mánadagur 20. august 2007síða 5

5 tíðindi tmála við oljufelagið BP Nr. 159 - 20. august 2007 á framleiðslustøðini í heil­ um, og har teir so skulu yvirnátta. Tað verður tí ein sera stórur vinningur hjá einum oljufelag at kunna senda data í land heldur enn at senda fólk út á fram­ leiðsluplássið at viðgera hesi. Spurningurin snýr seg heilt einfalt um at fáa nú­ tímans telesamskifti út á oljupallarnar og fram­ leiðsluskipini (FPSO). Hetta krevur bæði ein kaðal og førleika til telesamskifti. Eitt oljufelag hevur sum er ikki telesamskifti sum sítt kjarnuøki vanliga, og tí vil tað vera skilagott fyri tað at samskifta við eitt tele­ felag um at veita slíkar tænastur. Og her kemur so Føroya Tele inn í myndina, tí tað hevur førleika til at leggja kaðalar og at veita tær tænastur, sum hartil hoyra. Spurt kundi verið, hví ikki hetta er ein uppgávu hjá stórum telefeløgum sum eitt nú bretska BT! Svarið kann vera, at hetta er møgu­ liga ein ov lítil avbjóðing hjá teimum heilt stóru telefyritøkunum. Hinvegin krevur tað eisini eina ávísa stødd av einum telefelag, soleiðis at eitt oljufelag kann líta á tað sum partnara. Ta støddina tykist so Føroya Tele eftir øllum at døma at hava, nú ein avtala er við at koma í hús. Shefarkaðalin í Føroyum í september Spurningurin er so eisini, hvat eitt slíkt samstarv kann bera í sær av øðrum tæn­ astum so sum breiðbandi og tráðleysum tænastum á pallunum. Framtíðar spurn­ ingurin kann verað, hvussu ein fyritøka sum Føroya Tele kann koma at taka sær av øðrum teletænastum um­ borð á einum oljupalli eis­ ini! Tað skilst annars, at She­ farkaðalin longu kemur uppá land í Føroyum í næsta mánað, og at kaðal­ arnir til Clair og Schie­ hallion longu eru ella verða lagdir. Vit hava roynt at fáa eina viðmerking frá stjóranum í Føroya Tele, Kristian Dav­ idsen. Hann ynskir ikki í løtuni at gera nakra við­ merking men váttar fyri Sosialinum, at samráðingar hava verið við BP um sam­ starv. Málið hevur tó verið frammi alment áður. Á fundi í oljutinginum nakað herfyri varð tað nevnt, at Føroya Tele arbeiðir við ætlanum at fáa tætt samstarv við eitt risastórt oljufelag, og gjørdist hetta til veru­ leika, so sá Føroya Tele stórar møguleikar í fram­ tíðini at gerast veitari hjá BP kring heimin á fleiri av teimum økjunum, sum føroyska fyritøkan í løtuni virkar á. Herfyri skrivaði The Shetland News, at Shefarkaðalin møguliga fór at vera grundarlag fyri samstarvi millum BP og Føroya Tele. Blaðið skriv­ aði, at í sambandi við verkætlanina hjá Føroya Tele at leggja ein 800 kilometur langan kaðal millum Stóra Bretland og Føroyar verður eisini arbeitt við at íbinda Shiehallion og Clair oljukeldurnar í Shefar­ kaðalin. Sosialurin skilur, at henda stóra verkætlanin kemur sera væl við hjá Føroya Tele, sum einsamalt hevur gjørt íløgu í Shefarkaðalin uppá umleið 130 mill. Kr. Hon fer at gera íløguætlanina nógv meira rentabla. Duraopnari Eisini skilst, at henda verk­ ætlanin kann gerast dura­ opnarin hjá Føroya Tele at gerast veitari av nógvum øðrum tænastum bæði her um leiðir men ikki minst úti í heimi, har BP arbeiðir. Tað er tó eingin loyna, at tað skal bæði tol og ikki minst professionalisma til at fáa avtalur við stóru oljufeløgini. Eisini er byrokratiið stórt, og tí er tað altavgerandi at kunna fáa eitt bein inn um. Og nógv bendir á, at Føroya Tele við einum sáttmála nú kann gerast veitari á øðrum økjum við. Talan kann tá gerast um stórar upphæddir, sum so aftur fara at telja við í hagtølunum yvir útflutn­ ing, sum einki hevur við høvuðsvinnuna, fiskivinnu­ na at gera. Arbeitt verður við at leggja Shefarkaðalin úr Hetlandi til Føroya Á kortinum síggja vit hvar Shefarkaðalin fer at liggja og hvussu oljukeldurnar Schiehallion og Clair verða íbundnar kaðalin Svínoyingar atkvøða um kommunusamanlegging 27. august verður fólkaatkvøða í Svínoy um kommunusamanlegging millum Svínoyar kommunu og Klaksvíkar kommunu. Fólkaatkvøðan verður millum kl 13 og 16 í lærarahúsinum. Borgarar í Svínoyar Kommunu kunnu frá 21. til 23. august greiða brævatkvøðu á hesum støðum: Klaksvíkar Kommuna, Miðlan, Tórshavnar Kommuna, Snarskivan og í Svínoy, við at venda sær til valnevndina.