mánadagur 20. august 2007síða 6

6 tíðindi Um vikuskiftið hevur høvuðsstaðurin verið prýddur í øllum ælaboganslitum, nú vitjandi úr øllum Norðanlondum hava hátíðarhildið Føroya Pride – festivalurin fyri samkynd, tvíkynd og transkynd MENTAN Rólant Waag Dam rolant@sosialurin.fo Føroya Pride, sum byrjaði fríggjadagin, endaði seinna­ partin sunnudagin. Á skrán­ ni hesar dagarnar hava fyrilestrar, pallborðsfundur, filmar, skrúðgonga, røður og sangur. Mest sjónliga og mest vit­ jaða tiltakið var seinnapartin leygardagin, tá skipað var fyri skrúðgongu frá Norður­ landahúsinum og oman í býin, har fólk savnaðust til røðu og felagssang á Vag­ linum. Hetta er onnur ferðin at skipað verður fyri Føroya Pride í Føroyum. Fyrstu ferð var tað í 2005, tá Bogin (t.e. felagsskapurin hjá før­ oyskum lesandi og ungum samkyndum) stóð fyri tiltakinum. Í ár var tað so felagsskapurin ANSO, sum saman við Friðarboganum, ið skipaði fyri Føroya Pride. ANSO er norðurlendskur felagsskapur, ið ið arbeiðir við áhugamálunum hjá sam­ kyndum, tvíkyndum og transkyndum lesandi í øl­ lum norðurlondum. Føroya Pride av á hesum sinni Nógv meira um Føroya Pride í blað- num týsdagin Nógv fólk gingu skrúðgongu seinnapartin leygardagin Mynd: Ólavur Fredriksen Nr. 159 - 20. august 2007 Kvinnur vilja lesa verkfrøði Triðja árið á rað hækkar talið av kvinnum, sum vilja lesa verkfrøði í Danmark. Tí standa kvinnurnar nú fyri 26,5 prosent av teimum, sum lesa verkfrøði. ­ Hetta er tað hægsta talið, vit nakrantíð hava havt, so tað er gott. Men tað er enn ikki nóg gott, tí best hevði verið, um talið var helvt um helvt, sigur Helle Petersen, forkvinna í Ingeniørforeningens Kvindeudvalg, við blaðið Ingeniøren. Hon heldur, at økingin av kvinnum er avleiðing av eini hugburðsbroyting, har tað í størri mun verður góðtikið, at kvinnur lesa mannfólkafak. Kanning um gjalding Í samband við at Intrum Føroyar hevur gjørt kanningina, gjaldsindex 2007, bjóðar fyritøkan til temadag á Hafnia komandi fríggjadag. Stefan Schar, sum hevur ábyrgd av Gjaldsindex í fleiri enn 20 londum í Evropu, fer at framleggja og greiða frá úrslitinum av kanningini. Umframt tað er nógvar aðrar framløgur. Millum annað fer landsstýrismaðurin í fíggjarmálum, Magni Laksáfoss, at hugleiða um hvørja ávirkan gjaldsmynstrið hevur á føroyska samfelagsbúskapin. Harafturat vera umboð fyri peningastovnar, advokatvirki og aðrar fyritøkur.