mikudagur 8. august 2007síða 23

Nr. 151 - 8. august 2007 23 tíðindi SAMBAND jákup Mørk jAkup@SoSiAluriN.fo tlf. 341800 ítróttur – Tað var ein sonn fragd at spæla á hesum nýggja vøllinum. Og sjálvandi eisini ein sonn fragd at byrja so væl sum við einum hattricki Andrew av Fløtum, HB Í einum sera væl leiktum fyrra hálvleiki, har AB ikki fekk eitt bein til jørðina, brilleraði afturvendi Andrew av Fløtum við einum ektaðum hat-tricki. Og var hann eitt sindur hepnari, kundi hann havt skorað fimm FÓTBÓLTUR Leo Poulsen leo@sosialurin.fo Tað var týðiligt frá fyrsta bríksli, at HB – og serliga afturvendi Andrew av Fløtum – ætlaðu sær mál og stig í Gundadali í gjárkvøldið. Longu tá fimm minuttir vóru farnir, hevði Andrew verið upp á spæl tvær ferðir, fyrst við góðari roynd í triða minutti og tveir minutt­ ir seinni, tá eitt innlegg tætt við baklinjuna rakti ein AB­verjuleikara í ryggin og brast í stongina og út. Hetta vóru greiðar ábend­ ingar, og ikki skuldi fyrsta málið lata bíða eftir sær. Rókur sleppur leysur í høgru síðu og Magnus í AB­málinum er í villareiði, fer út ímóti og ger so tað einasta, hann ikki skal gera, nevniliga einki. Tá er lag á manni at trilla bóltin til ein púra frían Andrew mitt fyri, sum neyvan hevur skotið lættari mál í lívinum. Minuttin seinni er Andr­ ew aftur leysur, men hesa­ ferð er Magnus í AB­málin­ um tvífalt vakin og fær sera hegnisliga vart fyri. Gleðin gjørdist tó stokk­ utt, tí tá snøgt korter var farið fingu áskoðararnir eitt mál av teimum ráru. Rógvi fær bóltin á brotssparksteig­ inum og sera elegant letur hann við hælinum bóltin fara víðari til Andrew, sum púra leysur ísakalt fintar Magnus niður at sita, áðr­ enn hann kann trilla sítt næsta mál inn um strikuna. Tær nýtist ikki neyðturviliga at vera íðin HB­fan, fyri at njóta slíkar finessur, skuldi eg heilsa og siga. Meðan HB­liðið var ógvu­ liga uppsett og leikararnir spruttaðu av spæligleði, so sá AB­liðið út, sum vóru teir framvegis í summarfrí. Verjan var í stórum pørtum av fyrra hálvleiki sum bambi á ísinum, og serliga í vinstru síðu høvdu HB­leik­ ararnir kúfóður at renna á. Blussaði upp men... Fyrstu góðu løtuna spældi HB mest langar bóltar inn um AB­verjuna, og tað skapti stórar trupulleikar, tí verjan lá so flatt. Hetta førdi til fleiri vandamiklar støður, sum tað kortini ikki spurdist nakað burtur úr. Men sum hálvleikurin gekk, varieraði HB spælið alt meiri, og leikti skiftivís smáspæl, stikningar og lang­ ar bóltar. AB­verjan var langt frá skipað, og hartil gjørdu per­ sónlig mistøk, at bólturin alt ov ofta ikki fór ta leið, ið leikararnir ætlaðu. Og tað førdi aðrar vandamiklar støður við sær. Tað skuldi ganga tjúgu minuttir, áðrenn AB kom sær fram í HB­brotsteigin, men fylgjandi hornasparkið førdi einki við sær. Kortini var hetta byrjanin til tað ein­ asta, ið kundi minna um AB­trýst í fyrra hálvleiki, men argjamenn vórðu ongantíð so næskir, at teir veruliga órógvaðu Trónd Vatnhamar í HB­málinum. Hendan lítla AB­upp­ blussan endaði tó, tá HB trýsti bóltin fram móti AB­ málinum, har hann kanska heldur tilvildarliga varð spældur inn til Andrew av Fløtum. Máltevið sveik heldur ikki her, og sera hegnisliga snaraði hann sær runt og setti bótin í málið stutt innanvert brotsteigin. Eitt ekta hat­trick. HB helt fram at leika nak­ að nær dreymafótbólti – í hvussu er í føroyskum máti­ stokki – meðan AB als ikki fekk spælið at hanga saman á