mánadagur 20. august 2007síða 21

Nr. 159 - 20. august 2007 21 tíðindi 21 ára gamli Ólavur Jacobsen úr Klaksvík gjørdist nýggjur føroyameistari í egning á Sjó­manna­ degnum leygardagin Sjómannadagur Anna V. Ellingsgaard anna@sosialurin.fo Fyrstu ferð, hann luttók í Føroyameistarakappingini í egning var á fyrsta Sjó­ mannadegnum í 2005. Tá bleiv Ólavur Jacobsen úr Klaksvík aftastur. Í fjør royndi hann seg so aftur og náddi tá upp á eitt sætta pláss. Uppreisn Men í ár skuldi tað so umsíðir eydnast. Seinna­ partin leygardagin tryggjaði 21 ára gamli Ólavur Jacobsen sær fyrsta plássið og harvið føroyameistara­ heitið í egning. Honum á baki komu Martin Simonsen og John Havn, báðir úr Klaksvík. Ólavur Jacobsen var ikki sørt ovfarin av sigrinum, tí hann helt seg vita, hvat hann kundi vænta sær. ­ John, Martin og eg plaga altíð at kappast um, hvør egnir skjótast, og eg tapi næstan altíð, sigur Ólavur Jacobsen, sum nú rættiliga fekk uppreisn. Styrkivenjing hjálpti Ólavur Jacobsen hevur verið fastur egnari hjá Kalla­ nesi í mong ár. Men síðani hann fór í læru sum húsa­ smiður fyri nøkrum mánað­ um síðani, hevur hann stórt sæð ikki egnt. ­ So eg eri ikki í serliga góðari venjing í so máta. Tað skal tó sigast, at eg havi styrkivant rættiliga nógv seinastu tíðina, og tað hevur givið úrslit. Eg eri betri fyri kropsliga í allar mátar og eri nokk eisini blivin meir fimur, heldur Ólavur Jacob­ sen. Nýggi føroyameistarin í egning viðgongur, at honum dámar stak væl at kappast. Føroyameistaraheitið gav honum pláss á eini stórari egnikapping í Íslandi næsta ár, og Ólavur Jacobsen er fúsur at fara avstað. Har­ umframt fekk hann eina peningagávu á 5000 kr. Úrslitið leygardagin hevði sostatt við sær, at tað ikki eydnaðist tvífaldaða føroyameistaranum í egn­ ing, John Havn, at endur­ vinna heitið á triðja sinni. John Havn endaði á triðja plássi, meðan Martin Sim­ onsen gjørdist nummar tvey. Teir tríggir egnararnir fingu allir steyp til ognar. Besti egnarin funnin børnini fríggjakvøldið, og leygar­ dagin sluppu tey aftur upp í leikin. Um middagsleitið fóru menn úr grindafelag­ num nevniliga at skera upp tveir grindahvalir, meðan teir greiddu frá, hvussu hetta eigur at gerast, og hvussu tað ymska á grind­ hvali eitur. Nýggi føroyameistarin í egning helt, at tað mundi vera styrkivenjingin, sum var komin honum til góðar í kappingini í ár Føroyameistarakappingin í egning var aftur í ár eitt av stóru hæddarpunktunum á Sjómannadegnum Mynd: Álvur Haraldsen Stangabrúgvin var full av fólki, tá Bjørn Kalsø setti Sjómannadagin 2007. Upp ímóti 7000 fólk vitjaðu tiltøkini í Klaksvík, og alt gekk fyrimyndarliga fyri seg, sum eitt familjutiltak skal gera, sigur ein av fyriskiparunum, Karl Birgir Isaksen