mikudagur 15. august 2007síða 24

24 [ Nr. 156 - 15. august 2007 ] SAMBAND jákup Mørk jAkup@SoSiAluriN.fo tlf. 341800 ítróttur - Tað hevði verið ein katastrofa, um okkurt av núverandi liðunum í meistaradeildini hjá kvinnum hevði flutt niður, tí tey gera eitt avbera gott arbeiði. Magnus Tausen, formaður í Flogbóltssamband Føroya Á ársaðalfundinum hjá Flogbólts­ sambandinum leygardagin bleiv samtykt við atkvøðugreiðslu, at besta kvinnuliðið hjá Fleyr aftur skal leika í meistaradeildini. Við hesum verður meistaradeildin víðkað til at hava sjey lið komandi ár FLOGBÓLTUR Teitur Joensen teitur@sosialurin.fo Um vikuskiftið var árliga aðalfundurin hjá Flogbólts­ sambandinum á skránni. Á aðalfundinum vera altíð flei­ ri mál umrødd, men tað málið, sum fólk helst fara at tosa mest um eftir fundin, er málið um besta kvinnulið hjá Fleyr, sum komandi ár skal leika í meistaradeild­ ini. Flogbóltssambandið hev­ ði sjálvt lagt uppskot fram á fundinum um at víðka talið av liðum í meistaradeildini hjá kvinnum, soleiðis at Fleyr komandi kappingarár skal leika í meistaradeildini. Eftir at evnið hevði verið til umrøðu í eina løtu, var greitt at fara undir atkvøðu­ greiðsluna, har teir tríggir limirnir í aðalnevndini hava hvør sína atkvøðu, meðan feløgini, sum er møtt á fund­ inum, eisini hava hvør sína atkvøðu. Sjey feløg vóru møtt á fundinum, og úrslitið at at­ kvøðugreiðsluni gjørdist, at seks vóru fyri uppskotinum, trý ímóti og ein atkvøða var blonk. Við hesum er tí samtykt, at Fleyr komandi ár skal leika í meistaradeildini hjá kvinnum, og at henda so­ statt verður víðkað til sjey lið, sum fara at spæla tríggj­ ar ferðir ímóti hvørjum øðrum í mun til fýra ferðir síðsta kappingarár. Gott ungt fólk í Fleyr Eftir aðalfundin hjá Flog­ bóltssambandinum hava vit tikið eitt prát við forman­ nin, Magnus Tausen, har vit hava spurt hann, hvussu tað ber til, at Flogbóltssam­ bandið legði uppskot fram fyri fundin at fáa Fleyr upp í meistaradeildina, og á henda hátt økja um talið av liðum. Magnus sigur, at síðstu nógvu árini hava víst, at kvinnusíðan í flogbólti er heldur sterkari enn mans­ síðan, og har leggjast fleiri ungar kvinnur til ítróttina. ­ Tað er nokk ikki nakar ivi um, at kvinnusíðan er sterkari enn manssíðan í flogbólti. Fleiri kvinnur ella gentur leggjast afturat í fel­ øgunum kring landið, og av hesi orsøk hildu vit tað vera eitt gott hugskot at økja um talið av liðum í meistara­ deildini hjá kvinnum. Hetta er so ein av grundunum til, at Fleyr nú aftur fær møgu­ leikan í meistaradeildini. Hann metir tó eisini, at Fleyr hevur eitt gott ung­ dómsarbeiði, og at felagið eigur gott, ungt fólk at seta við í meistaradeildini. ­ Ja, vit meta, at Fleyr he­ vur sera nógvar góðar og ungar leikarar at seta við í meistaradeildini. Tað kundi blivið ein trupulleiki fyri felagið, um tær ikki fluttu upp nú, tí so kundi tað hent, at felagið misti fleiri av sínum bestu leikarum til onnur feløg, og tá hevði tað sjálvandi blivið enn harðari at komið upp, sigur Magnus Tausen. Hann leggur tó afturat, at ein av høvuðsorsøkunum er í samband við hini liðini í meistaradeildini. ­ Vit meta, at tað hevði verið einki minni enn ein katastrofa, um okkurt av núverandi liðunum í meist­ aradeildini hjá kvinnum hevði flutt niður, tí tey gera eitt avbera gott arbeiði. Het­ ta er so eisini ein av grund­ unum til, at talið av liðum í meistaradeildini verður økt, tí nú er einki lið, sum flytur niður. Hvat við 1. deild? Tað eru sjálvandi bæði fyri­ munir og vansar við avgerð­ ini, sum bleiv tikin á aðal­ fundinum leygardagin. Tað er helst gott hjá Fleyr aftur at fáa møguleikan í meist­ aradeildini, og eingin ivi er um, at felagið hevur nógvar góðar, ungar leikarar. Síðsta kappingarár megn­ aði Fleyr tó ikki ein gongd at vinna 1. deild, og tí tykist tað vera rættiliga merkisvert, at avgerð skal vera tikin júst í ár um, at tær skulu upp aftur í meistaradeild­ ina. Kappingin í 1. deild he­ vur verið hørð ímillum bes­ ta liðið hjá Fleyr og næst­ besta liðið hjá KÍF, men í farna kappingarári vóru kvinnurnar í KÍF í einum flokki fyri seg. Tær vunnu allar sínar dystir 3­0 – eisini teir báðar ímóti Fleyr. Nú er so spurningurin, hvat skal henda við 1. deild hjá KÍF. Tí við uppflyting­ ini hjá Fleyr, so er ikki óhugsandi, at næstbesta liðið hjá KÍF skal spæla eitt heilt kappingarár uttan nak­ ra serliga kapping. Formaðurin í Flogbólts­ sambandinum viðgongur eisini, at hetta kann gerast ein trupulleiki, og hann sigur, at um so verður, so má hetta takast upp á komandi aðalfundi. Kann vera gott fyri yngru leikararnar Eftir aðalfundin er nú heilt greitt, at einki av liðunum í meistaradeildini komandi ár fer at flyta niður, tí har er einki lið í næstbestu deild­ ini, sum kann flyta upp. Hetta kann føra við sær, at eingin kapping verður í botninum, tí nú kann tað vera líka mikið fyri eitt felag, um tað endar niðast, tí leiðin gongur ikki niður í næstbestu deildini allíka­ væl. Tó kann tað eisini vera ein fyrimunur fyri nøkur av feløgunum, at tey ikki kun­ nu flyta niður. Undanfarin ár, tá niðasta liðið í meist­ aradeildini hevur spælt upp­ og niðurflytingardyst ímóti ovasta liðnum í næst­ bestu deildini, hava feløgini helst verið eitt sindur varin við at nýta teir yngru leikararnar í avgerandi dys­ tum. Hetta helst tí at teir eldri leikararnir hava størri royndir í trýstum støðum. Nú kunnu feløgini tó ­ uttan at vera bangin fyri nøkrum ­ geva yngru leikar­ unum møguleikan á besta liðnum. Og hetta fara feløgini vónandi at gera, so­ leiðis at ungu leikararnir sleppa at menna seg. Fleyr aftur í meistaradeildini Á ársaðalfundinum hjá Flogbóltssambandinum leygardagin var avgerð tikin um, at Fleyr aftur skal hava lið í meistaradeildini hjá kvinnum. Við hesum vera sjey lið í meistaradeildini hjá kvinnum komandi kappingarár. Mynd: Álvur Haraldsen