mánadagur 6. august 2007síða 8

8 tíðindi Nr. 149 - 6. august 2007 tíðindi Má vísa orð í verki Kaj Leo Johannesen, sum sjálvur er ungur floksformaður, ávarar nýggja formannin í Fólkaflokkinum, Jørgen Niclasen, um, at tað er ein stór upp­ gáva at taka upp á seg POLITIKKUR Leo Poulsen leo@sosialurin.fo - Jørgen má venja seg við, at tá hann úttalar seg, so er tað ikki bara fyri seg sjálv- an, men fyri allan flokkin, og tað er ein heilt nýggjur leiklutur, sigur Kaj Leo Jo- hannesen, formaður Sam- bandsfloksins. - Uppgávan verður savn- andi og semjusøkjandi, og sum leiðari í flokkinum er tað hansara fremsta mál at fáa tað besta fram, sum flokkurin kann bjóða, vísir Kaj Leo víðari á. Formaður Sambandsfloks- ins sigur, at tað tekur tíð at finna seg til sættis í starv- inum sum nýggjur floksfor- maður, og frá egnum roynd- um veit hann, at tað tekur eini tvey ár at gerast rætti- liga tryggur við sín nýggja leiklut. - Tað er neyðugt at sleppa lokala spjaldrinum, tí sum floksformaður er mann um nakað politikari fyri alt landið, sigur Kaj Leo Johannesen. Formaður Sambandsfloks- ins væntar tó ikki, at tað fer at verða nakar trupulleiki at samstarva við Fólkaflokkin eftir formansskiftið. - Á borgarliga vonginum verður í hvussu er eingin trupulleiki. Og hvat sjálv- bjargni viðvíkur, so er tað ikki upp til okkum, men til Fólkaflokkin at gera av, hvat hann vil. Mín uppgáva er so at finna semjur við all- ar flokkar, og tað ber eisini til so leingi vit fara so væl við øðrum, sum vit sjálvi vilja verða viðfarin, si gur Kaj Leo Johannesen, for- maður Sambandsfloksins. Stór avbjóðing Formaðurin í Tjóð­ veld­isflokkinum, Høgni Hoyd­al, er ikki serliga bergtikin av útmeld­ingunum hjá nýggja formanninum í Fólkaflokkinum POLITIKKUR Leo Poulsen leo@sosialurin.fo »Føroyar leysar av donskum pengum, og fólkaatkvøða um ríkisrættarligu støðuna í seinasta lagi ár 2015«. Tað var proklamatiónin hjá Jørgeni Niclasen, nýggja formanninum í Fólkaflokkinum. Og hetta skuldi verið søtur tónleikur í oyrunum á Tjóðveldis- flokkinum, men so er ikki. - Tað verður neyðugt hjá Jørgeni Niclasen at broyta Fólkaflokkin, tí hann er vorðin ein reinur sambands- flokkur. Hann hevur heft heit- ið »Kongeriget Danmark for så vidt angår Færøerne« á okkum. Og so vóni eg, at hann torir at gera upp við ábyrgdarleysa fíggjar- og skattapolitikkin, sum Fólka- flokkurin hevur havt stóra ábyrgd av seinasta valskeið- ið, sigur Høgni Hoydal. Men hetta er ikki nóg mikið. – Eg vóni eisini, at hann torir at gera upp við seráhugamálini í føroyskum vinnupolitikki, so vit kunnu fáa eitt frælst og liberalt vinnulív uttan nøkur fram- íhjárættindi, sigur formaður Tjóðveldisfloksins víðari. Høgni Hoydal sigur, at tað er av stórum týdningi, at Jørgen Niclasen undan valinum vísir í verki, at hann vil broytingar og ikki ætlar at koyra í somu rillu. - Fyrsta stigið í so máta er at standa við tær avtalurnar, sum gjørdar vóru í 1998, og sum flokkurin síðani leyp frá. Tað verður avgerandi fyri føroyskan politikk og fyri samstarvsmøguleikarnar frameftir, sigur Høgni Hoy- dal, sum tó samstundis nýtir