hósdagur 9. august 2007síða 14

14 Nr. 152 - 9. august 2007 Á hesum síðum bera vit tíðindi um merkisdagar, so sum rundar føðingardagar, brúdleypsdagar, starvssetanir o.t. nøvn SAMBAND MAgNuS guNNArSSoN MAggi@SoSiAluriN.fo tlf 341800 fAx 341801 Góða Inga. Tung vóru boðini at frætta, at tú ikki ert okkara millum longur. Bert 41 ára gomul og í fagrasta blóma hvarv tú í havsbrúnni, har sum hav og himmal møtast, sum prestur tók til henda dagin í kirkjuni. Hví títt ljós skuldi sløkkjast nú, er ringt hjá okkum og tínum nærmastu at skilja. Frá ungum árum kendi eg teg. Altíð fyrikomandi og hevði hug at práta, tá eg møtti tær. Serliga væl kom eg at kenna teg, tá vit arbeiddu saman í urtagarðinum í Greve í 1995. Tá vóru tit júst flutt úr Noreg, har tú saman við familjuni hevði búð í nøk­ ur ár. Tú skuldi í skúla og hava starvs­ royndir í Danmark sum ein liður í tínari útbúgving til urtagarðskvinnu. Millum agurkurnar í urtagarðinum høvdu vit mangt hugnaligt prátið. Tað var so nógv sum hugtók teg. Politikkur, ítróttur og ikki minst fam­ iljan og børnini. Okkara politisku sjónarmið vóru eins og ofta vóru vit samd um, at um tey ráðandi úti og heima høvdu lurtað eftir okkara urtagarðspráti, so hevði støðan sum heild verið betri. Ítróttur hevði eisini tín áhuga. Um hetta mundið, tá danska kvinnulandsliðið í hondbólti hevði sínar bestu dagar, hevði tú ringt við at velja, hvørjum tú skuldi halda við. Nærlagið var at stuðla liðinum í tí landinum, har tú búði. Men “de norske jenterne” sum tú tók til, stóðu tær nær. Eg hevði ta fatan, at tíni ár í Noreg vóru góð og hend­ ingarík og at ikki minst hetta gjørdi tað torført hjá tær at velja síðu. Tú var familjukær og var sera góð við børnini, sum tú vildi gera alt fyri. Í urtagarðinum, har vit arbeiddu, vóru nógvar vakrar blómur. Men ein bar av øllum og er tíverri følnað eitt bil. Men einaferð fer hon at blóma aftur og at prýða urtagarðin, sum ber av øllum. Stórur verður saknurin, nú tú fór handan havsbrúgv, har sum hav og himmal møtast. Eftir sita vit við minnunum um teg og tey eru bjørt. Eins bjørt og hin bjarta sól, sum bræðir ísin, ið tikið verður til í sang­ inum “Here comes the sun”, og sum so meistarliga var framførdur í kirkj­ uni henda dagin. Tankarnir leita til tey nærmastu og serliga til børnini. Stórt er tómrúmið, men vónandi fer ljómin frá teimum góðu minnunum at kasta onkrar sól­ strálur á og bræða okkara sorgstirdu sálir. Við hesum fáu orðum vil eg lýsa frið yvir minnið um Ingu Arge. Vilhjálmur Gregoriussen Minningarorð um Ingu Arge f. 23. desembur 1965 - d. 29. juli 2007 Thanks We sencerly want to thank the family and community of Faroe Islands for all their comfort and support through our sadness and sorrow in the loss of our loving husband and father Martin Petersen Kambsdalur From Verna, Amanda og Jónberg - - - Tøkk Hjartaliga takka vit øllum, sum vístu samkenslu og hjálpsemi í stóru sorg okkara, tá pápi, maður, sonur og beiggi Martin Petersen Kambsdalur so brádliga varð tikin frá okkum. Hjartaliga takk fyri troystarríkar andaktir og góðan sang í heiminum. Hjartaliga takk fyri troystarrík orð og góðan sang í kirkjuni. Hjartaliga takk fyri alla hjálp, ið varð givin á ymsan hátt. Familjunnar vegna Verna, Amanda, Jónberg, foreldur og systkin við familju Tøkk Hjartaliga takka vit øllum sum sýndu samkenslu og hjálpsemi, tá kæra kona, mamma, vermóðir og omma okkara Elia Poulsen Skála andaðist og varð jarðað. Eina serstaka tøkk vilja vit veita tykkum øllum á Eysturoyar Røktarheimi fyri góða røkt, umsorgan og kærleika ta tíðina, hon var hjá tykkum. Tøkk til Sylverius Jacobsen og Jógvan Fríðriksson, prest, fyri góð og troystarrík orð. Tøkk til kirkjutænarar, sangarar og gravaran. Tøkk øll tit sum hjálptu til við ervinum. Tøkk fyri heilsanir, blómur, kransar og peningagávur, og tøkk til tykkum, sum fylgdu henni til hennara seinasta hvíldarstað. Hjartans tøkk Ingvard, Kirstin, Jón, Paulina, Pálma og Fríða Tøkk Hjartaliga takka vit øllum tykkum, sum á ymiskan hátt sýndu samkenslu, tá elskaði maður mín, góði og elskaði pápi, verpápi og abbi okkara Helgi Einarsson Lilleba doyði og varð jarðaður. Takk fyri blómur, kransar, heilsanir, uppringingar og peningagávur. Takk øll tit mongu, sum fylgdu honum til hansara seinasta hvíldarstað. Familjunnar vegna Karin børn, svigarbørn og abbabørn Dagurin 10. august. Laurentius. Lavrasmessa. Laurentius var ein av teimum best kendu halgimonnum í Norðurlondum Andlát og jarðarferðir Anna Margretha Hammer, vanliga nevnd Gretha, búsitandi í Ljósá, andaðist á Eysturoyar røktar­ og ellisheimi mánadagin, 6. august, 71 ára gomul. Jarð arferðin verður úr røktarheiminum hósdagin kl. 14. Magnus Pauli Hansen, Eiði (nevndur Palli)ættaður úr Streymnesi, andaðist mikunáttina 84 ára gamal. Jarðarferðin verður úr Eiðis kirkju leygardagin kl. 14.30. Sálmabókin verður nýtt. Klæmint Nicodemussen ferð til gravar úr Sands kirkju fríggjadagin kl. 12. Tey, ið vilja minnast Klæmint, kunnu lata eina gávu til Áargarð, konta í peningastovnunum. Naomi Jensen andaðist á Suðuroyar Sjúkrahúsið 86 ára gomul. Farið verður úr kapellinum fríggja­ dagin klokkan 17.00. Jarðarferðin verður leygar­ dagin kl. 13.00 úr Vágs kirkju. Sungið verður úr sálmabókini. Borghild Birgitte Eliassen, fødd Birknes, vanliga nevnd Norska, andaðist á Klaksvíkar sjúkrahúsið týsdagin, 7. august, 81 ára gomul. Kistan fer úr kap­ ellinum heim í Christianskirkjuna hóskvøldi kl. 18.00. Jarðarferðin verður fríggjadagin kl.13.30. Andlát og jarðarferðir Takk Hjartaliga takki eg øllum tykkum, sum heiðraðu meg á 80 ára føðingardegnum. Heilsan Johan Petur Johansen