týsdagur 7. august 2007síða 10

10 tíðindi Nr. 150 - 7. august 2007 - Tað tykist næstan sum leiðslan í Strand- ferðsluni ynskir at spenna bein fyri stevnuni, siga fyriskipararnir av ovastevnu. Orsøkin er órimiligar prís- treytir fyri leigu av skipum umframt príshækkanin á ferða- seðlum við Rituni Ovastevna Finnur Jensen finnur@sosialurin.fo Fyriskipararnir av ovastevnu eru stak ónøgdir við Strand­ ferðsluna. Orsøkin er tann órímiliga høgi prísurin, sum Strandferðslan hevur sett fyriskiparunum fyri leigu av annaðhvørt Ternuni og Sam. Av tí at Ritan ikki loyvir bilflutning, er sera nógv baks av at flyta og landa alla fragtina, so sum ljós­ og ljóðútgerð, ið kem­ ur úr Havnini til oynna. Tí varð semja gjørd við Strand­ ferðsluna um at leiga antin Ternuna ella Sam. ­ Hetta kostar 2.500 kr. at leiga um tíman. Og tað er eisini í lagi, men nú vísir tað seg, at vit skulu leiga bátin allan vegin úr Klaks­ vík. Tað tekur 6 tímar og kostar sostatt 15.000 krón­ ur. Tað hava vit ikki ráð til, sigur Jákup av Skarði, for­ maður í stuðulsnevndini fyri svimjihyl í Nólsoy. Hetta fekk fyriskiparin úr Nólsoy at vita frá stjóranum í Strandferðsluni, Regini Vágadal, í telefonsamrøðu mánadagin. Nólsoyingar skulu har­ umframt rinda 20.000 kr fyri at fáa Rituna og Silju Star at sigla eykatúrar til allar stevnu­ gestirnar. Og sambært fyri­ skiparanum ætlar Strand­ ferðslan enntá at hækka prís­ in á ferðaseðlum úr 40 krónum upp í 100 krónur. ­ Tað tykist næstan sum leiðslan í Strandferðsluni ynskir at spenna bein fyri stevnuni, leggur Jákup av Skarði afturat. Sosialurin ætlaði at fáa viðmerkingar frá Regini Vágadal, stjóra í Strand­ ferðsluni, men hann var á fundi fram til døgurða, tá deadline er. Strandferðslan spennir bein fyri ovastevnu Eingin forðing hevði verið at fingið oljuna úr Olshanu, heldur ikki eftir, at maskinrúmið fyltist við sjógvi, tí úttøk vóru á dekkinum at fáa oljuna upp ígjøgnum, segði skiparin á Olshanu, Yuriy Matveen undir sjófrágreiðingini í morgun sKIPsvanLUKKa Leo Poulsen leo@sosialurin.fo Eg heitti ferð eftir ferð á føroysku myndugleikarnar at fáa oljuna upp úr skipin­ um, men svarið var, at teir fingu ikki herbergað henni, og tí varð hon verandi um­ borð, segði Yuriy Matveen, skipari á Olshanu undir sjófrágreiðingini í morgun. Avhoyringin av skipar­ anum varð rættiliga drúgv, hon byrjaði klokkan gott átta í morgun og var ikki av fyrr enn farið var av hálvg­ um tólv. Skiparin Yuriy Matveen greiddi frá, at teir vóru komnir undan Íslandi við 257 tonsum av fiski, og lógu á reduni í Havn undan Ólavsøku. Eftir høgtíðina fóru teir inn á Kollafjørð at leggja veiðina upp. Í tí sam­ bandi sendi Havnarskriv­ stovan loðsin, Asbjørn Heinesen umborð, og hann loðsaði Olshanu innar á Kollafjørð. Tá lastin var løgd upp á frystihotellinum, skuldi skipið eftir ætlan til Havnar aftur at bunkra olju, men av tí at teir ikki sluppu framat í Havn, varð gjørt av at bunkra í Kollafirði. Bunkr­ að vóru 270 tons av olju, og saman við teimum 30 tons­ unum, ið vóru í skipinum, var Olshana fult bunkrað. Hartil kom so eisini eini