hósdagur 23. august 2007síða 9

9 tíðindi Nr. 162 - 23. august 2007 Lærarar rýma Tað gongst illa hjá skúlamyndugleikunum í Reykjavík at fáa nóg mikið av lærarum til fólkaskúlarnar í býnum. Í summar hevur kommunan sett fleiri lærarar í starv, men kortini høvdu umleið 20 skúlar ov fáar lærarar, nú skúlarnir byrjaðu aftur fyrr í vikuni. Trupulleikin er sambært Morgunblaðnum, at nógvir íslendskir lærarar velja sær annað starv enn lærarastarvið, og høvuðsorsøkin tykist vera, at læraralønin er minni enn tað, sum kann fáasst aðrastaðni. Føroyski upplivingar­ búskapurin skal ikki bara byggjast á fiskitúrar, fugla­ veiðu, seglskip og onnur spennandi mannfólkaáhugamál, men eisini ull, tógv og føroyska kvinnumentan. Hetta heldur Maik­ en Steinberg, sum varð sett sum leiðari á Norðoya Kunningarstovu fyrr í vár Ferðavinna Dorit Hansen dorit@sosialurin.fo Leiðarin á Norðoya Kunn­ ingarstovu, Maiken Stein­ berg, ætlar sær at branda Klaksvík sum meira enn ein sjóvinnubý. Kvinnur og kvinnuáhugamál eru alt ov lítið sjónlig í føroysku ferða­ vinnuni eins og í føroyska samfelagnum sum heild, heldur hon. – Føroyska ferðavinnan osar av testesteron. Flestu ferðaleiðarar eru menn, ferðafaldarar eru skrivaðir av monnum, og fyrireikarnir av stevnum, festivalum og øðrum tiltøkum eru menn. Hetta ávirkar sjálvandi til­ boðini, heldur Maiken Steinberg. Í snotiligu hølunum hjá Norðoya Kunningarstovu liggja alskyns faldarar og lýsingar. Her verður lýst við seglskipatúrum, kaving og fjallatúrum, men nýggir faldarar um spinnarí og bindiskeið eru eisini at finna. Tá menninir handan Sjó­ mannadagin fyrr í summar innkallaðu til hugskotsfund, fór Maiken Steinberg við og spurdi, um tað ikki kundi vera onkur kapping við tógvi ella binding, tí Sjó­ mannadagurin var alt ov mannfólkafikseraður. – Tá eg segði hetta, hugdu teir bara undrandi og spurdu, hvat binding hevði við sjóvinnu at gera, sigur Maiken Steinberg flennandi og heldur fyri, at tað munnu vera fáir føroyingar, sum eru farnir til skips uttan at hava okkurt bundið plagg við. Í ár var so bæði hespu­ vinding og og mótasýning við skipstroyggjum, har gentur, sum høvdu verið við Næraberg gingu model. – Tey bæði fyrstu árini var boyuhopping einasta kapping fyri kvinnur. Hetta helt eg vera pínliga langt úti. Helvtin av manningini í Næraberg vóru kvinnur og nógvir góðir egnarar eru kvinnur, sigur Maiken Stein­ berg. – Vit kunnu eisini hyggja eftir standmyndunum í Klaksvík og aðrastaðni. Seinasta Sjómannadag var ein standmynd av tveimum monnum reist á gamla fiskastykkinum hjá Kjølbro. Men hvat gera tveir menn har, tað vóru jú mest kvinn­ ur, sum gjørdu hetta arbeiði, sigur Maiken Steinberg avgjørd. Í Klaksvík er hondarbeiðs­ skúli, vevskúli, spinnarí, fleiri bindibúðir, seymibúð­ ir og heimavirkir. Men hes­ in veruleiki sást ikki aftur í faldarum og lýsingum um Klaksvík, heldur leiðarin á Norðoya Kunningarstovu. – Eg veit ikki, hvør or­ søkin er. Kanska duga kvinnur ikki nóg væl at mar­ kera seg og halda seg fram­ at. Í Klaksvík hava vit Summarfestival, Sjóvinnu­ dag, Norðoyastevnu og Torradagar, men ongar kvinnur eru millum fyrireik­ arnar av nøkrum av hesum tiltøkum. Menn halda, at alt ber til og stúra ikki so nógv sum vit, sigur Maikens Steinberg flennandi. Ferðandi til hondarbeiði Í summar skipaði Norðoya Kunningarstova á fyrsta sinnið fyri enum upplivingar­ pakka, sum var bygdur á hondarbeiði. – Ein ferðastova spurdi, um vit kundu skipað fyri einum túri fyri eitt ameri­ kanskt ferðalið, sum hevði serligan áhuga í føroyskum hondarbeiði, serliga bind­ ing, og bóndahaldi. Eg helt hetta vera eitt óført hugskot fyri norðoyggjar, tí her er so nógv handaligt. Leiðarin á Kunningarstov­ uni setti seg saman við umboð fyri Vevskúla, Hond­ arbeiðsskúla og Spinnarí, og tær seymaðu so ein pakka saman, har ameri­ kansku gestirnir vitjaðu kreativu skúlarnir, spinna­ ríið og heimavirkið í Klaks­ vík og síðani vitjaðu í Syðra­ dali hjá Poulinu Joensen, sum bæði er bóndakona og hondarbeiðslærari. – Hetta riggaði ótrúliga væl, og ferðafólkini vildu næstan ikki av stað aftur, greiðir Maiken Steinberg frá, og ætlanin er at mennað hetta tilboðið víðari til næsta summar. Workshop í hondbinding Føroya Hondarbeiðsskúli skipar hetta vikuskifti fyri tveimum skeiðum í Klaksvík um hondbinding. Undirvísarin verður Christel Sayforth úr Fanø, sum arbeiðir sum bindidesignari. Á workshoppunum verða fyrilestar við myndum umframt undirvísing í hondbinding. Hetta er fyrstu ferð, at Christel Sayforth, sum er serliga kend fyri sína litviðgerð, er í Føroyum. Skeiðluttararnir koma úr øllum Føroyum. Ferðavinna bert fyri menn Klaksvík er annað enn fiskur, sigur Maiken Steinberg, leiðari á Norðoya Kunningarstovu. Hon heldur at kreativa kvinnumentanin ikki dugir nóg væl at føra seg fram