mánadagur 27. august 2007síða 30

30 [ Nr. 164 - 27. august 2007 ] Skerdir til oddabrakið Komandi Formula-umfarið líkist í mangar mátar sann- leikans tíma. B36 og NSÍ eru í løtuni ájøvn í oddinum við 44 stigum hvør, og júst tey bresta saman við Løkin í Runavík komandi sunnu- dag. Men tað er ikki heilt frítt, at teir í B36 nú hugsa um, hvussu liðið skal set- ast saman til tann dystin. Umframt leikbannið, sum Jákup Mikkelsen fær fyri sítt reyða kort, hevur B36 eisini tvey onnur leikbann til trupla útidystin. Bæði Mikkjal Thomassen og Alex José dos Santos vóru á markinum undan dystin- um móti KÍ sunnudagin, og við hvør sínum gula korti standa teir báðir nú eisini á listanum yvir spæl- arar, sum ikki kunnu taka lut í komandi dystinum. -mørk 35 tímar uttan brots­ spark 2.115 minuttir ella 35 tím- ar og eitt korter. Somikið leingi skuldi KÍ bíða, áðrenn teir aftur fingu eitt brotsspark í sín lut. Seinast KÍ fekk brots- spark í landskappingar- dysti, var nevnliga tann 24. september í fjør, tá teir í 24. umfarinum av Formula- deildini vunnu 2-1 á NSÍ. Ta ferðina setti Atli Dani- elsen bóltin í meskarnar handan Jens Martin Knud- sen, men somu eydnuna hevði Heðin á Lakjuni so ikki, tá hann royndi seg móti Jóan Paula Jacobsen í B36-málinum í yvirtíðina av dystinum sunnudagin. Hagtølini í so máta eru tó bara galdandi fyri lands- kappingina. Í steypakapp- ingini fekk KÍ nevnliga brotsspark móti júst B36, tá teir tann 14. oktober spældu finaluna um løgmans- steypið móti B36. Eisini ta ferðina skoraði Atli Daniel- sen. Og so var talan sjálv- andi eisini um nógv brots- spørk, tá KÍ fyrr í ár tapti fyri Skála eftir brotssparks- kapping í kappingini um Løgmanssteypið. -mørk Ein kontroversiell útvísing av Jákupi Mikkelsen festi eld í Gundadal sunnudagin. Men við 10 monnum sýndi B36 mest sum ræðandi kropsliga styrki, hóast KÍ við misnýttum brotssparki var næst sigrinum Fótbóltur Jákup Mørk jakup@sosialurin.fo Tað er neyvan nakar ivi um, hvat kjakið snýr seg um, tá tosað verður um dystin í Gundadali sunnudagin. Reyða kortið, sum Jákup Mikkelsen fekk eftir 43 minuttum festi eld í sinnið bæði á og uttan fyri vøllin. Í fyrstu atløgu fekk Jákup Mikkelsen kort, tí hann kom rennandi út at siga dómaranum sína hugsan um tacklingina, sum Símun Joensen hevði givið Herbert í Lon Jacobsen. Jákup hevði tó ikki fingið orðið upp, fyrr enn fyrra gula kortið varð slongt eftir honum, og tá hann so segði sína hugsan um hetta, rak Petur Reinert málverjan av vøllinum. Dómarar hava ta reglu, at teir bíða 48 tímar, áðrenn teir úttala seg um dømingina í einstøku dystunum, og tí fekst Petur Reinert ikki at gera viðmerkingar. - Jákup veit væl, hví hann fekk reyða kortið. Annars havi eg ongar viðmerkingar fyrr enn mikudagin, var tað einasta, sum hann vildi siga um hendingina. Men heilt so sparin við orðunum var B36-venjarin, Kurt Mørk- øre, ikki. - Sum eg havi sagt. Tá dómarin hevur bestemmað áðrenn, hvør skal vinna dystin, so er tað forbannað ringt hjá B36 at gera nakað, segði hann við kyk- myndirnar hjá portalinum eftir dystin. Og fyri eygnavitnini tókt- ist talan í øllum førum vera um eina sera bráðsinta avgerð frá dómaranum. Eina avgerð, sum hann uttan iva hevur sínar orsøkir at halda fast í. Men sum samstundis gjørdi uppgávu hansara sein- astu 47 minuttirnar óneyð- uga trupla. Og í øllum førum ein avgerð, sum í ævir kann diskuterast sum vigan mill- um paragraff-ryttarí og pli fyri spælinum. Skil á KÍ Gjørdist upggávan truplari fyri dómaran, so gjørdist hon tað eisini fyri B36. Fyrri hálvleikur hevði í aðr- ar mátar gingið mest sum eftir vild hjá oddaliðnum. Við vanligu uppskriftini, har tol, trygt verjuspæl, hart arbeiði og kvikleikin hjá Sylla teljast millum týdn- ingarmestu