fríggjadagur 3. august 2007síða 12

12 Nr. 148 - 03. august 2007 SAMBAND eirikur liNDeNSkov eirikur@SoSiAluriN.fo tlf 341800 viðmerkingar Sosialurin MRCC og tilbúgving til sveinaroynd Sosialurin Stovnaður: 1927 Ábyrgdarblaðstjóri: Jan Müller jan@sosialurin.fo Blaðstjóri: Eirikur Lindenskov eirikur@sosialurin.fo Redaktiónsleiðari: Kári Mikkelsen karim@sosialurin.fo Marknaðardeild: lysing@sosialurin.fo Jonhard Hammer jonhard@sosialurin.fo Gudny Langgaard gudny@sosialurin.fo Birgir Waag Høgnesen birgir@sosialurin.fo Joan Abrahamsen joan@sosialurin.fo Blaðfólk: Áki Bertholdsen aki@sosialurin.fo Vilmund Jacobsen vilmund@sosialurin.fo Snorri Brend snorri@sosialurin.fo Magnus Gunnarsson maggi@sosialurin.fo Rigmor Dam rigmor@sosialurin.fo Rólant Waag Dam rolant@sosialurin.fo Niels Uni Dam nielsuni@sosialurin.fo Leo Poulsen leo@sosialurin.fo Dorit Hansen dorit@sosialurin.fo Eyðun Klakstein eydun@sosialurin.fo Ítróttur: Jákup Mørk jakup@sosialurin.fo Teitur Joensen teitur@sosialurin.fo Myndamenn: Álvur Haraldsen alvur@sosialurin.fo Jens Kristian Vang jensk@sosialurin.fo Lýsingar Freistir: Tekstlýsingar Størri lýsingar Lýsingartorgið Heilsanir Mánadagsblaðið Mán.kl. 10 Frí. kl. 15 Frí. kl. 12 Frí. kl. 12 Týsdagsblaðið Týs. kl. 10 Mán. kl. 15 Mán. kl. 12 Mán. kl. 12 Mikudagsblaðið Mik. kl. 10 Týs. kl. 15 Týs. kl. 12 Týs. kl. 12 Hósdagsblaðið Hós. kl. 10 Mik. kl. 15 Mik. kl. 12 Mik. kl. 12 Fríggjadagsblaðið Frí. kl. 09 Hós. kl. 15 Hós. kl. 12 Hós. kl. 12 Størri lýsingar, sum nógv arbeiði stendst av, mugu vera inni í góðari tíð og áðrenn ásettu freistir. Framíhjápláss má umbiðjast í góðari tíð. Stødd: Ein heil síða í Sosialinum er 254 mm breið og 346 mm í hædd. Breiddin á einum teigi er 39 mm og rúmið millum teigarnar er 4 mm. Innsent tilfar Fult navn skal vera undir innsendum tilfari. Innsendar greinar, har blað leiðsl­ an ikki er kunnað um bústað og telefonnummar, verða ikki settar í blaðið. Nú hendi so tað, sum ikki mátti henda: stórur trolari við nógvari olju umborð sigldi á Flesjarnar og sakk. Tað var í gjárkvøldið, at russiskur trolari í allarbesta veðri av higartil ókendari orsøk sigldi uppá Flesjarnar. Hol kom á skipið, og sjógvur kom í maskinrúmið. Eftir fleiri royndir at fáa skipið av aftur eydnaðist tað loksins í morgun. Men tað var stokkut gleði, tí stutt eftir sakk skipið. Øll manningin var bjargað umborð á onnur skip. Eftir standa uttan iva nógvir ósvaraðir spurningar. Leiðarin fyri MRCC støðina segði í morgun við útvarpið, at nógv tons av vandamiklari gassolju eru umborð á skipinum. Ber til at bjarga hesum, áðrenn tað fer út í umhvørvið? Hvussu megnaði MRCC støðin at tacla alla støðuna frá byrjan til ”enda”? Var alt frágingið á rættan hátt? Vórðu røttu avgerðirnar tiknar? Varð hugsað meira um at bjarga skipinum heldur enn umhvørvinum? Var samskifitið millum ymsu luttakandi partarnar gott nokk? Hví varð oljan ikki tikin úr skipinum, áðrenn tað var togað av aftur og sakk? Hví sigldi skipið uttan loðs? Hvørji krøv eru til loðs millum oyggjarnar? Spurningar vit eiga at seta. Og sum vit eisini eiga at fáa svar uppá. Spurningurin er eisini, hvussu væl eru vit útgjørd til slíkar møguligar dálkingarvanlukkur. Hava