týsdagur 11. september 2007síða 15

Nr. 175 - 11. september 2007 15 Andlát og jarðarferðir nøvn Á hesum síðum bera vit tíðindi um merkisdagar, so sum rundar føðingardagar, brúdleypsdagar, starvssetanir o.t. nøvn SAMBAND MAgNuS guNNArSSoN MAggi@SoSiAluriN.fo tlf 341800 fAx 341801 Kistan við Karen Gregoriussen, Tórshavn, fer úr Vesturkirkjuni mikudagin kl. 14. Bønarhald verður í Vesturkirkjuni í dag kl. 17.00 Helga Djurhuus, ættað úr Miðvági, búsitandi í Havn, andaðist á Láargarði mánadagin, 94 ára gomul. Jarðarferðin verður lýst seinni. Andlát og jarðarferðir Í dag, týsdagin 11. sep­tem­ ber, fyllir starvsfelagi okk­ ara á Sosialinum, Leo Poul­ sen, up­p­vaksin og búsitandi í Nólsoy, fimmti ár. Vanligt er, tá orð verða søgd um fólk, ið hava merk­ isdagar, at byrja við byrj­ anini. Men í dag fara vit at byrja við tí, sum Leo fæst við í dag. Í nógv ár hevur hann fingist við journal­ istiskt arbeiði, tey nógvu árini í Dagblaðnum. Leo byrjaði á Sosialinum 12. mars í ár. Hann hevur verið trúgvur, dugnaligur, nærlagdur og hevur lagt nógv fyri hesa tíðina, hann hevur verið ein p­artur av journalistisku manningi á blaðnum. Nú hann fer um tey fimmti, er hann staddur í USA, men tað er ikki tí, at vit hava sent hann yvir hagar at skriva frásagnir um hin tiltikna 11. sep­tember, ið skakaði alt USA og stór­ an p­art av heiminum við. Mostir Leo giftist í sínari tíð yviri í USA, og tí eigur hann systkinabørn við familju har yviri, sum hann nú er farin at vitja og heldur føðingardagin saman við. Áðrenn hann fór, helt Leo skemtandi fyri, at hann var biðin um at hava nøkur røst seyðarhøvd við yvir til Bill Gates – ella kanska fóru teir báðir bara eftir hav­ hestaungum, nú tann tíðin er. Skemtiligur kann hann vera sum fáur – og ikki und­ ur í, at hann og bygdamaður hansara, Aksel, á sinni gjørdust stuttligastu menn í Føroyum í kap­p­ing við aðr­ ar stuttligar føroyingar. Leo og Liljan giftust, tá tey vóru blaðung, men fyri nøkrum árum síðan dróg sundur teirra millum. Tey eiga døturnar, Tanju og Jeanne, sum báðar eru vaksnar. Tað var ein bilsin og fegin starvsfelagi, sum seint í summar fortaldi okkum, at døturnar høvdu givið sær eina ferð yvir til USA í føðingardagsgávu, nú hann fór at runda tey hálvt­ hundrað í heyst. Leo er sonur Anfinn og Merry Poulsen í Nólsoy. Abbin í faðirættini var Kjeld, vanliga róp­tur Kjeld í Nugga, og ommuna róp­tu vit Lolla. Hon var av Lítlaheygsættini í Hósvík, haðani langomma mín, Elsp­a, eisini var. Tær báðar vóru systrar, sum giftust út til Nólsoyar. Hóast vit næstan eru javngamlir, havi eg onkuntíð argað Leo við, at hann er eitt heilt ættarlið eldri enn eg! Foreldrini hjá Leo eins og abbin í faðirættini fing­ ust við handilsligt virksemi. Tá vit vóru smádreingir, høvdu tey saltfiskakjallara í bygdini, sum í tíðarskeið­ um, tá útróður var, gav ar­ beiði til fleiri hendur. Tey høvdu handil, og Anfinn gjørdist eisini ein av frægu reiðarunum í Nólsoy í sínari tíð. Leo átti tvey