komponentar- nar, tóktust teir enn einaferð stevna móti trimum stigum. Klaksvíkingar vóru vanda- miklir við deyðbóltum, men meira enn tað sama gjørdist tað ikki til, og tá Mikkjal Thomassen kanóneraði tvør- bólt frá Sylla í meskarnar úr 16 metrum, vendi alt rætta vegin. Sammett við KÍ-liðið, sum fyrsta partin av kapp- ingini var í svárari kreppu, so er skipanin á bláa liðnum í dag nakað nógv betri. Og tað gav eisini liðnum møgu- leikan at gagnnýta støðuna, nú teir vóru í yvirtali. Ikki minst tí innskiftingin av Denni Conteh, sum tó noyddist út eftir bert fimm minuttum, broytti uppstill- ingina til nakað, sum líktist 4-2-4. Við B36 í verjustøðu gjørdist talan frá fyrsta bríksli av seinna hálvleiki um trýst frá KÍ, og eftir 20 minuttum hevði hetta eisini kastað tvey mál av sær. B36 hevði annars hildið KÍ frá fatinum, men tá Ovi Nysted fyrst javnaði úr spískum og stuttari fjarstøðu, tótkist skipanin á liðnum eina løtu fara. Og tað gjørdi Clapson sær dælt av, tá hann fekk tí at snara sær, áðrenn hann við góðum skoti langaði bóltin í meskarnar. Ræðandi kropsstyrki At B36 kortini megnaði at stríða seg til eitt stig, hevur fyrst og fremst tvær orsøkir. Onnur var, at Kurt Mørkøre, sum annars eisini varð rip- aður út um girðingina í heitu løtuni fyri steðgin, spenti álopsbogan nógv. Í leitanini eftir sigrinum varð kompakta 4-5-1 uppstilling- in broytt til 3-3-3!, og hetta sendi undirhaldsvirðið í dystinum væl uppeftir baro- metrinum. Og hartil sýndi B36 eina mest sum ræðandi kropsliga styrki. Sum minuttirnir gingu, var tað fyrst og fremst KÍ, sum sýndi troytt- leikatekin. Ikki minst framdi Klæmint Matras eitt mest sum ófatuligt arbeiðs- avrik á miðvøllinum. Og saman við drúgvu Fróða Benjaminsen og Inga Høj- sted. Støðugt avbjóðandi Johan V. Gunnarsson og Santos og so sjálvandi hótt- anin frá Sylla kom B36 alt nærri útjavningini. Tá hendan kom, var talan tó um eitt brotsspark av tí heldur óneyðuga slagnum. Heldur enn at fremja frí- spark – og ivaleyst fáa sær gult kort – uttan fyri brots- teigin, royndi Kaj Ennigarð at tackla Sylla, tá hesin hevði runnið gøtumannin hjá KÍ av, og tað kostaði. Brotssparkið sendi Fróði Benjaminsen í netið, og so setti B36 øll segl til í roynd- ini eftir øllum stigunum. Tað var eisini um reppið, at hetta gav úrslit, men Kenneth Jacobsen var ikki nóg kaldur, tá Sylla hevði gjørt forarbeiði og stóð til reiðar at fáa bóltin aftur. Og ístaðin kundi KÍ so iðra seg mest. Í seinasta kontra-álop- inum skreiddi Herberg í Lon í fullari ferð beinini undan Kristoffur Jacobsen, og so var tað upp til Heðin á Lakjuni at skjóta øll stig- ini norðureftir. Jóan Pauli Jacobsen hevði tó lúrt KÍ- liðskiparan av, og so var tað ístaðin hann, sum fekk fagn- aðarrópini frá áskoðarunum eftir dystin. Hans var á beinkinum Hans Jørgensen var ein av ungu føroysku spælarunum, sum í summar fór til FCAmager at spæla. Um vikuskiftið var hann eykamálmaður hjá FC Amager í dysti í donsku 2. deild. Tað var um reppið, at boð vóru eftir Hans, tí málmaðurin hjá Amager fekk ein dyggan snudd undir dystinum, men hann helt tó fram at spæla. FC Amager misti síni fyrstu stig í hesum dysti, sum endaði við javnleiki, men liðið liggur framvegis fremst í deildini. Claus og teir taptu Sløk 25.000 fólk hugdu, tá ið Blackpool spældi á útivølli ímóti Wolverhampton í næstbestu ensku fótbóltsdeildini leygardagin. Blackpool stóð seg væl í trupla útidystinum, men mátti lúta 2-1. Fyrrverandi føroyski landsliðs- spælarin Claus Bech Jørgensen var á beinkinum, men hann varð sendur á vøllin tíðliga í seinna hálvleiki. Hetta var fyrstu ferð í 13 dystir, at Blackpool tapti. B36-KÍ 2-2 (1-0): Reyða kortið stjól myndina Landsliðsmálverjin trúði valla sínum egn KÍ B36