høvið at ynskja Jørgen Nicla- sen tillukku við formanssess- inum. Jørgen má vísa í verki, at hann meinar tað, hann sigur. Og hann kann passandi standa við tær avtalur, ið gjørdar vóru í 1998, sigur Høgni Hoydal Royndi at myrða kvinnu Ein innbrotstjóvur royndi leygardagin at myrða eina norska kvinnu, tá hann koyrdi hana yvir við Næstved Storcenter. Tað metir løgreglan, sum seint í gjárkvøldið handtók mannin, tá hesin sjálvur meldaði seg á løgreglustøðini. Kvinnan, sum er fyrst í 40-unum, varð løgd inn á Ríkissjúkrahúsið við lívshóttandi skaða. Hon og familjan skuldu keypa inn í Bilka, tá tey varnaðust, at ein tjóvur hevði brotið inn í húsvorg teirra. Kvinnan stillaði seg fyri, tá tjóvurin stakk av í bili við tí úrsliti, at hon varð niðurkoyrd. Trý avrættað í USA Tríggir tannáringar blivu avrættaðir meðan ein fjórði slapp við lívinum í tí, sum líkist eini gøtubandauppgerð. Hendingin fór fram um hálvgum tólvtíðina sunnukvøldið á einum spæliplássi við Mount Vernon skúlan í Newark, New Jersey. Tey dripnu eru ungi menninir Deshawn Harvey og Terrance Aeriel og unga kvinnan Ofemi Hightower. Ein onnur genta, 19-ára gamla Natasha Aeriel, sum er systir til ein av teimum dripnu, slapp við lívinum. Hon liggur nú á lokala sjúkrahúsinum og er uttan fyri lívsvanda. ­ Tað var stuttligt at hoyra nýggja formannin í Fólka­ flokkinum boða frá politisku kós síni, tí tað var sum at lesa stevnuskrá Sjálvstýrisfloksins, sigur Kári P. Høj­ gaard­ POLITIKKUR Leo Poulsen leo@sosialurin.fo Sjálvstýrisflokkurin er tann flokkur, sum liggur Fólkaflokkinum nærmast í hugsjónum. Tí er tað heldur ikki løgið, at júst hesir báðir flokkarnir ofta hava verið í samstarvi. Í nýggjari tíð hevur tað so verið Anfinn Kalsberg, ið Sjálvstýrisflokkurin hevur havt við at gera. - Ja, vit hava oftani verið í samgongu við Fólkaflokkin, og eg kann bara siga, at vit altíð hava havt eitt sera gott samstarv við Anfinn Kalsberg, sig- ur Kári P. Højgaard, for- maður í Sjálvstýri- flokkinum. Hinvegin so er hann ser- stakliga glaður fyri pro- klamatiónina hjá nýggja formanninum í Fólkaflokk- inum, Jørgen Niclasen. - Ja, eg má sjálvandi fegnast um útmeldingina hjá Jørgen Niclasen. Hann siteraði jú stevnuskrá Sjálvstýrisfloksins í sjálv- stýrismálinum, sigur Kári P. Højgaard. Formaður Sjálvstýris- floksins vísir víðari á, at eisini Tjóðveldisflokkurin leggur stóran dent á tað, sum stendur í stevnuskrá Sjálvstýrisfloksins, so all- ir møguleikar standa opnir fyri einum sjálvstýrislands- stýri eftir komandi val. - Eg eri fegin um, at báðir flokkar leggja dent á røturnar, tí báðir eru sprotnir úr Sjálvstýris- flokkinum. Bæði formaður Tjóðveldisfloksins og nýggi formaðurin í Fólka- flokkinum hava eisini lagt seg eftir at líkjast formann- inum í Sjálvstýrisflokkin- um, nú teir báðir eru í holt við at anleggja sær skegg, sigur Kári P. Højgaard. Aftur til røturnar Teir søkja aftur til røturnar. Og nú royna teir eisini at líkjast formanni Sjálvstýrisfloksins í útsjónd, sigur Kári P. Højgaard Tað tekur eini tvey ár at finna seg til sættis í formanssessinum, sigur Kaj Leo Johannesen