týsdagur 31. juli 2007síða 9

9 tíðindi Nr. 145 - 31. juli 2007 Múrurin flestar atkvøður Í sjónvarpstíðindunum í gjárkvøldið varð kunngjørt, at Múrurin í Kirkjubø – Magnusar katedralurin – fekk flestar atkvøður í kappingini um at finna Føroya sjey undurverk. Ein kapping, sum altso endaði við at átta undurverk blivu vald. Næstflest atkvøður fingu Kirkjubøstólarnir. Síðani komu Christiankirkjan í Klaksvík, Norðoyatunnilin, Tinganes, Norðurlandahúsið og at enda komu fyrsta Merkið í kirkjuni Fámjin og Amtmansborgin í Havn. Hesi bæði seinastu fingu eins nógvar atkvøður, og soleiðis gjørdust tey sjey undurverkini til átta. - Vit hava brúkt øll amboðini í lógini. Fólk eiga tí ikki at stara seg blind í teimum prosentvísu niðurskurðunum. Vit fara at hyggja at økisfriðingunum, reiðskapi og gongdini í veiðitrýstinum. Uppskotið byggir í høvuðsheitum á trý ting; fiskidagar, økisfriðingar og reið- skap, sigur Bjørn Kalsø, landsstýris- maður Fiskivinna Vilmund Jacobsen vilmund@sosialurin.fo Landsstýrismaðurin í fiski­ vinnumálum, Bjørn Kalsø, hevur lagt fyri tingið upp­ skot um broytingar í lógini um vinnuligan fiskiskap. Hetta hevur landsstýrismað­ urin gjørt í samband við, at nýtt fiskiár byrjar 1. sep­ tember. Bæði Fiskirannsóknar­ stovan og Fiskidaganevndin ásanna, at serliga toskurin á landgrunninum og á Føroyabanka er illa fyri og mæla til skerjingar av veiðitrýstinum. Eitt ávíst trýst hevur ligið á landsstýrismannin seinastu tíðina um at fremja munandi niðurskurðir í veiðitrýstinum, serliga á toski. Ikki bert dagar Í uppskotinum, sum vænt­ andi kemur til fyrstu við­ gerð á tingi fríggjamorgunin, verða fiskidagarnir á land­ grunninum skerdir við ein­ um samlaðum tali, sum svarar til umleið 2%. Soleiðis verða einir 704 fiskidagar tiknir burtur úr núverandi skipan. Skerjingin av veiðimøgu­ leikunum á Føroyabanka verður uppaftur størri, svarandi til eini 10­20% ­ alt eftir, hvørjar veiðibólkar talan er um. Størri leiðir á Bankanum verða friðaðar fyri at verja toskin, og tað grynsta verður stongt alt árið, um uppskotið hjá landsstýrismanninum verð­ ur samtykt. Bjørn Kalsø skjýtir eisini upp at herða reglurnar um avhendan av fiskidøgum, og hetta kann í ávísan mun eisini virka tálmandi fyri veiðitrýstið. At kalla veiðisteðgur verður undir Føroyum ein mánaða um árið – 14 dagar um jóltíðir og 14 dagar um ólavsøkutíð. Øll amboðini L a n d s s t ý r i s m a ð u r i n ásannar, at soleiðis, sum serliga toskastovnurin er fyri í løtuni, er neyðugt at tálma veiðitrýstið. ­ Vit hava í hesum førin­ um brúkt øll amboðini í lógini, og tí eiga fólk ikki at stara seg blind í teimum pro­ sentvísu niðurskurðunum, sum eg mæli til í mínum uppskoti. Hann vísir á, at landsstýr­ ismaðurin hevur hampiliga víðar ræsur at skipa veiðina og fremja tálmandi tiltøk við kunngerðum. Í øðrum førum er so neyðugt við beinleiðis lógarbroytingum. ­ Í uppskotnu broytingun­ um hesaferð verður mælt til beinleiðis niðurskurðir í fiskidøgum, men vit fara eisini at hyggja at økis­ friðingunum, reiðskapi og gongdini í veiðitrýstinum. Bjørn Kalsø vísir á, at hóast uppskotið hevði bygt á størri skerjingar í bein­ leiðis dagatalinum, er ikki vist, at hetta í eins stóran mun hevði tálmað veiði­ trýstinum eftir toski, sum er ringast fyri. ­ Tá kundu fiskiførini bara brúkt dagarnar uppaft­ ur betri – ella kanska lagt seg enn meira eftir at veiða tosk, tá tey eru til fiskiskap, sigur hann. Uppskotið hjá landsstýr­ ismanninum byggir tí í høvuðsheitum á trý ting; fiskidagar, økisfriðingar og reiðskap. Pelagisk hjáveiða ­ Vit fara eisini neyvari at hyggja at veiðini hjá trolbát­ unum á landleiðini, eins og vit í enn størri mun fara at fylgja gongdini við møgu­ ligari hjáveiði hjá pelagisku skipunum. Landsstýrismaðurin er tí ikki samdur við teimum, sum halda, at fyriliggjandi uppskot ikki er nóg víð­ gongt. Hann sigur, at full semja ikki er í landsstýrinum um allar tær uppskotnu broyt­ ingarnar, men ásannar sum landsstýrismaður í fiski­ vinnumálum, at neyðugt er at tálma, soleiðis sum støð­ an er í løtuni. ­ Ætlan landsstýrisins er eisini at gera eina neyva kanning av fiskiflotanum, síðan vit fingu fiskidaga­ skipanina. Vísir tað seg, at veiðitrýstið er nógv økt, verður hond eisini tikin um hetta, sigur hann. Gýting og smáfiskur Ætlan landsstýrisins er eis­ ini at víðka um gýtingar­ leiðirnar og gera tillagingar á uppvakstrarøkjum hjá smáfiski. ­ Onkur umlegging verð­ ur eisini í sambandi við upsaveiði, har gulllaksaveið­ an kemur við í fiskidaga­ skipanina. Á henda hátt verður upsaveiðan nakað tálmað, sigur Bjørn Kalsø. Ein partur av broytingun­ um, sum landsstýrismaðurin í sínum uppskoti mælir til, er soleiðis lógarbroyting um fiskidagar og lógarbroyt­ ing um keyp av fiskidøgum. Ein annar partur er so tær tillagingar, sum landsstýr­ ismaðurin hevur heimild at fremja við kunnugerðum. Dagliga eftirlitið ­ Vit hava Fiskiveiðieftirlitið, sum hevur dagliga eftirlitið, eitt nú í samband við veiði­ reiðskap og leiðir, sum kunnu steingjast í avmark­ aðum tíðarskeiðum, tá ov nógvur smáfiskur er uppi í veiðini, sigur Bjørn Kalsø, landsstýrismaður. Uppskotið er meira enn skerjing av fiskidøgum Sambært uppskotinum hjá landsstýrismanninum í fiskivinnumálum verða meira enn 700 færri fiskidagar á føroyska landgrunninum í komandi fiskiári. Haraftrat er væntandi, at lands­ stýrismaðurin fer at veksa um økisfriðingarnar og hava neyvari eftirlit við smáfiskaleiðunum Mynd: Vilmund Jacobsen ­ Full semja er ikki í landsstýrinum um allar tær uppskotnu broytingarnar, men sum landsstýrismaður í fiskivinnumálum noyðist eg at ásanna, at neyðugt serliga er at tálma toskaveiðini, soleiðis sum støðan er í løtuni, sigur Bjørn Kalsø