nakran hátt. Óneyvleiki førdi til, at AB­leikararnir sjáldan megnaðu at halda bóltin á egnum fótum meiri enn tvær avleveringar, og so kann sjálvandi kjakast um, antin bakgrundin fyri góða HB­spælinum ikki var í so tunn. Nøgdir AB kundi so fara til hálv­ leiks við eini 0­3 støðu, at manna um. Men teir kundu rokna seg hepnar, at teir ikki vóru aftanfyri enn meira. Eftir eitt horna brast headarin frá Andrew á trí­ kants samankomingina, og løtu seinni hevði Rógvi ein kraftmiklan headara, sum streyk framvið tríkantinum. Í seinna hálvleiki sást, at AB vildi hava meiri burtur úr, og teir matchaðu eisini HB fyrstu løtuna. Teir fingu ennntá sítt fyrsta skot upp á mál, tó uttan at tað voldi HB­málverjanum størri trupulleikar. Men sjey minuttir inn í hálvleikin misti dysturin allar síðsta ferilin av spenn­ ingi, tá Milan Kuljic meiri ella minni ótarnaður slapp at heada eitt hornaspark í málið til 4­0. Eftir hetta tóktust HB­ leikararnir veruliga nøgdir, og álopshugurin var so sum so. AB hinvegin royndi at trýsta, eisini hjálptir av tí lotinum, sum HB í fyrra hálvleiki hevði í ryggin. AB royndi nú at trýsta, og leikararnir stríddust fyri sakini, í so ídnir við hvørt, so teir høvdu hug at gloyma bóltin. Men ikki komu teir nærri enn tvey hálv­hampi­ lig skot frá Allani – burtur­ sæð altso frá einum málið, sum sami Allan snittaði í netið, tíverri fyri hann frá rangstøðu. Ein tryggur HB­sigur, sum varð grundaður við ein­ um framúr fyrra hálvleiki og einum Andrew av Fløt­ um í toppformi. AB? Ja, teir mugu aftur til tekni­ borðið. HB-AB 4-0 (3-0) Andrew av Fløtum (12.) Andrew av Fløtum (15.) Andrew av Fløtum (29.) Milan Kuljic (52.) Ein sonn fragd Andrew av Fløtum var sum vera man væl nøgd­ ur, tá vit fingu orðið á hann eftir dystin. ­ Tað var ein sonn fragd at spæla á hesum nýggja vøllinum. Og sjálvandi eisini ein sonn fragd at byrja so væl sum við einum hattricki, segði ein fegin Andrew. Hann helt, at teir megn­ aðu at halda eitt høgt tempo, serliga í fyrra hálvleiki,og klára teir at halda støðið, kunnu teir vinna á øllum. ­ Hetta er okkara borg, og hana skulu vit verja, segði málrevurin hjá HB. Hann viðgekk, at talan var um eitt botnlið hinu­ megin miðuna, men Andrew helt kortini, at teir stríddust væl. ­ Sjálvandi fóru vit nakað niður í tempo, tá vit komu upp á 4­0, tað er bara náttúrligt, tí tá var dysturin avgjørdur, segði Andrew av Fløt­ um. Hann er glaður fyri at vera í Føroyum aftur, men hevur sum er onga støðu tikið til fótbólts­ framtíð sína. ­ Eg noyðist niður til Danmarkar í oktober. Sáttmálin við HB gongur bara fram til kappingar­ enda, so eg veit ikki, hvat hendir eftir hetta. Eg havi so ikki nakað annað í kikaranum í løt­ uni, so alt stendur opið, segði Andrew av Fløtum, sum sostatt ikki í løtuni veit at siga, um hann fer at halda fram í Føroyum, ella leitar sær uttanlands aftur. (-leo) Andrew kom, sá og sigraði Andrew av Fløtum var stóri leikarin í fyrsta Formuladystinum hjá honum fyri HB í ár. Hann fekk nevniliga eitt ektað hattrick í 4-0 sigrinum á AB. Mynd: Álvur Haraldsen v t d v - j - t mál mál +/- stig 1 NSÍ 17 12 - 2 - 3 31 15 16 38 2 B36 16 10 - 4 - 2 29 11 18 34 3 EB/S 17 10 - 2 - 5 29 21 8 32 4 HB 17 8 - 3 - 6 35 23 12 27 5 Skála 17 7 - 2 - 8 20 25 -5 23 6 GÍ 17 6 - 5 - 6 25 34 -9 23 7 B71 16 6 - 3 - 7 28 28 0 21 8 KÍ 17 5 - 3 - 9 25 26 -1 18 9 AB 17 2 - 4 - 11 19 35 -16 10 10 VB/S 17 2 - 4 - 11 15 38 -23 10 AB HB