fríggjadagur 7. september 2007síða 4

4 tíðindi Nr. 173 - 7. september 2007 Um mánaðarskiftið skal Smyril í dokk og hann verður úr sigling í einar fimm ella seks vikur SuðuroyarSigling Áki Bertholdsen aki@sosialurin.fo Nú verða suðuroyingar og øll tey, sum skulu ferðast ímillum Suðuroy og Havn­ ina, noydd at vinka farvæl við Smyril. Og tað verður í fleiri vik­ ur, at ferðafólk noyðast at lata sær lynda, at ongin Smyril verður. Orsøkin er tann, at nú skal flaggskipið hjá Strand­ ferðsluni í dokk og har fer hann at standa upp á turrum í fleiri vikur. Tað verður akkurát um mánaðarskiftið septembur­ oktobur, ella um góðar tríggjar vikur, at Smyril skal í dokk. Strandferðslan hevur gjørt avtalu við eina skipa­ smiðju í Landskrona í Svø­ ríki um at taka Smyril í dokk. ­ Fyribils hava vit sagt, at tað fer at taka tríggjar vikur at gera tað, sum er at gera við Smyril, sigur Regin Vágadal, stjóri á Strand­ ferðsluni. Men hann leggur afturat, at av royndum veit hann, at tað fer at taka nógv longri og sjálvur metir hann, at tað heldur fer at taka eina fimm, kanska seks vikur, áðrenn Smyril verður liðug­ ur. Sostatt skulu vit ikki vænta at síggja Smyril aftur ímillum oyggjarnar fyrrenn um hálvan novembur. Nú Smyril skal í dokk, eru tað ymsar ábøtur, sum skulu gerast, umframt tað kravda botnsýni og annað eftirlit, sum Skipasýnið krevur. Eitt nú skal eisini tey brekini gera, sum koma undir garantiskylduna hjá Skipasmiðjuni, sum bygdi skipið og sum skipasmiðjan sostatt skal hefta fyri. ­ Í øllum førum kann eg siga, at klára sviar at gera smyril lidnan upp á fýra vik­ ur, høvdu vit verið serstak­ liga væl nøgd, sigur Regin Vágadal. Men so skal hann siglast heim og gerast sigl­ ingarklárur aftur, so væntast kann, at hann verður burtur í seks vikur. Avloysarin klárur Ímeðan Smyril er í dokk, verður tað estlendska ferjan, St. Ola, sum skal røkja Suð­ uroyarsiglingina. Hann er áleið sama slag sum gamli Smyril og hevur stabilisatorar. Hann hevur verið í Føroyum fyrr og avloyst Smyril, so ferðafólk­ ið kennir hann og hann hev­ ur roynst væl. Hann siglur tó nakað seinni enn gamli Smyril gjørdi og tí verður vent aftur til gomlu ferðaætlanina hjá Smyrli ta tíðina St. Ola er her. Avtalan við estlendska reiðaran er, at St. Ola kann heintast tann 25. september og ætlanin er at taka hann heim beinanvegin, sigur Regin Vágadal. Tað tekur einar tríggjar dagar at sigla hana heim og tveir dagar at gera hann siglingarkláran, so tað verður um mánaðarskiftið, at Smyril ferð. Vilja finna orsøkina Eitt tað mest álvarsliga brek­ ið, sum skal umvælast, eru stabilisatorararnir, sum fóru í vár, men sum tað eydnaðist at umvæla fyribils, so at teir skuldi halda, til Smyril fer í dokk. ­ Serfrøðingar frá verk­ smiðjuni eru til reiðar á svensku skipasmiðjuni, tá ið Smyril kemur í dokkina og tá er ætlanin at kanna stabilisatorararnir gjølliga. ­ Ætlanin er tá at umvæla teir, so at teir halda. Men ber tað yvirhøvur til, er eisini ætlanin at finna orsøk­ ina til, at teir fóru og tað eru hesi