týsdagur 10. apríl 2001síða 12

Nr. 70 - 10. apríl 2001 23 gult23 cyan23 magenta23 svart23 22 Nr. 70 - 10. apríl 2001 gult22 cyan22 magenta22 svart22 Hjørleif Kúrberg heldur eina av høv- uðsorsøkunum til FM-heitið vera mátin, sum kvinnurnar hava riggað saman uttan fyri vøllin FØROYAMEISTARI Jákup Mørk Hóast hann av teimum flestu verður mettur sum ektaður havnarmaður, so hevur Hjørleif Kúrberg í verið annar av venjarunum hjá VÍF-kvinnunum, sum í ár hava beint alla mótstøðu til viks. Sjálvur heldur hann tó ikki, at tað er nakað løg- ið í hesum. - Tað er nú ikki fyrstu ferð at eg eri her norðuri. Eg havi áður vant menninar hjá VÍF, og fyrra árið var eg somuleiðis venjari hjá kvinnunum. Nú helt eg sum so, at eg var givin, men tá tey so aftur heittu á meg, játtaði eg kortini. Tað er eisini eitt sindur ringt at siga nei, tá dótturin spælir við, sigur Hjørleif. Ikki kann sigast annað enn, at árið hevur hylnast væl, og Hjørleif viðgongur eisini, at hann ikki eitt sek- und hevur angra avgerðina. - Nei, og so avgjørt ikki eina løtu sum hesa. Tá er alt ljósareytt, men tað fer tó avstað við nógvari tíð, sigur Hjørleif, sum annars leggur dent á, at genturnar hava verið ótrúliga góðar at fáast við. Ikki minst leggur hann dent á, hvussu væl tær hava riggað saman sosialt. Ikki bangin Mong mundu halda, at FM- vónirnar fingu eitt álvarsl- igt skot fyri bógvin, tá Nic- oleta Radu breyt beinið, men hóast hetta var ein stórur missur, so sigur Hjørleif, at hann ongan tíð var bangin um, at tað kanska fór at kiksa. - Tað haldi eg ikki, at mann kann siga. Vit hava havt eitt sera væl virkandi lið, har tær ungu hjá okkum veruliga hava ment seg í ár, soleiðis at talan í veruleik- anum er um eitt lið uttan tær heilt stóru stjørnurnar. Gaman í skjýtur Ioana nógv mál, men hon tekur so eis- ini stóran part av brotskøst- unum. Har umframt má eg so eisini rósa Daniel fyri tað arbeiði, sum hann hevur framt í árinum. Eg kann bara siga tað allarbesta um evni hansara sum venjara, og hetta hevur so avgjørt verið ein av høvuðsorsøk- unum til góða úrslitið, sigur Hjørleif Kúrberg at enda. The Grand-old man hjá vestmenningum er uttan iva Sjúrður Holm, sum í samfull 22 ár hevur spælt hondbólt í bestu mansdeildini FØROYAMEISTARI Jákup Mørk Ein av høvuðsstuðlunum hjá VÍF í mong ár hevur verið drúgvi verjuleikarin, Sjúrður Holm. Hóast hann ikki er so nógv at síggja á máltalvuni, so liggur hans- ara partur í fullmerkjunum so avgjørt ikki eftir. Brellast altíð Tað hevur annars fleiri ferðir ljóðað, at Sjúrður skuldi gevast við hondbólt- inum, og onkun tíð hevur hann eisini sagt farvæl. Spurdur, hvussu tað ber til, at hann kortini er aftur at síggja, sigur hann, at tað fyrst og fremst er hugurin, sum drívur verkið. - Tað er stuttligt. Hvørja ferð mann hevur hug at gevast, brellist eg kortini aftur, og so er bara at fara ígongd. Tey bæði seinastu árini hevur hetta tó ongan tíð verið upp á tal. Sjúrður hevur tá verið við frá fyrsta venjingarkvøldinum, men soleiðis hevur ikki verið altíð. - Nei, okkurt árið havi eg ikki havt stundir vegna arb- eiðið, men tá teir so hava heitt á meg, so eri eg altíð farin ígongd kortini, sigur verjuskansin, sum í ár leikti sítt 22. ár í bestu mans- deildini. Hann kom blað- ungir inn á besta mansliðið hjá Neistanum í 1979, og hevur hann síðani hetta spælt í bestu deildini. Spurdur, um hann eisini verður at síggja á liðnum hjá VÍF sigur Sjúrður, at tað veit hann ikki. - Nú tori eg so ikki at siga nakað sum helst, eru sein- astu orðini frá Sjurða Holm. Ingi Olsen heldur, at meðan hini liðini ant- in eru viknaði ella standa í stað, so hev- ur VÍF í ár styrkt um hópin, og at hetta er orsøkin til