fríggjadagur 24. august 2007síða 15

Nr. 163 - 24. august 2007 15 Poul Jacob Hansen, eletrikari í Fuglafirði, fer til gravar úr Fugla­ fjarðar kirkju fríggja­ dagin klokkan 14. Tey, ið vilja minnast Poul Jacob, kunnu lata eina peningagávu til Fugla­ fjarðar kirkju. Konto í peningastovnunum. Martha Blaasvær Deb­ es, fødd Joensen, búsit­ andi á Argjum, andaðist í heiminum leygardagin 18. august, 74 ára gomul. Andlát og jarðarferðir nøvn Mánadagin 27. august verð­ ur Bergtóra Vágsheyg Nicla­ sen, vanliga nevnd Begga, í Klaksvík 90 ár. Begga er dóttir Joen Joen­ sen, vanliga nevndur Jógvan Segl og Henriettu Joensen. Tey fingu 9 børn. Begga er einasta av systkj­ unum, ið livir eftir. Hini systkini vóru: Andrea (f. 1907 d.1962), Jákup Pauli (Peili) (f. 1909 d. 1970), Anna Malena (f. 1911 d. 1990) , Eivind (f. 1913 d. 1915) , Jákup Øster (f. 1915 d. 1973) , Eivilda (f. 1919 d. 1985) , Ragnhild (f. 1922 d. 1990) og Asbjørn (f. 1925 d. 1981). Í 1947 giftist Begga við Jógvani Niclasen av Fløtti í Kunoy. Jógvan doyði í 1980. Tey eiga tríggjar døt­ ur. Tær eru: Anna, fødd í 1947, var gift við Mads Lüt­ zen, tey eiga synirnar Christoffer og Jógvan, sum búgva í Tórshavn. Anna doyði 5. juni í ár. Miðlinga­ systirin Henni, fødd í 1952, býr í Klaksvík og eigur dóttrina Ingun, sum býr við Langanes á Glyvrum. Yngst av systrunum er Jórun, fødd í 1956, sum er gift við Peri Jacobsen, tey búgva í Klaks­ vík. Begga er fødd á Vágs­ heygnum, har foreldur henn­ ara bygdu fyri hundrað árum síðan. Jógvan og Begga búsettust eisini á Vágsheygnum. Sostatt hev­ ur hon altíð búð á Vágsheyg­ num. Seinasta árið hevur Begga tó búð á Sambýlinum á Heygnum. Føðingardagin er hon at hitta í heiminum á Vágsheygnum frá kl. 12 til 16. J Eftir stutta sjúkralegu andaðist Hjørdis týsdagin 22. mai. Hon var 67 ára gomul, nú hon doyði. Tað er so stutt síðani, hon var her heima og fylgdi beiggja sínum, sum doyði av somu sjúku, sum hon sjálv. Tá visti ongin, at hon sjálv var sjúk. Hon sá gott út, var tann Hjørdis, vit kendu. Glað og lívsfrísk. Hjørdis fekk saman við okkum systkjunum ein góðan og tryggan uppvøkstur í Jansagerði. Vit vóru tvær systrar, og gjørdi tað helst sítt til, at vit báðar komu at hava eitt sera nært og inniligt samband við hvørja aðra. Aldursmunurin gjørdi, at vit ikki rættuliga komu at kennast, fyrr enn unglingaárini vóru farin afturum. Tá Hjørdis vaks upp var vanligt at gentur, rættiliga ungar, fóru út at tæna. Soleiðis var eisini hjá henni. Hon arbeiddim.a. í »Dals«, var á støðini hjá Rikku, hoyggjaði í Myki­ nesi og var gongsgenta á Lands­ sjúkrahúsinum. Sum tjúgu ára gomul fór hon til Danmarkar, har hon fyrst arbeiddi á Hotel Hebron. Seinni fekk hon sær útbúgving sum sjúkrahjálpari og arbeiðið við gomul fólk kom at ger­ ast hennara lívsstarv. Frá barnsbeini av var hon tann lætta, glaða og lívsfríska smágentan. Hesi eyðkenni fylgdu henni alt lív­ ið. Henni dámdi so væl at upptraðka. Eg minnist nógvar sjónleikir har hon spældi við. Á arbeiðsplássinum spældi hon eisini, dugdi so væl at fáa eygað á tað stuttliga. Eisini dugdi hon so væl at herma og fáa látur í. Slíkir eginleikar eru gull verdir á einum arbeiðsplássi ­ tað ger alt so nógv lættari. Vit, sum hava sama arbeiði, vita, at tað kann vera langt ímillum tær stuttligu løt­ urnar. Í 1964 giftist Hjørdis við dananum Erik, sum hon møtti í Føroyum. Tey fingu fýra børn. Í Danmark høvdu vit báðar nógv saman. Ferðaðust suðureftir og vóru niðri, tá tey elstu børnini