mánadagur 10. september 2007síða 26

[ Nr. 174 - 10. september 2007 ] Ein av orsøkunum til, at nýggja ættarliðið av kvinnuligum fótbóltsspælarum í Klaksvík stendur seg væl, er, at genturnar venja nógv og spæla meira fótbólt í frítíðini KÍ KVINNU­ FÓTBÓLTUR Jákup Mørk Enn hevur KÍ ikki tryggjað sær 8. FM heitið á rað í kvinnufótbólti. Men á øll­ um brøgdum í Klaksvík leygardagin sást tað, at 2­2 millum KÍ og B36 fer at bera við sær, at KÍ rættuliga sannlíkt verður meistari, og at B36 eftir øllum at døma ikki verður meistari. Tær bláu í KÍ og trúføstu viðhaldsfólkini, sum altíð stuðla, stórfegnaðust, og tær hvítu og svørtu í B36 sóu út sum um, at tær høvdu mist FM heitið á stokkinum, eftir at tær eina løtu vóru frammanfyri 2­0. Hálvan tíma undan dystar­ loki kom KÍ ferðalag úr høvuðsstaðnum. Tað vóru gentur 10­12 ár, sum saman við nógvum viðhaldsfólkum komu av Argjum, har KÍ hevði tryggjað sær FM heitið frammanfyri AB og HB, sum vunnu ávikavíst silvur og bronsu, meðan B36 endaði á fjórða plássi. 14-17 vunnu eisini Hetta var annað FM heitið, sum KÍ í síðstu viku tryggj­ aði sær í kvinnudeildunum. Fríggjakvøldið varð greitt, at gentur 14­17 ár hjá KÍ eru FM vinnarar. Tær fingu handað steyp og gullkrónur. Tær skuldu havt spælt síðsta dystin fríggjakvøldið, men Royn hevði givið avboð. Hetta er fyrsta FM heitið hjá KÍ gentur 14­17 ár síð­ ani 1997. Ta ferðina vóru tað fleiri av teimum, sum hesi seinastu sjey árini hava vunnið gull í 1. deild, ið vóru á FM liðnum í gentur 14­17 ár. Venjari hjá gentu­ liðnum er Rannvá Andrea­ sen, sum var millum meistar­ arnar í 1997, og sum síðani hevur verið ein tann besti kvinnuligi fótbóltsspælarin í landinum. Fleiri av FM vinnarunum í gentur 14­17 ár vóru á 1. deildarliðnum, sum leygar­ dagin stríddist ímóti B36. Ása Thomsen og Sigrid Jacobsen vóru millum tær fyrstu ellivu, og Olga Krist­ ina Hansen, sum í summar flutti úr AB og til KÍ, er vorðin ein av lyklaspælar­ unum hjá KÍ. Millum aðrar á gentuliðnum, sum longu hava roynt seg í fremstu røð, eru Liljan Jacobsen og málverjin Olga Olsen. Stórur áhugi og góð evni Bára S. Klakstein er ein av royndastu kvinnuligu fót­ bóltsspælarunum í Klaks­ vík. Hon var ikki á KÍ lið­ num ímóti B36 leygardagin. Orsøkin var tann, at Bára er venjari hjá gentur 10­12 ár, og hon valdi framtíðina framum at vera við í sera avgerandi dystinum ímóti B36. ­ Áhugin millum gentur í Klaksvík at spæla fótbólt er stórur, og hjá mær er eingin ivi um, at nýggja ættarliðið er væl betri fyri, enn vit vóru. Tær hava betri bólt­ førleika, og tær hava betri skil fyri fótbóltsspælinum. 35 gentur venja tvær ferðir um vikuna, og harafturat hava vit eina eyka venjing við teimum 12 á a­liðnum, sum vunnu FM leygardagin. Onkrur av teimum hevur verið meistarar fimm ferðir, onkrar fýra ferðir, og onkrar aðrar hava vunnið trý tey seinastu árini, greiðir venj­ arin frá, og so leggur hon afturat: ­ Genturnar eru hugagóð­ ar at venja, og tað hevur eisini nógv at siga, at felagið ger burturúr kvinnu­ fótbóltinum. Men harafturat hevur tað stóran týdning fyri menningina, at tað nú er heilt vanligt, at gentur spæla fótbólt á spæliplássum og sparkivøllunum í frítíð­ ini. Jógvan bleiv nummar fýra Tað eydnaðist sunnukvøldið føroyska Jógvan K. Glerfoss at enda sum nummar fýra í danmarksmeistaraheitinum í poker, og harvið vinna sær 319.000 krónur. Fyri lítlari løtu síðan reyk føroyski Jógvan K. Glerfoss úr DM í poker, sum í hesum døgum verður hildið í Casino Copenhagen. Her setti hann punktum á eitt frálíkt avrik, sum við einum fjórða plássi hevur tjent honum 319.000 krónur. Tað gekk eitt sindur aftur og fram hjá Jógvani, men júst áðrenn hann reyk úr, hevði hann vunnið sær eina rúgvu av kipsum. Hesi øll misti hann tó løtuna seinni, tá ið hann fór all in við par damu, og var óheppin at møta einum pari av kongum, sum sendu hann úr kappingini. Vinnarin av kappingini fær 1,2 milliónir krónur. Vunnu á Danmark Føroyska U­17 landsliðið í flogbólt hjá gentum vann í gjár landsdystin ímóti Danmark 3­2. Føroyska U­17 landsliðið í flogbólt hjá gentum, sum í hesum døgum er í Finnlandi , har tær kappast um Norðurlendska Meistaraheitið, vann í gjár landsdystin ímóti Danmark 3­2. Føroysku flogbóltgenturnar komu afturút 2­0 í settum tá tær taptu tvey tey fyrstu settini 25­17 og 25­17. Men føroysku genturnar komu rættiliga fyri seg í triðja og fjórða setti, sum tær vunnu ávikavist 25­25 og 25­16. Fimta og avgerðandi settið gjørdist sum tann besti ræðufilmurin, men føroysku U­17 flogbóltsgenturnar vunnu 15­13 og harvið dystin 3­2 á danska landsliðnum. Føroysku flogbóltsgenturnar spæla í dag ímóti Íslandi. Eisini U­17 dreingirnir leiktu landsdyst í gjár, men teir taptu 3­0 ímóti finska liðnum, sum er tað sterkasta í kappingini. Eisini teir spæla ímóti Íslandi í dag. Liðini verða aftur í Føroyum mánadagin. Førleikin og fatanin eru betri KÍ er føroyameistari hjá gentum 14-17 ár. Aftan frá vinstru: Tove Sólheyg, Olga Kristina Hansen, Marjun Purkhús, Katrin Johannesen, Julia Gunnarsdóttir, Adelheid Olsen, Sigrið Jacobsen, Bjørg Klakkstein, Vár-Jenny Lydersen, Rannvá Andreasen, venjari. Framman frá vinstru: Joan Danielsen, Sølva Andreasen, Ása K. Thomsen, Olga F. Olsen, Malan Heinesen, Kristina Jacobsen, Rannvá Poulsen og Liljan Jacobsen KÍ er føroyameistari hjá hjá gentum 10-12 ár. Aftan frá vinstru: Bára S. Klakstein, venjari, Sigrun Sirdal, Ása Klein Olsen, Annika Klakkstein, Mina Sirdal, Maria K. Thomsen, Elinborg Olsen og Tove Sólheyg, venjari. Framman frá vinstru: Katrina Akursmørk, Eyðvør Klakstein, Lydia Marsten, Anita Gregersen, Tina Joensen og Ásla Johannesen 26