mánadagur 6. august 2007síða 7

Nr. 149 - 6. august 2007 7 tíðindi Stutt Sagt Pólland aftur í kreppu Politiskur ófriður hevur valdað í Póllandi í summ­ ar, og nú er aftur líkt til, at póllendingar skulu á val í úrtíð. Í gjár boðaði ein lítil flokkur frá, at hann hevði tikið seg burtur úr stjórnarsamgonguni, og at teir báðir ráðharrarnmir hjá flokkinum vóru farnir til hús. Løtu seinni kunn­ gjørdi tann radikali floks­ leiðarin, Andrzej Lepper, at hann er til reiðar at taka sín flokk úr stjórnarsam­ gonguni. Lepper, sum í løtuni verður kannaður í sambandi við illgruna um svik, segði í gjár, at í veruleikanum hevur Póll­ and onga stjórnarsam­ gongu longur. Fekk óhøvisk brøv Mona Sahlin, sum er for­ maður í svenska javnaðar­ flokkinum, avdúkaði í einari útvarpssending í gjár, at hon fekk fleiri óhugnalig brøv og teldu­ brøv, tá hon tók við sum floksformaður fyrr í ár. Onkur brævskrivari kall­ aði hana horu, og tað vóru tey, sum brúktu uppaftur verri orð, og sum ikki eru egnað til endurtøku, segði Mona Sahlin. Tað vakti ans, at Mona Sahlin nevndi brævskrivararnar við navni í útvarpssend­ ingini, og sjálv helt hon tað vera rætt, tí tann, sum skrivar slíkt, má eisini tora og tola at leggja navn til, segði hon. Ikki Koppel Tekniska deild hjá Keyp­ mannahavnar kommunu ætlar at nevna eina gøtu í býnum eftir tónleikaranum og tónssmiðinum Thomas Koppel, sum doyði í februar í fjør. Men býráðs­ limirnir hjá Vinstra siga nei, tí Thomas Koppel segði seg hava samhuga við irakunum, sum bardust ímóti teimum útlendsku hermonnunum í Irak. SAMBAND árNi joeNSeN fArtekSt@MAil.Dk - Vit eru sjúk og vilja sleppa heim. Taleban hava sett sínar byrsumúlar ímóti okkum (suðurkoreanskur gísli í Afghanistan) útlond Umheimurin er alt ov seinur at hjálpa teimum neyðstøddu í vatnflóðini í Landssynningsasia. Altjóða hjálparfelagsskapir rópa nú neyðarróp. Í gjár vóru tvær tyrlur og sleptu 11.000 neyðhjálpar­ pakkum niður til tey neyðstøddu í indiska lands­ partinum Bihar. Men tað er bara ein dropi í havinum ­ ella vatninum. ­ Tann hjálpin, sum kemur, munar als ikki. Okkum tørvar eina luftbrúgv við neyðhjálp, og øll mugu gera sítt, sigur Job Zachariah, sum stendur á odda fyri indisku deildini av ST­hjálparstovninum UNICEF. Vatnflóðin í India, Nepan og Bangladesh er tann ringasta í mong ár. Myndugleikarnir halda, at umleið 20 milliónir fólk eru vorðin heimleys, og at minst 1.400 fólk hava latið lív teir báðar seinastu mánaðarnar. Í Bihar í India er støðan sera álvarssom. Har hevur vatnflóðin rakt minst 11 milliónir fólk, og hildið verður, at tvær milliónir fólk eru savnað á heyggjum, sum ikki eru farnir undir enn. ­ Vit mugu gera munandi meiri enn tað, sum verður gjørt nú, sigur Job Zachariah við altjóða tíðindastovurnar. Í gjár komu indiskir eygleiðarar til Nepal at halda eyga við tí nógva vatninum, sum rennur úr Himmalaya­fjøllunum, og sum fær áirnar í Nepal, India og Bangladesh at fara langt upp um áarbakkarnar. Indiskir embætismenn, sum hava kannað viðurskiftini, siga, at teir stúra fyri tí ringasta. ­ Minkar vatnið ikki, fáa vit eina vanlukku, sum verður nógv verri enn alt, sum vit hava sæð fyrr, sigur ein av embætismonnunum við Reuters. Umfarssóttir Samstundis ávara heilsu­ myndugleikarnir í India um, at tað er stórur vandi fyri umfarssóttum, og at fleiri milliónir fólk kunnu gerast sjúk. Eitt nú bera myndugleikarnir í lands­ partinum Assam ótta fyri, at umfarssóttir kunnu taka seg upp í neyðlegum, har myndugleikarnir hava savn­ að fleiri túsund fólk, sum hava mist hús og heim av vatninum. Tað er serliga vandin fyri malaria, sum ørkymlar myndugleikarnar. ­ Vit eru veruliga ræddir fyri, at ein umfarssótt fer at taka seg upp í Assam nú, sigur talsmaðurin hjá landspartastjórnini, Tarum Gogoi. Tað var trongligt á hesum sjúkrahúsinum í Dhaka í Bangladesh í gjár Tann gloymda neyðin Ein fyrrverandi embætismaður hjá Yasser Arafat vil vera við, at fronsku myndugleikarnir hava ikki sagt allan sannleikan um deyða Arafats Palestinski forsetin doyði í Fraklandi í november í 2004, og tá søgdu fronsku læknarnir, at Arafat doyði av heilabløðing. Harafturat var tað mervirkandi, at hann hevði ein svull innvortis, og at hann eisini leið av gulusótt. Men Bassam Abu Sharif sigur við ísraelska blaðið Haaretz, at hetta er ikki allur sannleikin, men at fyrrverandi franski forsetin Jacques Chirac situr við tí partinum av sannleikanum, sum ikki er komin fram enn. Sambært Abu Sharif beindu ísraelsmenn fyri palestinska forsetanum við einum evni, sum oyðileggur tey reyðu blóðkornini. Spurdur, um hann er til reiðar at avdúka, hvør kennir sannleikan, sigur Abu Sharif, at vil Chirac einki siga, er hann sinnaður at gera tað. Fransmenn søgdu ikki sannleikan um deyða Arafats