onnur systk­ in – Unu, sum er deknur við Nólsoyar kirkju og Eskild, sum doyði fyri nøkr­ um árum síðan. Liðgur við barnaskúlan í Nólsoy, fór Leo til Havnar í framhaldsskúla og haðani á studentarskúla í Hoydølum, har hann seinni gjørdist studentur. Í fleiri ár var Leo ein av grundstuðlunum undir Dag­ blaðnum, har hann bæði skrivaði og seinni eisini fekst við at seta blaðið up­p­ og gera tað klárt til p­rent­ ingar. Starvsfelagar hansara vóru eitt nú Óla Jákup­ Ról­ antsson, Christian Andrea­ sen, sum í dag er kendur løgfrøðingur – og so Óli Breckmann, sum í mong ár var blaðstjóri og krump­tap­p­­ urin í øllum, sum hevði við Dagblaðið at gera. Leo arbeiddi eisini hjá Poul Hansen, heilsølu, í fleiri ár. Í nøkur ár tók hann sær av at p­renttilgera FF­blaðið, sum Føroya Fiskimanna­ felag gav út. Her høvdu vit eitt sera gott samstarv. Eitt skifti hjálp­ti eg honum at skriva mánaðarblaðið Land & Fólk, sum hann gav út nakrar ferðir, og eisini her var samstarvið fyrimyndar­ ligt. Seinnu árini hevur hann fingist við ymiskt fyrifall­ andi, og eitt nú var hann við til at byggja nýggja havna­ lagið í Nólsoy fyri fáum árum síðan. Hann hevur eisini roynt seg sum útróðrarmann um­ borð á útróðrarbátinum Tóru, sum Rúni og Bárður eiga. Flestu, sum ikki kenna Leo frá blaðskriving, munnu hava hoyrt navnið nevnt í samband við fótbólt, har hann í fleiri ár var ein av áleyp­arunum í bestu deildini hjá B36 og seinni eisini hjá LÍF. Sum yngri minnist eg, at hansara favoritlið í ensku fótbóltskap­p­ingini var Leeds, men síðan liðið er dottið niður ímillum, hevur minni verið at hoyrt um hetta. Vit eru sera fegin um at hava fingið Leo til ein av okkara starvsfeløgum á Sosialinum. Tað liggur sera væl fyri hjá honum at skriva, og hann er ikki bang­ in fyri up­p­gávum – hvørki kendum ella ókendum. Hann hevur eitt serligt hegni til at lýsa málini við orðum, sum øll skilja og kunnu lesa. Við hesum fáu orðum ynskja vit starvsfelaga okk­ ara hjartaliga tillukku við degnum og ynskja honum eina góða ferð handan hav. -vilmund. Leo Poulsen fimmti Tøkk Hjartaliga takki eg øllum, sum á ymiskan hátt mintust meg á 70 ára føðingardegnum tann 28. august. Ferdinand Tøkk Hjartaliga takki eg tykkum øllum, sum gleddi meg á sjeyti ára degnum tann 22. mai, og gjørdu mær dagin ógloymandi. Heilsan Tórgir Strøm Tøkk Øllum tykkum, sum gleddi meg á 90 ára føðingardegi mínum tann 11. juni, takki eg hjartaliga. Takk fyri vitjanir, gávur, blómur, uppringingar, fjarrit og ikki minst nógv góð orð - skrivað, yrkt og talað. Stóra tøkk til tykkum, ið gjørdu mær dagin ógloymandi. Heilsan Herborg Strøm, Vágur Dagurin 12. september. Guido, deyður í 1012. Guðrøkin ungur maður, sum gjørdi fleiri p­ílagrímsferðir. Heimafturkomin doyði hann í Anderlecht í Hálandi av stravnu ferðum sínum. Fleiri undurverk hendu við grøv hansara, og tí varð hann lýstur halgimenni. Atli P. Dam, fyrrverandi løgmaður var føddur hendan dagin í 1932 Lesið Sosialin - so eru tit við