vóru fødd. Tá var mangan gott at hava hana at stuðla seg til. Á ellisheiminum í Vágum arbeiddu vit saman í nógv ár, og tá var bert eitt hanagleiv millum hús­ ini. Vit báðar vóru sum sagt sera góðar. Vit kundu skemta saman, gleðast um tað lítla saman og tá trupulleikar av ymsum slag stungu seg upp, var gott hava hvørja aðra. Tú vart tann eg kundi siga alt við, eisini tað, sum ikki bleiv sagt við onnur. Góða Hjørdis. Eg havi so ringt við at skilja, at tú ikki ert her meira. Samstundis eri eg sera takksomu fyri tey, hóast alt, nógvu ár vit fingu saman. Serliga takksom eri eg fyri at mær untist at vera hjá tær ta síðstu vikuna, tú livdi. Á sjúkrahúsi­ num høvdu vit nógvar góðar og inni­ ligar løtur saman. Sjálvt um eg syrgi teg sáran, so veit eg at Erik og børnini hjá tær syrgja enn meira um eina konu og mammu, sum gav teimum so nógv. Hvíl í friði góða systir. Edith Minningarorð um Hjørdis í Jansagerði Begga Niclasen 90 ár Tøkk Hjartaliga takka vit øllum tykkum, sum á ymiskan hátt sýndu samkenslu í stóru sorg okkara, tá elskaða dóttir, systir, svigarinna, mostir og fastir okkara Siri Davidsen Sørvágur andaðist og varð jarðað. Tøkk til Berg fyri troystarrík orð í kapellinum. Tøkk til Ingu Dam fyri eina vakra, hjartanemandi jarðarferð. Tøkk til sangarar, kirkjutænarar og gravarar. Tøkk til tykkum øll, sum hjálptu so væl til við jarðarferðini og ervinum. Tøkk til tykkum, sum komu inn á gólvið. Tøkk fyri blómur, kransar, heilsanir, gávur og uppringingar. Tøkk til tykkum øll, sum fylgdu henni til hennara seinasta hvíldarstað. Heilsan Foreldur og systkin við familju Tøkk Hjartaliga takk fyri sýnda samkenslu, tá ið okkara kæri pápi, verpápi, abbi og langabbi Hermund Hentze Hvalba andaðist og varð jarðaður. Tøkk til B8 á Landssjúkrahúsinum og tøkk til Henry D. Joensen fyri góð orð í Kapellinum. Tøkk til Jónsvein Bech prest, berarar, sangarar og kirkjutænarar. Tøkk fyri blómur, kransar, uppringingar og gávur. Tøkk til tykkum, sum bakaðu og tøkk til tykkum, ið hjálptu til við ervið. Tøkk til øll, sum fylgdu honum til hansara seinasta hvíldarstað. Familjunnar vegna Jórun, Jacob Pauli, Hartvíg, Esther, Poul Carl og Sára Uni Gullfoss, sum rekur Kondittaríið í miðbýnum í Havn, er úttikin til at døma í eini norskari kapping fyri kokkar, sum verður í Åle­ sund í Norra tann 30. august, tá tólv av teimum bestu kokkunum í Norra skulu dystast um norska meistaraheitið í kokkalist í Ålesund. Hvør fær norska meistara­ heitið ”Norgesmester i Kokkekunst 2007” verður avdúkað á »Den Norske Matfestival­ en«, sum verður í Ålesund frá 29. august til 2. sep­ tember. Tað er Norges Kokke­ mesteres Landsforening ið skipar fyri kappingini, sum hevur verið síðan 1990. Uni er 31 ára gamal og útbúgvin kokkur, hann hevur lært bæði í Danmark og í Føroyum. Hann var við til at stovna kokkafelagið í Føroyum, og í 2005 skipaði hann fyri eini ráðstevnu í Føroyum fyri kokkar í øllum Skandinavia. Í fjør var hann í Íslandi og dømdi í eina kokkakapping. Uni sigur, at hvørt ár verður eisini skipað fyri bæði EM og VM í kokkalist. Norges Kokkemesteres Landsforening er ein áhuga­ felagsskapur við limum úr øllum landinum, sum ar­ beiðir til frama fyri menning av kokkafakinum. Norges Kokkemesteres Landsfor­ ening eru eisini limir í WACS (Worlds Association of Cooks Society), sum er ein heimsumfatandi felags­ skapur fyri kokkar. Uni til Norra at døma Uni Gullfoss er úttikin til at døma í eini norskari kapping fyri kokkar, sum verður í Ålesund