hósdagur 19. apríl 2001síða 7

Nr. 74 - 19. apríl 2001 13 gult13 cyan13 magenta13 svart13 12 Nr. 74 - 19. apríl 2001 gult12 cyan12 magenta12 svart12 Seint í summar fáa gott og væl 100 børn pláss í barnagarði í Havn. Tá letur nýggi barngarðurin í Vesturbýnum upp, og nakað um sama mundið letur barna- garðurin hjá Føroya Tele upp DAGSTOVNAR Turið Kjølbro Nýggi dagstovnurin í Vest- urbýnum í Havn er reistur og partvís innilokaður. Stovnurin, sum liggur í Øksnagerði, er bygdur við eini kjarnu, har fýra lonir ganga út frá. Upprunaliga skuldi stovnurin hava tríggjar stovur til 20 børn hvør, men síðani hevur Tórshavnar býráð samtykt at gera eina stovu afturat til børn við serligum tørvi. Stovnurin, ið er mettur at kosta 8 mió. krónur, fer tí- skil at taka 70 børn. Ætlan- in var, at stovnurin skuldi standa klárur at taka fyrstu børnini inn í august. Men orsakað av eitt nú keðilig- um veðri, er byggingin seinkað nakað. – Vit rokna við, at tá ið næsta skúlaár byrjar, verður í øllum førum ein stova lið- ug. So skuldi stovnurin annars staðið liðugur eina ferð í september, sigur Jan Christiansen, býráðsfor- maður. Stovan, sum er komin afturat, verður til tíggju børn í fyrstu syftu. Børn, sum hava serligan tørv. – Serligi tørvurin hjá børnunum kann vera ymiskur. Til dømis klára summi børn ikki at vera á stovum, har ov nógv børn eru orsakað av larmi og slíkum. Hesi børnini koma av stovnum úr býnum, sigur Jan Christiansen. Ein stova er sett av til vøggustovubørn, tó ikki yngri enn tvey ár. – Politikkurin hjá okkum er, at vit royna at nøkta tørvin á stovnsplássum úr erva av, tað vil siga fáa teim elstu børnunum pláss í barnagarði fyrst. Tí fara tey smæstu í dagrøkt. Tað vísir seg nærum í øllum førum, at børn í barnagarðsaldri, sum eru í dagrøkt, ynskja eitt barnagarðspláss. Aðrar loysnir Keypið hjá Føroya Tele av einum sethúsum við Sunds- vegin er komið uppá pláss og har verður pláss fyri 32 børnum. Helmingurin av børnunum vera børn hjá starvsfólkum á stovninum, meðan hin helmingurin verður til børn av bíðilist- anum hjá Tórshavnar kommunu. Bíðilistin var 28. mars 402 børn. Roknað verður við, at tá ið stóra útskiftið er farið fram í august, er bíðilistin 200 børn. Tórs- havnar býráð arbeiðir við øðrum loysnum, sum skulu minka um bíðilistan, men býráðsformaðurin vil ikki úttala seg nærri um, hvørjar tær eru. Vit kunnu í øllum førum staðfesta, at í hesum fíggjarárinum eru ikki pengar settir av til fleiri íløgur í bygging. – Henda samgongan hev- ur sett sær fyri at loysa tørvin á stovnsplássum, og vit eru so at siga komin undir land, tá ið tað snýr seg um stovnspláss til børn í barnagarðsaldri. Nú ræður um at fáa teim yngru børnunum pláss. Í dag eru flestu børnini umleið tvey ár áðrenn tey sleppa inn. Trupulleikin er, at vit fáa ikki loyvi til at gera íløgur fyri meiri enn eitt vist. Tí er trupult at gera vanligar tradisjónellar barnagarðar. Tó rokna vit við at fáa gongd á fyrireikingarnar til ein ella tveir stovnar til 60 børn hvør afturat í hesum árinum. Um árskiftið skuldi í øllum førum verið greitt, hvussu vit útvega pláss til eini 100 børn, sigur Jan Christiansen. 