landið og fyri tað kommunurnar gjørt tað, sum gerast skal, tá talan er um at gera íløgur í trygdarútgerð ol.? Tað var ikki fyrr enn oljuleiting tók seg upp við Føroyar, at tað av álvara varð farið undir at útvega trygdarútgerð at forða fyri ella minka um møguliga oljudálking. Her var í fyrsa lagi hugsað um boring á landgrunninum, men vandarnir lúra í veruleikanum allastaðni, har skipaferðsla er. Vit eru eitt lítið oyggjaland, sum eigur at hjúkla um viðkvomu náttúruna og djóralívið her. Gera vit nú tað í nóg stóran mun kann verða spurt? Privatpersónar í Suðri sóu longu tíðliga henda tørv og gjørdu íløgur í útgerð og útbúgving fyri at kunna handfara og fyribyrgja dálkingarstøður. Sum skiltist var tó lítil almennur áhugi fyri hesum slóðbrótandi arbeiðinum. Vit kunnu bara vóna, at okkara myndugleikar hava valt at tikið tær røttu avgerðirnar og víst professionalismu í arbeiðinum. Tað fara so komandi dagarnir at vísa. Henda hending kann gerast sveinaroynd hjá føroysku MRCC støðini og bíða vit nú eftir próvúrslitinum. Áhugavert verður at frætta, hvussu væl fyri vit eru til at handfara slíka støðu. Tá svarið og próvúrslitið fyriliggur eiga vit at seta okkum spurningin: hvussu eru vit fyrireikað at handfara støðu, har stórur tangabátur fer á land millum oyggjarnar! Vanliga verður sagt, at einki er so ringt, at tað ikki er gott fyri okkurt. Kanska hesin tilburðurin kann vera við til at staðfesta og raðfesta umhvørvisdálking hægri her á landi. Kykmyndir: Alvin Ellebye Andersen alvin@sosialurin.fo Sosialurin í Norðoyggjum: Nólsoyar Pálsgøta 1, 700 Klaksvík tel. 458686 fax 458687 e­post: klaksvik@sosialurin.fo Sosialurin í Suðuroy: tel. 375364 fax 375464 tel. 228814 e­post: aki@sosialurin.fo e­post: dagfinn@sosialurin.fo !!! Haldarar sum ikki hava fingið blaðið, kunnu ringja til 341818 og boða frá, leygardag tó frá kl. 11.00­13.00 Uppseting/prent: Uppseting: Sosialurin Prent: Prentmiðstøðin Útgevari: Sp/f Sosialurin Avgreiðsla: Mán.­frí. 8­16 Tórsgøta 1, 100 Tórshavn Tel. 341800, Fax 341801 Postadressa: Postboks 76, 110 Tórshavn E-mail: post@sosialurin.fo lysing@sosialurin.fo lysingartorg@sosialurin.fo varp@sosialurin.fo Blaðið verður prentað mánadag­fríggjadag klokkan 1330 Takk fyri áhuga tín fyri Miðflokkinum og politikki hansara Sum flokkur og sum fólkavaldir politikkarar er uppgáva okkara m.a. at umsita tann pening, sum dagliga verður heintaður inn frá vanliga føroyska borgaranum. Hetta er ein stór ábyrgd, hjá mongum kenst skattabyrðan ovurhonds, og tí er alneyðugt at fara væl , og við stórstu virðing, um hesar krónur. Nakrar av skattakrónunum verða veittar listini og listafólki sum stuðul. Fyri hetta økið eru somu viðurskifti galdandi, tú má, við virðing fyri teimum, sum skattapeningurin verður tikin frá, meta um hvat er vert at stuðla. Tí hevur Miðflokkurin eisini á hesum øki orða sín politikk, og meta vit ráðgeving Bíbliunnar vera framúr. Hugsa m.a. um ráðini í fil. Kap. 4 ø. 8: ”og síðani, brøður: Alt, sum satt er, alt, sum sámiligt er, alt, sum rætt er, alt, sum reint er, alt, sum elskuligt er, alt, sum væl verður talað um, eina og hvørja dygd og ein og hvønn heiður - hugsið um hetta ”! Hvat