fríggjadagur 17. august 2007síða 8

8 tíðindi Nr. 158 - 17. august 2007 Føroya Banki hevur stovnað dótturfelag í Danmark. Talan verður um eina deild, og hon skal halda til í Keypmannnahavna­ røkinum. Virkisøkið verður innan Private Banking og verkætlanarfígging BANKAVIRKSEMI Leo Poulsen leo@sosialurin.fo Tað var longu á sumri 2005, at leiðslan í Føroya Banka á einum strategifundi gjørdi av, at skuldi virksemi bank­ ans vaksa, varð neyðugt at hyggja út um landoddarnar. ­ Føroyski marknaðurin er avmarkaður, og tí varð gjørt av at fara undir íløgur aðrastaðni. Tí skulu vit í dag boða frá, at Føroya Banki ger íløgur uttanlands, segði nevndarformaðurin, Jóhan Páll Joensen, tá hann bjóðaði vælkomin til tíðindafund í bankanum í morgun. Janus Petersen greiddi síðani frá ítøkiligt, hvat og hvar bankin hevði gjørt sínar fyrstu uttanlands íløgur. ­ Mest nærliggjandi marknaðurin er londini uttan um okkum, tað vil siga Ísland, Ongland, Noregi og Danmark. Vit eru frammman undan partur av donsku bankaskipanini, hava sama bankaeftirlit og eru limir í somu EDV­ kervum, og tí er Danmark eitt náttúrligt stað at byrja, segði Janus Petersen. Hann boðaði síðani frá, at Føroya Banki hevði stovnað dótturfelag í Dan­ mark, nevnt Føroya Bank A/S. Dótturfelagið fer at virka innan Private Banking og verkætlanarfígging. ­ Vit hava sjálvandi hugt eftir møguleikunum at keypa banka til endamálið, men av tí at vit miða so ítøk­ iligt móti nevndu virkis­ økjum var hildið skilabetri, at stovna okkara egna dótturfelag heldur enn at keypa, segði Janus Petersen. Private Banking er ein serlig hágóðsku tænasta, og tí verður talan um eina specialisering fyri dóttur­ felagið. Synergi til Føroya Føroya Banki hevur gjørt sær ómak at finna røttu leiðsluna til dótturfelagið, og hevur eftir øllum at døma »head­huntað« leiðsl­ una í Bank Trelleborg, tí verandi forstjóri í bankanum verður nýggjur forstjóri í Føroya Bank A/S og stjórin í Bank Trelleborg, Kim Linnemann, verður nýggjur stjóri í føroyska dóttur­ felagnum. Føroya Banki hevur sett 300 milliónir krónur í nýggja dótturfelagið, og tað svarar til 92% av partapen­ inginum. Resterandi átta prosentini fara tey um 20 starvsfólkini at seta í bankan. Private Banking er heiti á bankavirksemi, sum serliga vendir sær móti teimum vælbjargaðu og teimum heilt ríku. Tosað verður um tvey sonevnd segment. Mett verður, at ár 2009 fer »Affluent segmentið« at umboða 230.000 persónar við einum ríkidømi millum eina og 7,5 milliónir krónur, svarandi til samlað virði áljóðandi 500 milliardir krónur. Hitt segmentið, High Net Worth, umfatar 10.000 persónar hvørs ríki­ dømi liggur omanfyri 7,5 milliónir krónur, við einum samlaðum likviditeti upp á 200 milliardir krónur. So tað er eyðsæð, at Private Banking miðar móti einum serligum kundabólki, og Føroya Banki roknar við, at hetta virksemi dóttur­ bankans kann skapa eina synergi aftur til Føroya. Tillaga vónirnar Men hóast dótturfelagið verður sett á stovn nú, gong­ ur restin av árinum til at fyrireika virksemið í Dan­ mark. Janus Petersen roknar við, at klárt verður at fara undir virksemið antin síðst í hesum árinum ella fyrst í komandi ári. ­ Tað er greitt, at tað kostar nakað at seta á stovn ein nýggjan banka, og vit rokna við, at útreiðslurnar hjá okkum í hesum sam­ bandi fara at liggja