einaveldi teirra í landskapping- ini FØROYAMEISTARI Jákup Mørk Meðan vit í fjør og fyrra ár- ið høvdu tvær øgiliga spennandi landskappingar í bestu mansdeildini, hevur kappingin í ár verið full- komuliga dominerað av VÍF. Tað er annars bert eitt ár síðani, at VÍF stóð sum tapari í einum alt avgerandi dysti, har einki varð avgjørt fyrr enn seinasta korterið, men soleiðis var ikki í ár. Eru styrktir Ein av VÍF leikarunum tá sum nú, er Ingi Olsen. Eftir at teir høvdu smurt strand- ingarnar av leygardagin, hittu vit hann, og spurdu, hvat tað er, sum er hent við kappingini í ár. Eru tað hini liðini, sum eru vorðin veik- ari, ella er VÍF bara so nógv betri fyri í ár. - Um tú hyggur eftir hin- um liðnum sum heild, so er greitt, at vit hava fingið styrk. Eitt nú var Áki ikki í okkara parti í fjør, og hann gjørdi millum annað um seg seinasta dystin í Vest- manna. Í ár hevur hann so verið við okkum, og tað er so sjálvandi ein styrkur, samstundis sum hetta hevur verið ein missur fyri Neist- an. - Eisini hava vit fingið John aftur í ár, eins og vit hava havt útlendskan leik- ara, so alt í alt haldi eg, at vit eru sterkari í ár, enn vit vóru í fjør. Ikki minst hevur breiði hópurin gjørt sítt. Spurdur um teir í ár hava vant harðari enn vanligt, sigur Ingi, at tað heldur hann ikki. - Vit hava vant tær tríggj- ar-fýra ferðirnar um vik- una, sum vit plaga, so í so máta er einki broytt. Vit vóru tó á eini venjingarlegu undan kappingini, og hetta hevur kanska merkt, at vit alt fyri eitt vóru væl fyri. - Vit hava eisini verið nóg hepnir til at vinna fleiri dystir við einum máli, og tað sigur kanska eisini nak- að um, at vit hava verið tað betri fyri enn mótstøðulið- ini. Eg trúgvi í øllum førum ikki, at tú bara ert heppin tíggju ferðir á rað, sigur hann smílandi. - Har afturat er tað eisini umráðandi, at leikararnir duga at vinna og tora at vinna. Har haldi eg okkum hava verið dugnaligar til at halda høvdið kalt í avger- andi løtum, og í fleiri dyst- um hevur tað nærum verið soleiðis, at vit snøgt sagt ikki hava trúð upp á møgu- leikan fyri einum tapi. Hin- vegin sóu vit eitt nú í steypafinaluni, at tá tað so brádliga gongur okkum illa, so fáa vit einki til at rigga. Vildu hevna seg Nú nevndi Ingi sjálvur steypafinaluna, og einki er at ivast í, at hetta var dygg- ur smeitur hjá vestmenn- ingunum. Harafturat vóru teir fyri einasta stigamissi í landskappingini móti júst StÍF, og Ingi ásannar eisini, at teir ætlaðu sær at hevna hetta, tá teir fóru á vøllin leygardagin. - Eg haldi, at tað var sjón- ligt í dag, at vit vóru meira uppsettir í dag enn teir. Ein trupulleiki hjá okkum hev- ur eisini verið, at vit hava svingað nógv upp og niður sálarliga. Móti Kyndli her- fyri vóru vit til dømis sera tamir, men eg haldi at vit í dag prógvaðu, at vit eru førir at spæla væl betri enn nakað annað lið í Føroyum. Orange-litta troyggjan Tey, sum hava fylgt VÍF seinnu árini, hava kanska lagt til merkis, at Ingi at kalla altíð spælir í einari orangelittari troyggju innan fyri gula VÍF búnan. Spurd- ur um hetta hevur nakað við pátrúgv at gera, svarar Ingi, at tað heldur hann ikki. - Nei, eg haldi ikki, at tal- an er um pátrúgv. Eg hevði hesa troyggjuna heimvið, eftir at eg hevði verið niðri og spælt. Har høvdu vit alt- íð hesar troyggjurnar innan fyri, og tað er so nakað, sum eg havi fast við. Kanska tí vit fluttu upp tað árið, sum eg spældi í Dan- mark. - Eg havi tó ikki verið í henni hvørja ferð, men seinastu dystirnar havi eg so altíð verið í henni. Eg minnist ikki, um eg kanska havi gloymt hana, onkra ferðina, tá vit hava tapt. Í steypafinaluni var í øllum førum sera heitt í høllini, so kanska havi eg ikki