mikudagur 1. august 2007síða 7

7 tíðindi Nr. 146 - 1. august 2007 - Sum heild kann sigast um løgmans- røðuna, at tann stóra framgongdin er komin ávísum samfelagsbólkum ov lítið til góðar, sigur Sonja Jógvansdóttir, samskiftisráðgevi í Samtaki. Samtak rósar løgmanni fyri at nevna pensjónir, tryggingarlóggávuna og náttúruvernd í røðuni, men sigur seg m.a. sakna umrøðu av javnstøðu og tað skeiva kynsbýtið í Føroyum LØGMANSRØÐAN Theodor E. D. Olsen theodor@sosialurin.fo Í dag byrjaði Løgtingið at viðgera »frágreiðing løg­ mans á ólavsøku«, sum løgmansrøðan hjá Jóannesi Eidesgaard eisini verður nevnd. Feløgini í Samtaki ­ Før­ oya Arbeiðarafelag, Havnar Arbeiðsmannafelag og Før­ oya Fiskimannafelag ­ halda, at røða løgmans kann býtast í tveir partar. Ein jaligan og ein neiligan. Sum heild ber til at siga, at sambært Samtaki gjørdi løgmaður meira burtur úr »hvat« enn »hvussu«. ­ Røðan bar brá av, at løg­ maður skuldi siga, hvat hann hevur gjørt, sigur Sonja Jógvansdóttir, sam­ skiftisráðgevi í Samtaki. Hon fegnast um, løgmað­ ur nevndi, at Landsstýrið fer at leggja fram lógarupp­ skot um at tryggja tímalønt­ um endurgjald fyri inntøku­ miss í sambandi við fyrsta sjúkradag hjá barni. Somu­ leiðis sigur ráðgevin, at Samtak tekur undir við at skipa eitt vælferðarráð, og at stig verða tikin á náttúru­ og umhvørvisøkinum. Úr Samtaki verður eisini sagt, at tey gleðast um, at Landsstýrið arbeiðir við at loysa penssjónsspurningin, men ov lítið ítøkiligt kom fram um hetta í røðuni, metir Sonja Jógvansdóttir. Hon nevnir eisini, at talið av ellis­ og røktarheims­ plássum er hækkað, men spyr samstundis, um hetta kortini nøktar og samsvarar við veruliga tørvin. Harafturat rósar Samtak løgmanni fyri at lova at gera nakað við tryggingar­ lóggávuna, at bøta um støð­ una hjá einligum forsyrgj­ arum og at koma við einum familjupakka. Vantandi javnstøða og útgreining av inntøkum Hinvegin ljóðar frá Samtaki, at tey veruliga sakna, at javnstøða varð umrødd í røðuni frágreiðingini hjá løgmanni til tjóðina. ­ Hetta var løgið og sigur nakað um, hvussu Lands­ stýrið raðfestir, sigur Sonja Jógvansdóttir um ta vant­ andi umrøðuna av javnstøðu í løgmansrøðuni. Hon sigur seg eisini undrast á, at spurningurin um tær 2000 kvinnurnar, ið »vanta« í hagtølunum í Føroyum, heldur ikki varð nevndur í røðuni. ­ Tað, sum eg ordiliga sakni í røðuni, eru rokningar av, hvat føroyingar tjena, og um virðini verða rættvíst býtt. Men kanska kann eitt vælferðarráð gera hetta, sigur Sonja Jógvansdóttir, sum eisini nevnir skatta­ viðurskiftini í Føroyum, men ásannar, at her kunnu fakfeløgini eisini taka í egnan barm fyri ikki at hava gjørt nóg nógv við hetta. ­ Men ov lítið ítøkiligt varð sagt um skattaviður­ skiftini, sigur hon. Harafturat er Sonja Jógvansdóttir ivasom um at lata føroyska arbeiðsmarkn­ aðin upp fyri útlendskari arbeiðsmegi, sum løgmaður róði fram undir í røðuni á ólavsøku. Men eisini her viðgongur hon, at fakfeløg­ ini eiga at taka í egnan barm og nevnir m.a., at fakfeløg­ ini eiga at at upplýsa um fakfelagsviðurskifti, rætt­ indi og skyldur á føroyska arbeiðsmarknaðinum. Hesi eru evni, ið útlendingar kunnu verða lítið tilvitaðir um. Ynskilisti eftir valið Eitt annað, ið Samtak metir merkir føroyska samfelagið sum heild, er, at lógaverkið er afturútsiglt í mun til okkara grannalond. Í hesum viðfangi nevnir samskiftis­ ráðgevin m.a. almannalóg­ gávu og. t.d. forsorgar­ lógina. Men av tí at løgtingsval skal haldast í seinasta lagi í januar, væntar Sonja Jógva­ nsdóttir, at Samtak eftir valið fer at gera sum eitt nú LO í Noregi og leggja fram ein »ynskilista« við boðum uppá, hvat fakfeløgini meta treingir til ábøtur í sam­ felagnum. Enn vil hon ikki nágreiniliga siga, hvussu ein tílíkur listi fer at síggja út, men t.d. kundi øðrvísi skattapolitikkur verið nevndur á einum slíkum, greiðir Sonja Jógvansdóttir frá. ­ Sum heild kann sigast um løgmansrøðuna, at tann stóra framgongdin er komin ávísum samfelagsbólkum ov lítið til góðar, sigur Sonja Jógvansdóttir, ið heldur hetta serliga síggjast aftur í almanna­ og skatta­ lóggávuni. ­ Teimum veiku bólkunum hevur Landsstýrið ikki tikið sær so væl av, sigur sam­ skiftisráðgevin í Samtaki at enda. Kári P. Højgaard, formaður Sjálv- stýrisfloksins sigur, at ólavsøkurøða løgmans var sum til eina jarðarferð – alt ov ljósareyð og uttan hald í veruleikanum LØGMANSRØÐAN Rigmor Dam rigmor@sosialurin.fo Mynd: Jens Kr. Vang Kári P. Højgaard, formaður Sjálvstýrisfloksins, sigur við Sosialin at ólavsøkurøða løgmans var at sammeta við eina jarðarferð. ­ Hon var sera vøkur og positiv, men manglaði real­ istiskan sans, sigur Kári P. Højgaard, sum vil vera við, at løgmaður málaði eina glastrimynd av veruleikan­ um og avrikum samgong­ unnar. ­ Eg kenni ikki hatta aftur, sum løgmaður talar um, sigur hann, og vísir eitt nú ítøkiliga á uttanríkispolit­ isku heimildarlógirnar, sum hann ivast í dygdini av. ­ Eisini haldi eg, at løg­ maður reingjar veruleikan, tá hann hálovar búskaparligu framgongdini. Hetta sam­ stundis sum vit hava havt ovurstórt hall á handils­ javnanum í fleiri ár, og at fíggingarmøguleikarnir hjá fólki eru broyttir somikið nógv, at alt ov nógv ferð er á búskapinum, sigur Kári P. Højgaard. Hann ynskir í hesum sambandi, at løgmað­ ur var meira ítøkiligur í sambandi við hvussu ætl­ anin er at tálma ovurheita búskapinum. Kári P. Højgaard sigur seg eisini sakna greið viður­ skifti innan fiskivinnupolit­ ikkin, og sigur nýggju skip­ anina við rullandi fiskiloyv­ um hevur havt við sær meira spekulatiónin enn áður. ­ Samanumtikið ein alt ov ljósareyð røða við lítlum haldi í veruleikanum! Lærarafelagið hús á Nesi Stuðulsgrunnurin hevur 1. apríl í 2007 keypt eini hús á Nesi í Suðuroynni fyri 550.000 kr. Tey eru í trimum hæddum: kjallarin, miðhædd og loft við ávikavist uml. 55, 68 og 60 fermetrum. Grundøkið er 328 fermetrar. Húsini eru upprunaliga bygd í 1902, men eru høvuðsumvæld í 1997­2005. Í miðhæddini er inngongd, køkur, stova, baðirúm og trappa upp á loft, har 1 stórt og 2 smærri kømur eru umframt gongd. Í kjallaranum er vaski­, fýr­ og goymslurúm. Húsini standa sera vakurt í veðurgóðum, friðarligum og barnavinarligum umhvørvi og hava frálíkt útsýni. Við tíðini er ætlanin, at fleiri hús skulu verða keypt, so at limir felagsins kunnu hava fleiri tilboð ymsa staðni í Føroyum, skrivar Føroya Lærarafelag á heimasíðu síni. Samtak saknar javnstøðu í løgmansrøðuni Javnstøða og øðrvísi skattapolitikkur verða helst tvey av uppskotunum, sum Samtak fer at bera út í Tinganes eftir valið. Teimum veiku bólkunum hevur Landsstýrið ikki tikið sær so væl av, ljóðar frá Samtaki Savnsmynd: Jens Kr. Vang Samgongan stendur á gravarbakkanum Kári P. Højgaard heldur at løgmaður reingjar veruleikan, tá hann hálovar búskaparligu framgongdini