mikudagur 22. august 2007síða 18

22. august 2007 18 Pillar til Føroya høvuðsnavn Heini S. Kristiansen heinik@sosialurin.fo Fyrireikararnir máttu arbeiða skjótt fyri at fáa Pillar á Fjarðafestivalin, tá ið Brian Littrell gav avboð. Nógv vóru helst skuffað, tá ið tað frættist, at Brian Littrell, sum skuldi vera høvuðsnavnið á Fjarða­ festivalinum í ár, kortini ikki kemur til Føroya. Tó vóru tað fleiri, sum fegnaðust, tá ið tey hoyrdu, at fyrireikararnir hava fingið Pillar upp til Føroya í staðin. Pillar raka kanska ikki líka breitt sum Brian Littrell, men tað er eingin ivi um, at teir eru líka kendir í USA, og teir hava eisini fleiri fjepparar í Føroyum. Toppa á hittlistum Pillar, sum hava spælt síðani 1998, hava givið fýra fløgur út. Teirra seinna fløga ”Where Do We Go from Here” gjørdist beinan vegin eitt hitt millum krist­ in. Lagið ”Bring Me Down” var eisini nógv spælt á sekulariseraðum útvarps­ støðum, har ið teir toppaðu á fleiri hittlistum, og tá gjørdist Pillar eisini kent uttanfyri samkomuveggirnar. Pillar vórðu valdir til besta rokkbólk av lesarunum hjá CCM Magazine í 2006, og bæði sangarin og gittarist­ urin, Noah Henson og Lester Estelle Junior ávíkavist, hava móttikið heiðurslønir. Góðir live Bólkurin hevur spælt á fleiri festivalum, millum annað á Cornerstone Festivalinum í Kalifornia, har Braquet spældi í fjør, og teir sigast at hava sera góðar live­ framførslur. Eingin ivi er um, at tað er eitt stórt navn, sum fyrireik­ aranir av Fjarðafestivalinum hava fingið til klettarnar. Tað eru kanska serliga teir ungu dreingirnir, sum gleða seg til at hoyra teir. Heimskendi kristiliga rokkbólkurin Pillar skal framføra á Fjarðafestivali­ num. Teir hava móttikið heiðurslønir og hava verið nummar eitt á hittlistum. Harumframt sigast teir at hava sera góðar live­framførslur