­ skov), sum fylti 70 ár fyri kortum. ó. Lena og Oddvør verða 130 ár Lena Oddvør Tey hjá skómakaranum: Aftara rað f.v. Jóhannes, Osvald, Oddvør, Sigga, Óli og Jóna. Frammanfyri: Lena og Ninnema (Karolina)