100 stovnspláss afturat í summar Nýggi dagstovnurin í Øksnagerði, ið er mettur at kosta 8 mió. krónur, fer at taka 70 børn. Mynd: Jens Kristian Vang Kristiliga útvarps- rásin hevur søkt um loyvi at senda við 1000 watt av Brúna- skarði. Fær rásin loyvið, fer hon at hoyrast munandi betur í Norðoyggjum og Eysturoy ÚTVARP Eyðun Klakstein Klaksvík: Mikudagin á middegi skifti útvarpsrásin, Lindin, frekvens á Brúna- skarði, og um stutta tíð vónar rásin, at hon kann senda við 16 ferðir so stór- ari styrki, sum sent verður við í løtuni. – Vit hava søkt um loyvi at senda við 1000 watt á Brúnaskarði, og fáa vit loyvi til tað, fara vit at hoyrast nógv betur í Norð- oyggjum og í Eysturoynni, sigur Preben Hansen, sum er nevndarformaður í Lind- ini. Í løtuni sendur Lindin við 60 watt á Brúnaskarði, meðan Útvarpið og Rás 2 senda við nøkrum 100 watt. Senda meiri úr Klaksvík Lindin fór fyrr í ár undir at senda sítt kristiliga tilfar til norðoyingar, men fyrsta tíðin hevur verið merkt av trupulleikum, tí frekvens- urin, sum rásin fekk tillut- að, hevur órógva sendivið- urskiftini í Klaksvík. Mikudagin flutti Lindin av 105 MHz til 103 MHz, og tað skuldi bast teimum trupulleikum, sum hava verið í Klaksvík. Umframt at senda til Klaksvíkar, ætlar Lindin eisini at senda úr Klaksvík. – Vit mangla útgerð til at kunna senda úr Klaksvík, men ætlanin er at gera neyðugu íløguna, sum kostar eini 60.000 krónur, sigur Preben Hansen. Lindin ætlar at brúka Studio Pegasus til sínar sendingar, men fyri at fáa góða góðsku á sendingarn- ar úr Klaksvík, má serlig útgerð keypast støðina í Havn, so rásin kann taka ímóti tilfarinum og senda tað út í luftina við góðari góðsku. Eisini til Suðuroyar Lindin fer í næstum at senda í Suðuroy eisini. Rásin hevur fingið stórfingna gávu til at keypa sendara til Suðuroynna, og Preben Hansen roknar við, at Lindin kann fara undir at senda til Suðuroynna fyrst í juli mánaði. Lindin skal hava útgerð úr útlandinum, og antennan, sum nú sendir á Brúnaskarði, skal flytast til Suðuroyar, og nýggj antenna setast upp í Klaksvík. Hetta kemst av, at antennarnir eru lagaðar til ásvísan frekvens, og nú frekvensurin í Klaksvík verður broyttur, missir antennan styrki. Lindin skal senda við 105 MHz í Suðuroy, og tí kann antennan á Brúnaskarði brúkast til tað. Sagt verður við hesum frá, at á aðalfundinum hjá Javna tann 31. mars, varð fylgjandi yvirlýs- ing samtykt: Ásannandi stóru bú- staðarneyðina hjá menn- ingartarnaðum í Føroy- um í dag, átalar aðal- fundurin hjá Javna harð- liga hesi og heitir á av- varðandi myndugleikar landsins um, alt fyri eitt at taka henda trupulleika upp til viðgerðar og miðvíst at arbeiða fram ímóti, at menningartarn- að fáa mannsømulig íbúðarkor at liva undir. Í áliti frá Javna um bústaðarviðurskifti hjá brekaðum í Føroyum ár 2000 verður staðfest, at samlaði tørvurin á bú- plássum til brekað runt landið tey komandi 10 árini eru 81 búpláss. Afturat hesum eru heili 87 búpláss, sum óvissa er um, og 25 har enda- liga ikki er mett um tørvin. Nýggjastu tølini um bráfeingis tørv á bú- plássum er í dag 30. Tað ið útint er á økin- um tey seinastu 20 árini er, at tey flestu menn- ingartarnaðu eru flutt av Eirargarði 14-16 í smærri stovnar og sam- býlir. Afturat hesum er 1 sambýli komið í Vági og 1 í Runavík. Alt ov lítið er gjørt fyri at útvega menningartarnaðum bú- stað uttan fyri foreldra- heimið. Framdu tiltøkini nøkta tí á ongan hátt tørvin og eigur at verið farið til verka beinanvegin, tá verandi støða er ótolandi fyri tey menningartarn- aðu og avvarðandi teirra. Yvirlýsing frá aðalfundinum hjá Javna Lindin biður um størri styrki – Vit hava søkt um loyvi at senda við 1000 watt á Brúnaskarði, og fáa vit loyvi til tað, fara vit at hoyrast nógv betur í Norð- oyggjum og í Eysturoynni, sigur Preben Hansen, sum er nevnd- arformaður í Lindini