mikudagur 19. september 2007síða 3

Nr. 181 - 19. september 2007 3 tíðindi Lógaruppskotið um samanlegging av Fróðskaparsetrinum, Læraraskúlanum og Sjúkrarøktarfrøðis­ kúlanum hevur verið á landsstýrisfundi í morgun og fer nú til hoyringar SKÚLAMÁL Eirikur Lindenskov eirikur@sosialurin.fo Nú er fyrireikandi arbeiðið at leggja saman Fróð­ skaparsetur Føroya, Føroya Læraraskúla og Sjúkrarøkt­ arfrøðiskúla Føroya komið so mikið langt, at uppskot um lóg fyri nýggja stovnin er liðugt. Lógaruppskotið hevur í morgun verið á landsstýrisborði, og í gjár varð tað sent til hoyringar hjá avvarðandi stovnum og feløgum. ­ Ætlanin er, at nýggi stovnurin skal vera sjálvs­ ognarstovnur, sum verður stýrdur av stýri, sum verður mannað við umboðum fyri starvsfólk og lesandi, og har meirilutin verða uttan­ hýsis limir, sum landsstýris­ maðurin í mentamálum velur. Ein av uppgávunum hjá stýrinum verður at seta rektara, sum fær víðar heimildir, sigur Mentamála­ ráðið í tíndaskrivi. Ætlanin er, at nýggi stovnurin í gransking og undirvísing skal verða ein týðandi drívmegi í føroyska samfelagnum og harvið eisini vera debatskapandi. Hartil skal nýskipaði stovn­ urin samstarva við samfelag og vinnu og tryggja, at tann vitan, ið verður savnað og skapað á stovinum, kemur øllum samfelagnum til góðar. Jógvan á Lakjuni, lands­ stýrismaður í mentamálum, fegnast um, at arbeiðið nú er komið so mikið langt, at allar orsøkir eru at rokna við, at lógin kann verða lýst í hesum árinum. Hann heldur tað eisini vera týdningarmikið, at Løgtingið fær góða tíð og góðar umstøður at viðgera lógaruppskotið. ­ Hetta uppskotið er í tráð við samgonguskjalið og eisini Visjón 2015. Tað ber eitt nú við sær, at allar útbúgvingarnar verða skip­ aðar sambært Bologna­ yvirlýsingini. Hetta fer at lætta munandi um í sam­ skiftinum millum føroyska undirvísingar­ og gransk­ ingarumhvørvið og stovnar og skúlar uttan fyri Føroy­ ar, har tað verður granskað og undirvíst, sigur Jógvan á Lakjuni. Landsstýrismaðurin iv­ ast ikki í, at samanleggingin fer at gagna øllum trimum stovnum og teimum les­ andi við tað, at vit fáa ein nýggjan sera sterkan stovn við tí besta frá øllum trim­ um stovnum við gransking­ argrundaðari undirvísing á hægsta altjóða stigi og høgt raðfestari gransking. Hetta fer at gagna teimum økjum, ið skulu taka ímóti teimum, sum taka prógv, og hetta fer at gagna samfelagnum í eini framtíð, har eftirspurn­ ingurin eftir vælútbúnari arbeiðsmegi verður stórur. Tey, sum hava fyrireikað lógaruppskotið, eru Jóannes Dalsgaard, deildarstjóri í Mentamálaráðnum, for­ maður, Jóan Pauli Joensen, rektari á Fróðskaparsetri Føroya, Jóannes Hansen, rektari á Føroya Lærara­ skúla, og Súsanna Morten­ sen, rektari á Sjúkrarøkt­ arfrøðiskúla Føroya. Skriv­ arar hava verið Annika Sølvará, setursskrivari á Fróðskaparsetri Føroya, og Kristianna Sjóvará Jacob­ sen, fulltrúi, sum Jørgen Meitilberg, fulltrúi, loysti av fyrr í ár. Nýggi lærdi háskúlin til hoyringar Jóannes Dalsgaard, formaður í bókinum, sum hevur fyrireikað lógaruppskotið, handar Jógvan á Lakjuni, mentamálaráðharra, uppskotið Kundi tú hugsað tær at arbeitt sum vikarur? Ella komið í eitt fast starv? Vilt tú verða fleksibul og ráða yvir tíðini sjálv/ur? Vit hava eisini brúk fyri pensionist- um og lesandi. Vit røkka um alt landið. Far inn á heimasíðu okkara www.temp-team.fo TEMP-TEAM, Niels Finsensgøta 37, FO-100 Tórshavn Tel.: +298 61 61 00 TEMP-TEAM er eitt vikarbureau. TEMP-TEAM Føroyar er ein partur av fleiri deildum runt um í Europa og úti í heimi. Okkara uppgáva er at finna starvsfólk, ið kunnu arbeiða sum vikarar og tey sum vilja koma í eitt fast starv, bæði á sjógvi og landi. Kom og skráset teg Vinnumálaráðið skipar fyri almennari ráðstevnu í Norður­ landahúsinum fríggjadagin 21. september kl. 14.00 til 16.30, har ljós verður varpað á spurningin: Hvussu fáa vit betri javnvág millum arbeiðs- og familjulívið, nú traditionella lívsmynstrið er í broyting, ja kanska hótt? Á ráðstevnuni fara Linda Nielsen, professor dr. jur. í familju­ og arvarætti á Københavns Universiteti og for­ maður í donsku Familie­ og Arbejdslivskommissionen, Kristine Stricker Hestbech, sóknarprestur, fyrilestrahaldari og limur í donsku kommissiónini, og Hege Storhaug, journalistur, rithøvundur og kunningarleiðari hjá Human Rigths Service, Noreg, at luttaka við framløgum og fyrilestrum. Hege Storhaug gav í 2006 út bókina »Men størst av alt er friheten«, sum viðger ringu støðuna hjá mongum innflytarakvinnum í Noreg. Bókin var mest selda bók í Noreg í 2006. Tiltakið er ókeypis VINNUMÁLARÁÐIÐ Ráðstevna