verið í henni tá. Tað skuldi eg kanska havt gjørt, sigur Ingi Olsen at enda. Havnarmaðurin í Vestmanna Hóast Nicoleta breyt beinið, so var Hjørleif ongan tíð bangin um, at FM heitið fór at kiksa hjá teimum Mynd: Álvur Haraldsen Drúgvur á vøllinum Sjúrður torir ikki at siga nakað um, hvørt hann verður aftur á vøllinum komandi kappingarár Mynd: Álvur Haraldsen VÍF fær meðan hini missa Ingi Olsen sigur seg ikki halda upp á pátrúgv, men kortini spælir hann at kalla altíð í somu orangulittur T-troyggjuni undir VÍF-búnanum Mynd: Álvur Haraldsen Hálvfinalurnar í FM-kappingini fyri pør vórðu avgreiddar um vikuskiftið, og nú er greitt, hvørji tey 26 í finaluumfarinum verða BRIDGE Arnbjørn Sivertsen og Bogi Simonsen Luttøkan til semifinaluna í FM kappingini fyri pør var ikki av teimum størstu í ár. 22 pør spældu við, og er hetta nakað væl minni, enn tað plagar at vera. Vert er at leggja til merkis, at eingin luttøka var av bygd, tá Eysturoyggin er undantikin. Hetta er stórt spell. FBS hevði biðið føroyameistararnar frá í fjør, Róa á Rógvu Joensen og Heðin Mouritsen, skipa fyri og vera kappingarleiðarar í semifinaluni. Hetta greiddu teir avbera væl og fingu nógv uppiborið rós frá luttakarunum í kappingini fyri avrik á høgum støði. Eitt par skaraði framúr í semifinaluni. Símin Lassaberg og Árant Berjastein, sum hava verið makkarar í fleiri ár men ikki hava spælt saman í ár, høvdu funnið saman aftur til hesa kappingina, og teir vunnu við ikki minni enn 69 stigum til nr 2. At hetta er annað av pørunum, sum skal umboða Føroyar í norðurlendsku kappingini í Rottneros í mai, kunnu vit fegnast um og kanska vanta okkum eitt gott úrslit har í ár (hitt parið er Árni Dam og Marner Joensen). Men fyrst skal so FM finalan fyri pør avgreiðast, og eru Símin og Árant avgjørt millum favorittarnar. Tey 13 pørini, sum spældu seg í finaluna, vóru hesi (miðal er 0): 1. Símin Lassaberg — Árant Berjastein 150 2. Mortan Rasmussen — Finn Ougaard 81 3. Marner Joensen — Árni Dam 65 4. Magni Jøkladal — Pól Egholm 63 5. Oddmar Danielsen — Einar Ellingsgaard 52 6. Zakaris Joensen — Salomon Johansen 33 7. Atli Hansen — Jógvan Ranghamar 29 8. Bogi Simonsen — Niels Nielsen 22 9. Eybjartur Danielsen — Hallberg Arnfríðsson 22 10. Reimund Langgaard — Bjarki Johannesen 18 11. Øssur Winthereig — Luitjen Apol 14 12. Hans Egil Joensen — Edmund Joensen 2 13. Ingibjørg Hansen — Henriette Svenstrup -14 FM finalan fyri pør verður leikt í Bridgehúsinum í Havn leygardagin 21. apríl. Í finaluni vera 16 pør. Trý pør fingu frípláss í finaluna, m.a. orsakað av, at tey hjálptu til við at skipa fyri semi- finaluni. Hesi eru eru: Rói á Rógvu Joensen — Allan Dal-Christiansen Heðin Mouritsen — Jóannes Mouritsen Hans Jacob Petersen — Arnbjørn Sivertsen Spælið Vit hava einki spæl frá semifinaluni at seta í blaðið. Men her er eitt spæl frá liðkappingini í Havnar Bridgefelag, sum vit fingu frá Símin Lassaberg. N/- Norður KQ102 A65 87532 3 Vestur Eystur 54 J983 KQJ843 107 KQ J6 J5 K9762 Suður A76 2 A1094 AQ1084 NS: Símin Lassaberg — Árni Dam EV: Oddmar Danielsen — Hannis Jacobsen Vestur Norður Eystur Suður - pass pass 1 kl 1 hj D* pass 2 rú 2 hj 3 rú pass 5 rú pass pass pass * Negativ dupling. Lovar teir ómeldaðu litirnar. Útspælið var hj K, sum Árni tók við essinum. Hann spældi síðan rútara til níggjuni, og frúgvin fekk stikkið. Hannis spældi hjQ aftur, sum Árni trumfaði. Hann tók klA, spældi kleyvara til trumf, rútara til essið, kleyvara til trumf, tók spK, spældi spaðara til essið, enn ein kleyvara til trumf, og støðan var hendan. Q10 6 - - J9 ongan - týdning - K 7 - 10 Q Tá Árni nú spældi hjartara frá borðinum til trumf á hond- ini, skuldi Eystur