millum 20 og 25 milliónir krónur, segði Janus Petersen. Hetta merkir samstundis, at leiðslan í bankanum hev­ ur broytt metingina av árs­ úrslitinum frá at liggja mill­ um 145 og 165 milliónir krónur, til nú at gerast millum 125 og 140 milliónir krónur. ­ Tað er greitt, at ein slík íløga ikki fer at geva avkast fyrr enn í komandi árum, vísti Janus Petersen á. Talan verður í fyrstu syftu um eina deild, sum fer at liggja í Keypmannahavnar­ økinum, har flestu ríku danirnir búgva. Danskur dótturbanki á veg Janus Petersen, forstjóri í Føroya Banka, boðaði á tíðindafundi í morgun frá, at bankin nú fer at víðka um sítt virksemi til at umfata dótturfelag í Danmark Mynd: Leo Poulsen Faroe Ship rýmir ikki úr Klaksvík Faroe Ship heldur fram í Klaksvík øðrum formi. Hetta sigur stjórin á Faroe Ship, Jóhanna á Bergi, sum staðfestir, at talan bara er um eina tillaging til ein broyttan veruleika, nú Lómur og Blikur ikki longur sigla upp á Klaksvík. Í framtíðini fer Faroe Ship at bjóða eitt annað slag av virksemi í Klaksvík, tað vera bingjuskip, reefer vessels og fremmand skip, sum Agency deildin umboðar. Somuleiðis fara tey at bjóða pláss á vøruhotelli og frystihúsinum í Ánunum. Faroe Ship er nógv broytt seinastu árini og vegakervið er betra, tí er tað, sambært stjóranum, náttúrligt, at felagið lagar seg til broyttu umstøðunar á marknaðinum. Fiskikapping í kvøld Ilsligt veður í gjár gjørdi, at fiskikappingin í Klaksvík er útsett til í kvøld klokkan 18. Kappingin, ið vanliga hevur verið ein partur av skránni fyri Føroya Sjómannadag, hevur stóran áhuga bæði millum børn og vaksin. Sum myndin sýnir, savnaði fiskikappingin hópin av fólki fram við bryggjukantin á Føroya Sjómannadegi í fjør. Ársroknskapurin fyri fyrra hálvár í ár hjá danska bankanum vísir eitt avlop áðrenn skatt upp á 45,2 milliónir. Tað er bankin sera væl nøgdur við, serliga tá hugsað verður um hørðu kappingina ROKNSKAPUR Leo Poulsen leo@sosialurin.fo Skjern Bank boðar frá ein­ um góðum úrsliti fyri fyrra hálvár í ár. Bankin kom inn á føroy­ ska fíggjarmarknaðin av álvara, tá teir vóru sjarmu­ herferð í Føroyum stutt undan at Føroya Banki fór á børsin, men tá varð sagt, at hetta var púra av tilvild, at tað fall soleiðis út. Samlaði umsetningurin er vaksin munandi hjá bankanum. Útlánini við heilum 33% upp í 37, milliardir, og innlánini 24% til 2,6 milliardir krónur. Hartil kemur ein øking í rentuinntøkunum upp á 12%. Hetta metir bankin vera meiri enn nøktandi, havandi í huga stóru kapp­ ingina, sum er á fíggjar­ økinum. Hálvársúrslitið vísir 45,2 milliónir í avlopi áðrenn skatt. Hetta er heldur minni enn sama tíðarskeið í fjør, tá avlopið áðrenn skatt var 48,5 milliardir. Tó er av­ lopið eftir skatt heldur betri í ár enn í fjør, 36,0 móti 34,9 milliardir krónir. Samlaða handilsumfarið, sum er úrslitið av saman­ løgdu tølunum fyri útláni, innláni og trygdum, var eftir fyrra hálvár 7,9 milli­ ardir, og tað er ein fram­ gongd svarandi til 23%. Kostnaðar­ og provisións­ inntøkurnar eru framvegis høgar. Hetta kemst av stóra áhuganum hjá kundum bankans at handla á parta­ brævamarknaðinum. Handl­ arnir av partabrøvum eru vaksnir úr 30.000 fyrra hálvár í fjør upp í 44.000 handlar sama tíðarskeið í ár. Skjern Bank gott hálvársúrslit Leiðslan í Skjern Bank er væl nøgd við hálvársúrslitið