hósdagur 16. august 2007síða 28

28 Nr. 157 - 16. august 2007 ítróttur Ein av stóru profilunum hjá vinnandi liðnum, var Hans Pauli Samuelsen. Hann var rættiliga í hopla ein yvirgang í fyrra hálvleiki, tá hann bæði skoraði eitt framúr mál og var við í uppspælinum til eitt annað. Hann gjørdist eitt sindur anonymur í seinna hálvleiki, men var kortini maðurin, sum stóð fyri upplegginum til fjórða málið hjá EB/ Streymi. - Hetta var gott. Hetta bjargar árinum hjá okkum, tí tapið móti HB seinasta sunnudag gjørdi helst, at vit ruku út úr kappingini um meistaraheitið. Vit hesum sigrinum í steypafinaluni, sleppa vit út í Europa at spæla komandi ár, og tað hevur stóran týdning, sigur Hans Pauli Samuelsen. Um sítt egna mál í dyst- inum segði Hans Pauli: - Eg fekk ein bólt í vinstru síðu, og so gjørdi eg eina »Ronaldo«-fintu, sum eg ofta plagi, og tað lukkaðist væl. Eg slapp framvið Mort- ani (úr Hørg), og so var bara at skrúva bóltin fram- við Tróndi í HB-málinum. Miðvallarleikarin hjá EB/ Streymi sigur, at teir vóru ógvuliga uppsettir at vinna hendan dystin, og tá tað eydnaðist, merkti tað sam- stundis, at fyrsta gullið kom í hús hjá felagsliðnum. (leo) Árið bjargað Arnbjørn Hansen kandidat- eraði til heitið sum máls- kjútti, tá Hans Pauli elegant vippaði bóltin upp um HB- verjuna og inn í brotsteigin til ein frían Arnbjørn, sum royndi seg fyrstu ferð. Hugt í bakspegilin var tað kanska ikki besta loysnin, tí hann fekk ikki skot á bóltin, og sansaði helst ikki, hvussu fríur hann í veruleikanum var. Men fáar minuttir seinni hepnaðist betur, tá sami Hans Pauli setti álop í gongd sum endaði við skoti útifrá, sum Tróndur hálvbjargaði. Bólturin stakk upp í luftina og har var Arnbjørn fyrstur á og stútaði upp um Trónd – og so var 3-0 til EB/Streym. Men samstundis fekk hann ein snudd, sum førdi til, at hann mátti lata seg skifta út, og harvið síggja restina av dystinum frá beinkinum. - Tað er fantastiskt at vinna, og sjálvandi ótrú- liga stuttligt at skora í ein- ari finalu, segði Arnbjørn Hansen eftir dystin. Hann helt eisini, at sjey mál í einari finalu má vera nakað serligt. - Tað má í hvussu er sig- ast, at áskoðararnir fingu valuta fyri pengarnar, segði Arnbjørn. Hann segði, at snuddurin ikki var so álvarsligur, og at tað fór at laga seg eftir stuttari tíð. - Men tað var ræðuligt at sita uttanfyri og hyggja at stóran part av dystinum. Tá tú ert á vøllinum hugs- ar tú ikki um tað, men á beinkinum fær tú einki annað gjørt, enn nettupp at hyggja at, segði Arn- bjørn Hansen. Hann heldur eisini, at EB/Streymur trekti nakað langt aftur í seinna hálv- leiki, og tí kom undir óneyðuga nógv trýst. - Men hetta er væl nátt- úrligt, tá tú førir 3-0, segði Arnbjørn Hansen eftir fin- aluna í gjárkvøldið. (leo) Ræðuligt at hyggja at Í øðrum londum verður kos- in dagsins leikari. Til steypa- finaluna í Danmark verður kosin »Árets pokalfighter«, amerikumenn tosa Most Valuable Player (MVP) og tá Schmeichel og Co vísa CL-fótbólt, ber til at atkvøða fyri »kampens spiller«. Skuldu vit valt ein dags- ins mann í sambandi við steypafinaluna, mátti tað verði René Tórgarð. Tá harðast leikaði á, og HB- trýstið var sum mest, stóð hann sum ein livandi múrur í EB/Streymamálinum, og tað vóru ikki einans óneyvar avslutningar frá HB-leikar- unum sum gjørdu, at hol ikki kom á fyrr enn tað bert restaðu trettan minuttir av dystinum. Fleiri ferðir framdi hann stórbjargingar, og serliga ein refleksbjarging í fyrra hálvleiki stendur eftir í minninum. Talan var um ein harðan stútara frá Rógva Jacobsen tætt undir málin- um, sum René onkusvegna fekk parerað. Sæð yvir dystin sum heild, eigur málverjin sín stóra leiklut í, at EB/Streym- ur kundi fara norður aftur í Sundalagið við løgmans- steypinum, og hava vit tí valt at útnevna hann til dags- ins mann. (leo) René Tórgarð dagsins maður - Vit kunnu bara iðra okkum um allar møguleikarnar, sum vit høvdu, men ikki útnyttaðu. Tað helt Andrew av Fløt- um eftir dystin í gjárkvøld- ið. Hann róði upp undir, at tað í stóran mun var teirra egni feilur, at úrslitið gjørdist sum tað gjørdist. - Vit vóru slett ikki vakn- aðir tá dysturin byrjaði, og tí gjørdu vit tað óneyðuga tungt hjá okkum sjálvum at koma aftur í aftur, segði Andrew av Fløtum. Annars helt hann sum so mong onnur, at eitt 4-3 úrslit í einari finalu má vera guff fyri áskoðaran, og at dysturin í so máta hevði alt at bjóða, sum ynskt verður av einari finalu. Men tað er ongantíð stutt- ligt at tapa ein dyst og tá serliga ikki eina finalu. - Hetta var stutt sagt ein søga um, at vit ikki tóku av teimum mongu møguleik- um, sum vit fingu, segði Andrew av Fløtum. (leo) Vit tóku ikki av