mánadagur 17. september 2007síða 24

24 [ Nr. 179 - 17. september 2007 ] Amager vann á útivølli Fremad Amager vann leygardagin útidystin ímóti Stenløse í 2. deild eystur. Fremad Amager byrjaði dystin betur, og Andreas Mortensen og Anders Jochusem løgdu liðið á odda 2-0. Stenløse svaraði aftur beint fyri steðgin, so at støðan var 2-1 í hálvleikinum. Tann støðan helt sær til fram móti dystarenda, tá ið Andreas Mortensen skoraði til úrslitið 3-1. Fremad Amager liggur á næstfremsta plássinum í deildini. Blackpool spældi javnt Enska 1. deildarfelagið Blackpool spældi leygardagin ímóti Burnley á útivølli, og dysturin endaði við javnleiki. Tá ið liðini fóru til hálvleik, var einki mál komið. Hetta broyttist í seinna hálvleiki, tí Burnley legði seg á odda eftir 52 minuttir. Blackpool javnaði við brotssparki, tá ið stívliga eitt kort var eftir at spæla. Tá ið Burnley skoraði til 2-1 fimm minuttir fyri tíð, líktist tað sigursmálinum, men í yvirtíðini eydnaðist tað Blackpool at javna til 2-2. Claus Bech Jørgensen spældi ikki við hjá Blackpool í hesum dystinum. Tað var ikki eiti á mótstøðu, sum knørradreingirnir fingu í Danmark, tá teir í finaluni máttu lúta fyri bæði olympiskum meistarum og heimsmeistarum KAPPRÓÐUR Teitur Joensen teitur@sosialurin.fo Tað gekk væl hjá bæði før- oysku dreingjunum og før- oysku gentunum í rógvi- kappingini í Brabrand um vikuskiftið. Kvinnur vunnu tann fyrsta róðurin í fýra mans innriggarunum, og so var tíðin komin til dreingir- nar at royna seg. Sjálvt um tað ikki gekk eins væl hjá dreingjunum, sum tað gekk hjá gentunum, so var teirra innsatsur tó væl og virðiliga góðkendur. Teir megnaðu í fyrsta umfari at rógva seg víðari til finaluumfarið, men her blivið teir ov stuttir. Av teimum seks bátunum í finaluni endaði knørra- dreingirnir nummar fimm, men tað er tó einki merkiligt í, at teir ikki megnaðu at vinna. Mótstøðan hjá teim- um var nevniliga rættiliga hørð. Av tí at kappingin hjá útriggarunum bleiv avlýst, so var tað stórur partur av eliturógvarunum í Dan- mark, sum valdu at royna seg í innriggarum í staðin, og tá var ikki lætt. Olympiskur meistari vísti vegin Og sum sagt, so var tað ikki ein og hvør innan rógving, sum var í vinnandi bátunum hjá dreingjunum leygardag- in. Stýrimaðurin var eingin minni enn Katrin Olsen, sum hevur fingið sera nógv góð úrslit kring heimin, meðan menninir handan árarnar bæði hava vunnið olympisk gullheiðursmerki og heimsmeistaraheitið í fleiri umførum. Ein av monnunum á vinn- andi bátinum var Eskild Ebbesen, sum tvær ferðir hevur verið við til at vinna olympiskt gull á danska bátinum, sum vanliga verð- ur róptur “gullfýrarin.” Ein annar olympiskur gullvinnari var eisini at finna umborð. Her var talan um Thomas Ebert, sum eisini hevur roynt at vunnið olympiskt gull saman við Eskild Ebbesen umborð á “gullfýraranum.” Og hinir báðir menninir umborð á vinnandi bátinum vóru heldur ikki hvørjir sum helst. Her var talan nevniliga um Rasmus Kvist og Mads Rasmussen, sum fyri bert tveimum vikum síðani endurvunnu heims- meistaraheitið í tvey mans útriggarum. So sjálvt um føroysku dreingirnir ikki vunnu sín róður í Danmark, so vóru teir sera væl nøgdir. Teir hildu tað vera serliga stutt- ligt at rógva ímóti so sterk- um rógvarum sum teimum, teir møttu í finaluni. Føroyski rógvarin, Katrin Olsen, gjørdist stóri sigursharrin í rógvikappingini í Brabrand um vikuskiftið, tá hon vann bæði gull hjá kvinnum og monnum ávikavist sum rógvari og stýrimaður KAPPRÓÐUR Teitur Joensen teitur@sosialurin.fo Danmarksmeistaraskapurin í rógving, sum skuldi vera um vikuskiftið, bleiv ikki hildin orsakað av keðiliga veðrinum. Men av tí at so nógvir rógvarar úr bæði Danmark og Føroyum vóru møttir til kappingini, valdu fyrireikararnir tó at skipa fyri einari kapping, so nógvu rógvararnir sluppu ein túr út á vatnið. Fyrireikararnir valdu at strika kapppingina hjá útriggarunum, og tí vóru tað bert fýra mans innrigg- arar, sum vóru við í kapp- ingini. Hetta gjørdi, at før- oyska manningin úr Knørra- felagnum var noydd at finna tvær aðrar kvinnur at rógva saman við teimum, men hetta gjørdist tó ikki tann stóri trupulleikin. Katrin Olsen og Hildur Enni, sum fyrr hava róð við Jarnbardi, fóru báðar at rógva við føroyska bátinum, og henda samansetingin vísti seg at rigga væl. Før- oyski báturin vann nevniliga gull í kappingini hjá kvinn- um, og so var fyrsta gull- merkið hjá Katrin Olsen komin í hús. Katrin vann eisini hjá monnunum Sjálvt um tað bert vóru tvær kappingar á skránni henda dagin – ein hjá kvinn- um og ein hjá monnum – so eydnaðist tað Katrin Olsen at vinna gullheiðursmerki í báðum róðrunum. Hjá monnunum skuldi hon nevniliga verið stýri- maður á tí eina bátinum, og hetta gekst eisini sera væl. Í innleiðandi umfarinum megnaðu tey at rógva seg í finaluna, og sjálvt um kapp- ingin var hørð í finaluni, so megnaðu Katrin og teir fýra menninir á hennara báti at vinna róðurin, og sostatt gjørdist Katrin stóri sigurs- harrin henda dagin, tá ið hon vann báðar róðrarnar. Katrin var stóri sigursharrin Mest vinnandi rógvarin í kappingini í Brabrand var ein føroyingur. Katrin Olsen vann nevniliga bæði kappingini hjá kvinnum og monnum ávikavist sum rógvari og stýrimaður. Mynd: Tór Tungá Mótstøða í heimsflokki Tvífaldi olympiski gullvinnarin, Eskild Ebbesen, var ein av rógvarunum á vinnandi bátinum hjá monnum, har føroyska Katrin Olsen eisini stýrdi. Mynd: Tór Tungá