fríggjadagur 7. september 2007síða 6

6 tíðindi Nr. 173 - 7. september 2007 Fólk í øllum aldrum høvdu leitað sær í Miðlahúsið miku­ kvøldið, har greitt varð frá um nýggja íløguspælið. Meðan tey yngru fegin vilja duga at gera íløgur, tá tey einaferð koma til pengar, so síggja tey tilkomnu íløgur sum ein møguleika til pensjónina Íløguspæl Hilmar Simonsen hilmar@sosialurin.fo Tað skilst á øllum brøgdum, at tað ikki bert eru hugsjón­ arligir handilsskúlanæming­ ar, ið hava áhuga fyri íløgu­ spælinum hjá Kaupthing og Sosialinum. Tað er greitt, nú bert 3 dagar eru eftir til íløguspælið fer av bakka­ stokki. Mikukvøldið varð skipað fyri kunnandi tiltaki og hugnakvøldi í Miðla­ húsinum í Vágsbotni, har útvið 150 fólk høvdu funnið sær vegin fram. Lagt varð út klokkan átta við tónleiki frá Guðrið Hansdóttir, síð­ ani varð greitt frá um íløgu­ spælið og harnæst framløga hildin um partabrøv. Eisini bar til at fáa ein forsmakk upp á íløguspæli, tí teldur vóru settar upp, har ein kundi royna seg. Tiltakið vardi í umleið ein tíma. Í skrivandi stund hava umleið 850 meldað seg til íløguspælið, sum er á www.ilogur.fo. Eggja ungfólki at hugsa um eftirløn Fólk í øllum aldursbólkum vóru møtt upp, ung sum til­ komin, og hetta avsannaði einhvønn mistanka um, at tað bert eru tey ungu, sum tíma at spæla sovorðið á alnótini. Ein av fyrireikaru­ num, Reimund Langaard, sølumaður hjá Kaupthing, heldur, at tey tilkomnu í stóran mun hugsa um pen­ sjónina, tá tey gera íløgur í partabrøv, og í so máta kann hetta spælið vera við til at geva teimum nakrar góðar ábendingar. Ivasamt er hin­ vegin, hvussu nógv tey yngru hugsa um eftirlønina, men tey hugsa kanska meiri um at læra seg at gera løn­ andi íløgur, tá tey í fram­ tíðini fáa pening millum hendurnar. ­ Eg havi varhugan av, at skúlanæmingar og ung fólk í heila tikið, sum ikki hava so nógvan pening í løtuni, fegin vilja læra seg kynstrið at seta pengar í skilagóðar íløgur, sigur Reimund Lang­ gaard. Hann afturvísir kortini ikki, at tað eisini er ein ávís­ ur spenningur í at keypa partabrøv, og at hetta kann fáa adrenalinið í gongd hjá nógvum, eins og onnur spøl, sum snúgva seg um pening. Hinvegin ynskir Kaup­ thing eisini at vekja áhugan hjá teimum ungu, tá tað kemur til eftirløn. ­ Eg veit ikki hvussu nógv yngra ættarliðið hugs­ ar um eftirløn, men vit vilja heilt víst eggja teimum til at gera sær tankar um hesi viðurskifti, sigur Reimund Langaard. Ein íløguskúli Eingin ivi er um, at hetta ikki bara er eitt spæl, men harafturímóti ein íløguskúli, har ein kann venja seg við at keypa og selja partabrøv og taka kjansir, uttan tó at seta sínar ognir upp á spæl. Hetta er eitt slag av ”learn­ ing by doing”. Íløgutíðarskeiðið hevur nógv at siga, tá tað kemur til partabrøv, og tá tosað verður um eitt íløgutíðar­ skeið upp á eitt longri ára­ mál, so er stórur møguleiki fyri at fáa meiri burtur úr partabrøvum enn vanligum innláni í peningastovni. Teir tríggjar mánaðirnar íløguspælið varir, frá 10. september til 10. desember, fer Sosialurin at koma við bakgrundstilfari og seta fokus á íløguspælið. Ætlan­ in er at hava fastan tátt við grein/um og tilfari í hvørj­ um mánadagsblaði og ann­ ars aðrar tíðir, tá okkurt áhugavert hendir. Kórvenjing við Gøtugjógv Felagskórið Gøta/Leirvík byrjar venjingarnar aftur týskvøldið 11. September í gamla skúlanum við Gøtugjógv. Í kórinum er umleið 30 fólk í ymsum aldri .Sum tíðin er gingin er tað eftir hondini fleiri og fleiri úr øðrum bygdum enn Gøtu og Leirvík, ið hava valt at syngja við kórinum. Tað hevur gjørt at kórið hevur havt ætlanir um at finna eitt navn, ið ikki er staðbundið, men enn er ikki komið víðari við tí málinum. Kórleiðari í ár verður 37 ára gamli Petur Martin Johannesen, úr Klaksvík. Petur Martin er útbúgvin og hevur arbeitt sum organistur í Oslo. Fyri stuttum er hann fluttur til Føroya og undirvísir í dag í orgulspæli í Føroya Musikkskúla Seinkað dreymaflogfar Amerikanska Boeing verksmiðjan hevur boðað frá, at royndarflúgvingarnar av nýggja 787 Dreamliner flogfarinum verða seinkaðar í tríggjar mánaðir. Talan er um flogfar, sum er munandi lættari enn vanligu aluminumsflogførini, og sum tí brennur munandi minni enn verandi flogførini. Í fráboðanini sigur Boeing, at seinkingin stavar frá seinkanum í arbeiðinum við serliga Flight­ control forritinum, og tí felagið hevur undirmett arbeiðið at framleiða serligu besløgini, sum skulu halda skrokkinum saman. Kunningartiltak um íløguspæl væleydnað Henny á Líknargøtu greiðir frá um íløguspælið Reimund Langgaard greiðir frá møguleikunum Guðrið Hansdóttir undirhelt í Miðlahúsinum hetta kvøldið Allir aldursbólkar vóru umboðaðir á kunningartiltakinum mikukvøldið