viðurskifti, sum serføðingarnir eisini skulu kanna, sigur Regin Vága­ dal. Smyril skal aftur í dokk um tvey til hálvttriðja ár. Les eisini greinina: Fær 2,6 milliónir í endurgjaldi fyri Smyril. Skipasmiðjan, sum bygdi Smyril, hevur nú goldið Strandferðsluni endurgjald fyri tey arbeiði, sum ikki eru nóg væl úr hondum greidd Smyril Áki Bertholdsen aki@sosialurin.fo Skipasmiðjan, sum bygdi Smyril, hevur nú viður­ kent, at ymsir partar av arbeiðnum eru ikki nóg væl úr hondum greiddur. Núr Smyril skal í dokk um mánaðarskiftið sep­ tembur­oktobur var ætl­ anin, at øll tey brekini skuldu umvælast, sum koma undir garantiskyld­ una hjá skipasmiðjuni og sum Skipasmiðjan sostatt skuldi gjalda fyri. Regin Vágadal sigur, at Strandferðslan hevur ein langan lista yvir ymisk viðurskifti umborð á Smyrli, sum Skipasmiðjan, ið bygdi skipið, ikki hevur greitt nóg væl úr hondum og sum hon sostatt skuldi hefta fyri, tí skipið er so nýtt. Men Strandferðslan og skipasmiðjan í Spania eru komin á samt um, at ístðain fyri at Skipasmiðjan skal gjalda fyri ábøturnar, skal Strandferðslan heldur fáa eitt endurgjald fyri tey brek, sum eru. Afturfyri sleppur skipa­ smiðjan so undan garanti­ skylduni og sostatt er hon nú leys av Smyrli. Regin Vágadal sigur, at endurgjaldið er 350.000 evrur ella tilsamans 2,6 milliónir krónur, sum Strandferðslan fær í end­ urgjaldið frá Skipasmiðj­ uni fyri tey viðurskifti á Smyrli, sum ikki eru nóg væl úr hondum greidd. Afturfyri er skipasmiðj­ an nú leys av sínum garantiskyldum og aftur fyri skal Strandferðslan átaka sær at gjalda fyri tær neyðugu umvælingarnar. Hann sigur, at talan er um eini 100 punkt, sum Strandferðslan hevði kravt, skuldi koma undir garantiskylduna hjá Skipa­ smiðjuni, men sum hon nú hevur fingið endurgjald ístaðin fyri. Men hann sigur, at talan er ikki um álvarslig brek. Eitt brek, sum er sjónligt, er, at tað lekur um onkrar rútar og at onkrir rútar eru brotnaðir. Men so eru eisini onnur brek, sum eru minni sjón­ lig og hurðar skulu skiftast og annað. Les eisini greinina: Suð­ uroyingar missa Smyril í fleiri vikur. Fær 2,6 milliónir í endurgjaldi fyri Smyril Suðuroyingar missa Smyril í fleiri vikur Hendan ferjan, St. Ola, úr Estlandi skal røkja suðuroyarsiglingina í einar fimm, seks vikur í oktobur og november, tá ið Smyril er í dokk. Hon er sum gamli Smyril og tí verður vent aftur til gomlu ferðaætlanina, ta tíðina, hon er her og sostatt missa suðuroyingar eisini nakrar túrar hesa tíðina Stanley á ferð við trio Stanley Samuelsen og gittar­ og sangtrio hansara Acoustica fer um mánaðarskiftið komandi á konserferð, ið byrjar í Føroyar. Fyrsta konsertin er fríggjakvøldið 28. september í Atlantis, dagarnar eftir eru Ribarhús og Norðurlandahúsið á skránni. Áðrenn konsertir verða spældar í Roskilde, Tisvilde, Hillerød, í Føroya Húsinum í Keypmannahavn í Warzawa, og á einum festivali Litava. Strandferðslan hevur nú fingið endurgjald fyri tey brekini, sum eru umborð á Smyrli og sostatt er skipasmiðjan í Spanina nú leys av skipinum