fólk annars takast við, list viðvíkjandi, er uttan fyri øki og ávirkan okkara. Frá Miðflokkinum til Ole Wick form. Miðfloksins JENIS Av RANA Føroya Arbeiðarafelag leggur ongan eykaskatt á sínar limir – tvørturímóti gongur felagið á odda við at betra um sosialu støðuna hjá tímaløntum og føroyingum sum heild »FA og barsilsskipanin« Hetta er heitið á lesara- brævi hjá Svenningi Borg frá mánadegnum 30. juli 2007, har Svenning Borg leggur Føroya Arbeiðara- felag undir at hava lagt gjaldið til barsilsskipanina og onnur avgjørld á føroyingar. Lat tað verða gjørt greitt beinanvegin, at FA hevur onga heimild, at leggja skatt ella gjøld á føroying- ar. Var tað Føroya Arbeiða- rafelag, sum hevði heimild at leggja skattir og gjøld, so sá skattaskipanin mun- andi øðrvísi út enn hon er í dag. Lat ongan iva verða um tað. Tað hevur felagið eisini fleiri ferðir gjørt vart við. Vinnumálaráðið Tað er Vinnumálaráðharrin, sum í síni tíð fekk løg- tingið at taka undir við, at øll skulu rinda inn til barsilsskipanina, og ikki Føroya Arbeiðarafelag, sum Svenning Borg vil vera við. At Føroya Arbeiðara- felag hevur sína meining um barsilsskipanina er so nakað heilt annað. Fyri okkum er týdningar- mikið, at vit hava eina góða barnsburðarskipan, sum gevur bæði mammum og pápum møguleika at verða heima hjá sínum nýføddu børnum, hetta óansæð um talan er um tímalønt á flakavirki, skrivstovufólk, pedagogar ella onnur arbeiðsfólk. Føroya Arbeiðarafelag hevur, líka síðani skipanin kom at virka, roynt at gjørt sína ávirkan galdandi fyri at betra um skipanina. Herfyri hevur Føroya Arbeiðarafelag saman við øðrum fakfeløgum og arbeiðsgevarafelagnum sent Vinnumálaráðnum skriv um at fáa skil á inngjaldið í barsilsskipanina. Higartil er onki hent í tí málinum, men tað merkir ikki, at málið verður slept – tvørturímóti. Skattapolitikkur Tað hava annars verið fleiri skattapolitisk átøk framd undir hesi samgongu, har stórir partar av løntakar- unum hava verið fyri svið og soð. Føroya Arbeiðarafelag hevur saman við øðrum fakfeløgunum evna eitt alternativt skattauppskot, sum gav lág og meðalinn- tøku munandi skattalættar meðan hálønt onki fingu. Hesin skattalætti vann tíverri ikki frama, men vit streingja á, at fáa skatta- skipanina broytta í eini komandi samgongu. Lat ongan iva verða um, Svenning Borg, at FA stríðist hvønn dag fyri korunum hjá sínum limum, og vit ræðast ikki limirnar í nøkrum máli – óansæð um talan er um skattapoli- tikk, sáttmálar felagsins ella onnur mál. FA og barsilsskipanin forkvinna í Føroya Arbeiðarafelag INgEBoRg vINtHER Innsent tilfar Av tí at vit fáa rættuliga nógv innsent tilfar sendandi – meira enn vit fáa í blaðið – hevur blaðleiðslan verið noydd at gjørt nakrar avmarkingar. Enn sum áður skal fult navn skal vera undir øllum innsendum greinum – annars verða tær ikki prentaðar. Harnæst tilskila vit okkum rætt til at ikki at taka við tilfar, sum eisini er sent øðrum bløðum ella hevur verið prentað aðrastaðni. Drúgvar greinar – greinar sum eru longri enn áleið 5.500 tekn, verða raðfestar lægri, og koma bert í blaðið, um pláss er fyri teimum. Tað er ein fyrimunur um vit fáa tilfarið umvegis teldupost ella á diskli.