tíggju tons av smyrji­ og hydraulikkolju, so tilsamans hevði Olshana 310 tons av olju umborð, tá teir fóru av Kollafirði hóskvøldið 2. august um 18.40­tíðina. Teir høvdu ikki biðið um loðs, men skiparin metti tað vera frægast at halda somu leið út aftur, sum teir komu inn við loðsinum. Men neyvt somu leið hava teir ikki hildið, tí um 19.15 tíðina stóð Olshana á flesjunum. Trettan ár umborð Skiparin greiddi frá, at hann hevði skiparaprógv og hevði ført Olshanu í trettan ár. Hetta er aðru ferð, at Yuriy Matveen er í Føroy­ um, og hann helt seg vera ivaleysa langt frá flesjunum, tá teir fóru av Kollafirði hetta kvøldið. Skiparin tosaði í »kápil­ longdum«, ein longd, sum svarar til ein tíggindapart av einum fjórðingi. Tá teir sigldu inn á Kollafjørð vóru teir umleið fýra kápillongdir vestan fyri flesjarnar, og á veg út aftur vóru hann og stýrimaðurin samdir um, at halda seg tríggjar kapillongd­ ir vestanfyri. Tá Olshana stoytti, vóru teir sambært skiparanum 2,46 kápil­ longdir vestanfyri flesjarnar. Oljan var goymd í 12 ymiskum tangum, og semja var millum skipara og maskinmeistara um, at hol helst rættiliga skjótt ert komið á tanga nummar átta. Tó segði skiparin, at olja ikki sivjaði úr skipinum beinanvegin. Eftir stoytin gav skiparin beinanvegin boð um at kanna skrokkin á skipinum, og innan fimm minuttir hevði hann sent út neyðar­ kall. Tjaldrið var rættiliga skjótt á staðnum, og eisini ein annar bátur, sum skiparin segði líktist einum sleipibáti. Hesin hevði oljusperringar á dekkinum, men hóast skiparin á russiska skipinum segði seg beinanvegin heita á føroysku bjargingarliðini um at fáa lagt hesar út, men kortini gingu fleiri tímar, áðrenn hetta hendi. Oljuna úr skipinum Hóast skiparin tosaði russ­ iskt undir sjófrágreiðingini, so var samskiftið millum hann og føroysku myndug­ leikarnar farið fram á ensk­ um hetta kvøldið og náttina. Men hetta hevði ikki borið nakrar trupulleikar við sær. Tá talan gjørdist um at royna at fáa skipið av flesj­ unum aftur, heitti russiski skiparin enn einaferð á myndugleikarnar um ikki at gera nakra roynd í so máta, áðrenn oljan var tømd úr skipinum. Tað var púra greitt fyri mær, at minsta óróð kundi skaða skipið og orsakað ein oljuleka. Tí var tað í mínari verð átroðkandi neyðugt at fáa pumpað oljuna úr Ols­ hanu. Bæði tí at vandin fyri umhvørvisdálking var so stórur, men eisini tí at skip­ ið hevði lætnað eini 300 tons, varð oljan pumpað úr, segði skiparin. Men eingin var at taka ímóti oljuni úr russiska skip­ inum, og tí gjørdist endin tann, at Olshana at enda varð skrykt av flesjunum við tí úrsliti, at hon sakk. Sambært skiparanum hevði tað verið møguligt heilt til tað síðsta at fingið oljuna upp, tí úttøk vóru á dekkinum, sum oljan kundi verið pumpað upp ígjøgn­ um, eisini hóast maskinrúm­ ið var fylt við sjógvi. Hinir russisku sjómenni­ nir vóru eisini avhoyrdir í morgun, og teir kundu bert vátta frágreiðingina hjá skiparanum. Vælsignað fáið oljuna upp Skiparin á Olshana á veg úr Rættinum saman við tveimum av umboðsmonnunum á Faroe Agency Mynd: Jens Kristian Vang