fríggjadagur 31. august 2007síða 10

10 tíðindi Nr. 168 - 31. august 2007 44 ára gamla Flogfelag Føroya skifti í dag navn til ”62° Norður”. Virksemið felagsins fevnir nú um ferðaskrivstovu, hotell, matstovu og bilútleigan. Øll hesi øki verða nú ment undir nýggja felags samleikanum FERÐAVINNA Eirikur Lindenskov eirikur@sosialurin.fo Í dag broytir Flogfelag Før­ oya navn til ”62° Norður”. Nýggja navnið skal verða nýggi samleikin hjá øllum virkseminum hjá felagnum, sum fevnir um ferðaskriv­ stovu, hotell, matstovu, bil­ útleigan og seinni eisini um incoming – at taka ímóti ferðafólki, sum koma til landið. Kent Christensen, stjóri í 62° Norður sigur, at styrkin hjá felagnum er breiða vift­ an av tilboðum. ­ Við felags samleika kunnu vit øll kenna okkum sum part í eini størri eind, og á tann hátt kunnu vit eft­ ir míni sannføring betur draga í felag, sigur Kent Christensen. Hann vísir á, at um eitt av teimum tilsamans 70­80 starvsfólkunum t. d. sær, at ein av útleigubilunum stend­ ur punkteraður, so er tað skyldan hjá starvsfólkinum at hjálpa. Í komandi ári verður virk­ semið hjá 62° Norður víðk­ að við eisini at fevna um eina incomingskrivstovu, sum skal taka ímóti ferða­ fólki, sum koma til landið. Í dag er bert tann eina incoming ferðaskrivstovan, GreenGate. Hotel Vágar og matstovan Rio Bravo, sum felagið eisini eigur, verða komandi tíðina umvældar. Spurdur um Rio Bravo verður at kenna, sum hon altíð hevur verið, svarar Kent Christen­ sen, at bæði hotellið og mat­ stovan fara at skifta navn. ­ Vit umhugsa ymsar møguleikar við Rio Bravo – tí tað skal verða okkurt, sum dregur ferðafólk at sær. Vit vilja fegin finna eitt slag at matstovu, sum um summarið serliga leggur seg eftir ferðafólkum, men sum um vetur fyrst og fremst verður til føroying­ ar. Tað var fyrr í ár, at teir tríggir, Kent Christensen, Dánjal Jákup Andreasen og Tummas Christoffersen keptu flogfelagið, sum upp­ runaliga varð stovnað í 1963 – eldsálin øll árini var Lars Larsen, sum var ímyndin av flogferðslu í Føroyum. Sum nakað nýtt fer 62° Norður hvønn fríggjadag at hava eina síðu í Sosialinum við einum góðum ferðatil­ boð. Har verður greitt frá einum ávísum ferðamáli, og hvussu hetta kann leggj­ ast til rættis. Hesaferð er tal­ an um eina ferð til Azor­ urnar í heystfrítíðini. ­ Hetta er sjálvandi fyri vísa kundunum, hvussu tey kunnu sleppa til eitt ávíst ferðamál. Tað kann nú verða, at hetta ikki er júst tað, tey ætla, men so er bara at koma at tosa við okkum um eitt tilsvarndi tilboð onkra aðrastaðni, so leggja vit tað til rættis, greiðir Kent Christensen frá. – Vit koma seinni við tilboðum so sum skíðferðir, ferð til Fjareystur, safaritúrur til Afrika o. s. fr. Umframt skrivstovuna í Gundadali í Havn hevur felagið eisini eina skrivstovu á flogvøllinum. Hendan skrivastovan er nú ein bein­ leiðis ferðaskrivstova, með­ an uppgávurnar fyrr vóru at avgreiða flogferðafólk. ­ Hetta hevur so eisini ført við sær, at vágafólk hava sína egnu ferðaskriv­ stovu, og tað hava vit eisini longu merkt, sigur Kent Christensen. Felags samleikin er eyðkennið Fornminnisfelag í 25 ár Liðin eru nú 25 ár síðani fólk á Eiði tók stig til at stovna eitt fornminnisfelag í bygdini. Ætlanin er nú at hátíðarhalda henda dagin, og verður tað gjørt við eitt forvitnisligt tiltak í ítróttarhøllini á Eiði í morgin. Á skránni fyri tiltakið, sum byrjar kl. 14, er bæði framsýning, tónleikur og annað. Sagt verður, at øll eru hjartaliga vælkomin til tiltakið. Tiltak fyri juniorar Komandi mánakvøld verður byrjað aftur við juniormøtunum í Meinigheitshúsinum í Havn. ­ Hetta verður eitt mega stuttligt kvøld, siga stigtakararnir til spennandi tiltakið. Ætlanin er, at tey skulu hugna sær saman, spæla okkurt, syngja nakrar sangir, hava eina andakt og síðani eta okkurt lekkurt. Tiltakið vendir sær til øll, sum ganga í 5. til 7. flokk. ­ Vit vóna, at nógvir juniorar fara at møta upp, verður sagt. Juniormøtini byrja mánakvøld kl. 19. Gamla navnið, Flogfelag Føroya, var í dag skift út við nýggja navnið 62° Norður Mynd: Álvur Haraldsen