halda sp J9 og kl K, sum jú var ómøguligt. Hann var skvisaður. Væl spælt av Árna, hóast hetta bara var eitt týdningarleyst yvirstikk í einum liðdysti. Fekk rós frá venjaran- um, tá hann leygar- dagin í Brønshøj fyri fyrstu ferð royndi seg í næstbestu deildini ÚTISETAR Jóannes Hansen Ein føroyingur afturat tyk- ist ætla at gera um seg í donskum fótbólti. Talan er um átjan ára gamla Atla Gregersen. Hann hevur tey bæði seinastu árini vant í Randers, og leygardagin fekk hann fyri fyrstu ferð møguleikan á besta liðnum hjá Randers Freja. Randers liðið, sum er í næstbestu deildini, vitjaði í Brønshøj í Keypmanna- havn, og Atli Gregersen kom á vøllin, tá seinna um- farið var gott og væl hálv- runnið. Tá var støðan 1–0 til heimaliðið, sum endaði omaná við 3–0 sigri. Brønshøj telist millum lið- ini í næstbestu deildini, sum úrslitaliga hevur havt mesta undanvindin nógvu tey seinastu umførini. Atli Gregersen er verju- spælari. Ta løtuna hann var á vøllinum fóru tvey mál ígjøgnum, og tí kann tað kanska tykjast, sum um hann ikki var við til at gera støðuna betur, eftir at hann var komin á vøllin. Men tað helt lokala blað- ið í Randers ikki í sunnu- dagsútgávuni: – Ungi føroyingurin var ein av teimum heilt fáu, sum kundi vera nøgdur við hugburðin og avrikið, stað- festi tíðindamaðurin, sum hevði verið við sínum býar- liði í Keypmannahavn. Seinnapartin av seinna umfarinum hevði Randers Freja nógv fólk frammi á vøllinum, tá teir royndu at javna. Stutt eftir at Atli Gregersen var komin á vøllin, hevði hann eftir hornaspark góða skotroynd, sum fór dygst skeivu megin stólpan. Vilja frameftir Atli Gregersen traðkaði fyrstu fótbóltsskógvarnar í B36. Fyri nøkrum árum síðani flutti hann saman við foreldrunum niður á Born- holm. Nú gongur hann ann- að árið á handils studenta- skúla í Grenå, har serligur dentur verður lagdur á ítrótt og hjá Atla fótbólt. Ábyrgd- ina fyri fótbóltsvenjingini á skúlanum hevur Kent Nielsen, sum er uppvaksin í Brønshøj, og sum fyri tíggju árum síðani var ein av stuðlunum í miðverjuni á landsliðnum. Teinurin úr Grenå og til Randers er 55 kilometrar, og hjá Atla Gregersen fer tað dagliga við rúmari tíð at koyra aftur og fram í bussi. Men hugurin til fótbóltin hjá 194 centimetra høga unga manninum er góður, og leygardagin fekk hann fyrstu rættuligu ábending- ina um, at tað fer kanska at spyrjast nakað burturúr. Atli Gregersen vil fegin gera nógv við fótbóltin. Tað vilja teir í Randers eisini. Krúnjydarnir, sum teir vanliga verða róptir, eru eitt sindur niðanfyri miðjuna í næstbestu deildini. Málið er at røkka bestu deildini. Tað gera teir neyvan í hes- um kappingarárinum. Men tað er ikki ónhugsandi, at tað verður grundarlag fyri uppflyting seinni. Áhugin fyri fótbólti í Randers er stórur. Tað sást á áskoðara- talinum hjá Randers Freja á heimavølli. Har møta fleiri upp, enn tað gera í flestu øðrum feløgunum í 1. deild. Vánirnar fyri framgongd og harvið uppflyting eru altíð tengdar at fíggjarliga grundarlagnum. Tølini á niðastu regluni eru sum oft- ast reyð hjá fótbóltsfeløg- unum í Danmark. Í Randers Freja kenna teir nógv til hetta. Fyri nøkrum árum síðani fór peningafótbóltur- in í býnum á húsagang. Nú hevur Randers Freja strítt seg aftur í næstbestu deild- ina. Men teir hava ikki spent fíggjarliga bogan serliga høgt. Fyri stuttum varð roknskapurin fyri síðsta fíggjarár almannakunn- gjørdur. Tað varð nógv um- røtt í donskum fjølmiðlum, at felagið hevði eitt rætt- uliga fitt avlop. Hetta átti at givið felagnum og harvið eisini føroyska miðverjan- um, Atla Gregersen, møgu- leikar fyri menning og framgongd. Finaluluttakararnir funnir Atli Gregersen á besta liðnum í Randers