hósdagur 13. september 2007síða 32

32 [ Nr. 177 - 13. september 2007 ] At føroyska liðið í 1. hálvleiki ikki rakk støðinum, sum teir fyri stuttum hava víst á útivølli, bar við sær, at Grikkaland fór av Svangaskarði við øllum stigunum U-21 FØROYAR- GRIKKALAND Jonhard Hammer Fyrsta royndin yvirhøvur á heimavølli hjá føroyska U- 21 landsliðnum í fótbólti endaði við 2-0 tapi ímóti Grikkalandi, sum fegnaðist um at fara av Svangaskarði við øllum stigunum. Í føroysku leguni var lag- ið ikki heilt so gott, - Hetta var ikki rættuliga okkara dagur. Vit høvdu ætl- að okkum at fáa nakað burt- ur úr 12. september 2007, staðfesti annar av venjar- unum, Bill Jacobsen, eftir dystarlok. Í 2. hálvleiki var eingin munur á liðunum. Mál- møguleikarnir vóru fáir, og Føroyar kundu havt minkað um munin, tá ið Páll M. Joensen tíðliga í 2. hálvleiki var spældur leysur í høgru. Í staðin fyri at royna ímóti málinum valdi Páll at spæla upp á tvørs, men bólturin varð blokeraður, áðrenn hann náddi til innskifta Kristoffur Jacobsen, sum var leysur mitt fyri máli- num. Lítla løtu undan leikloki lyfti innskifti Arnbjørn Hansen upp um málverjan, men bólturin varð beindur burtur beint áðrenn, at hann fór í málið. Í 1. hálvleiki hevði før- oyska liðið trupulleikar. Ser- liga seinna partin av 1. hálv- leiki var Grikkaland greitt omaná. Grikkar brúktu longd og breidd á vøllinum, og teir spældu seg til ein- stakar málmøguleikar. Tvær ferðir skoraðu teir – í 30. og 40. minutti – og báðu ferð- irnar var tað við høvdinum, at teir stýrdu bóltin í málið. Í fyrra førinum varð mál- ið skorað eftir innlegg úr vinstru. Støðan uppstóð eft- ir útspark frá føroyska mál- verjanum og grikskan sigur á miðjum vølli í luftstríð- num. Bólturin varð stýrdur í málið við nærra stólpan. Í seinna førinum var talan um langt innlegg úr høgru. Grikkin var púra leysur mitt fyri málinum og stýrdi bólt- in í handaru síðuna av máli- num. - Tað stemmaði ikki hjá okkum í 1. hálvleiki, tá ið vit taptu nærdystirnar og vóru ov seinir á næstu bóltu- num. Vit mistu Einar Han- sen í hálvleikinum, eftir at hann longu frammanundan hevði verið uttanfyri til við- gerðar í fimm minuttir, og Sam Jacobsen var eisini uttanfyri til viðgerar í góða løtu. Grikkarnir vóru stinnir í luftini, og teir høvdu ælbogarnar ovarlaga, tá ið teir fóru upp í luftdystir, staðfesti Bill Jacobsen, sum var betri nøgdur við avrikið í 2. hálvleiki, hóast hann ikki helt, at 2-0 tap á heima- vølli kann brúkast til so nógv. Tá ið Einar Hansen varð skiftur út, varð Jóhan V. Gunnarsson fluttur aftur á vongverjan í vinstru. Emil N. Leifsson varð fluttur á ytsta miðvallarplássið í vinstru, og Kristoffur Jacob- sen varð settur inn á sentrala miðvøllin. Fleiri av føroysku spælar- unum stóðu seg væl í 2. hálvleiki. Jónas þór Næs var sannur brandur á vong- verjanum, Bogi Løkin var heilt framúr arbeiðssamur á miðvøllinum, og sum heild var tað meiri tyngd í avrik- inum, enn tað hevði verið góða løtu undan steðginum, tá ið føroyska liðið lá aftar- laga og hevði ilt við at fáa liðavrikið at hanga saman – bæði í álopi og verju. Skeivt upp á bein í góða løtu Portugal kiksaði aftur Fyri aðru ferð upp á fýra dagur mistu portugisar sigurin á stokkinum í EM-undankappingarbólki A. Í gjár høvdu teir vitjan av serbiska landsliðnum, og eftir bert 11 minuttum var tað Simao Sabrosa, sum við einum sera vøkrum frísparki legði Portugal á odda. Portugal sat eisini á tí mesta, og tí var leingi líkt til, at teir fóru at vinna dystin. Men í síðstu minuttum megnaði Serbia at javna við máli frá Branislav Ivanovic. Dysturin endaði við 1-1 javnleiki, og tí hevur hetta ikki verið ein góð vika hjá Portugal, sum leygardagin mátti noyðast við javnleiki heima ímóti Póllandi. Kekkia á EM kós Eftir landsdystirnar er gjárkvøldið sær út til, at Kekkia skal vera liðið, sum fylgjur Týsklandi til EM-endaspælið úr EM-undakappingarbólki D. Kekkia spældi í gjár á heimavølli ímóti Írlandi, og teir megnaðu at vinna dystin 1-0 við máli, sum Marek Jankulovski skeyt eftir einum korteri. Írland royndi at svara aftur, men tá Stephen Hunt fekk beinleiðis reytt kort eftir steðgin gjørdist tungt. Dysturin endaði eisini 1- 0, og tískil er Kekkia á øðrum plássi nú seks stig framman fyri Írland. Føroyar-Grikkaland 0-2 (0-2) U-21 landslið EM Undankappingardystur á Svangaskarði mikudagin 12. september 2007 kl. 14.00 0-1: Antonis Petropoulos 30. 0-2: Sokratis Papastathopoulos 40. Dómara bólkur úr Wales: Simon Lee Evans, Maldwyn Williams, Philip Thomas og Dean John. UEFA dómaraeygleiðari úr Ungarn: Sándor Piller Føroyar: Gunnar Nielsen, liðformaður, Blackburn - Jónas þór Næs, AB, Sam Jacobsen, GÍ, Poul Thomas Dam, HB, Einar Hansen, NSÍ (Kristoffur Jacobsen, KÍ, 46.) - Levi Hanssen, Skála - Magnus Olsen, B71, Bogi Løkin, NSÍ, Emil N. Leifsson, HB (Christian R. Mouritsen, Manchester City 67.), Jóhan V. Gunnarsson, B36 - Páll M. Joensen, HB (Arnbjørn Hansen, EB/Streymur, 56.). Gult kort: Jónas þór Næs, Á beinkinum uttan at verða skiftir inn: Símun Rógvi Hansen, B71, Pætur Jørgensen, AB, Rógvi Holm, AB og Ólavur í Ólavsstovu, HB. Venjarar: Heðin Askham og Bill Jacobsen. Grikkaland: Alexandros Kasmiridis, OFI Crete FC – Ioannis Maniatis, Panionios FC, Giorgios Galiisios, Larisa FC, Sokataris Papastathopolous, AEK, Giorgios Tzavelas, Kerkyra FC – Elini Dimoutsos, Panathinaikos, Antonis Stavrus Rikva, Skoda Xanthi, Makos Grigoris, Panonios FC, Lazarus Christodvulopovlos – Konstantinos Mitruglou, Antonis Petropoulos, Egaleo FC. Gult kort: Giorgios Galiisios Venjari: Nikolaos Nioplias FAKTA