mánadagur 24. september 2007síða 24

24 [ Nr. 184 - 24. september 2007 ] Besta liðið vinnur ikki FM John Heri Dam, sum var eyðsýndur á vinstra bakki hjá EB/Streymi staðfesti eftir dystin, at trý stig vóru tað einasta, sum teir kundu brúka til nakað. - Tað gjørdi tað avgjørt. Vit høvdu bara bronsuna eftir, og tað máttu vit kempa fyri. - Og samstundis haldi eg, at hetta eru tey bæði bestu liðini í landinum. At so eingin teirra verður meistari, er bara spell. Men spælið í dag var ikki nakað meistara- spæl? - Nei, tað var tað kanska ikki. Vit vistu av, at tað var ikki upp til okkum at skapa dystin, tí gert tú sjáldan í Gunda- dali. So vit royndu at halda tætt og bíða, til okkara møguleikar komu. Og tíbetur megn- aðu vit so at taka av. - Nú hava vit so fram- vegis møguleika fyri bronsuni, og henni fara vit eftir. Har má HB so kiksa onkra staðni á vegnum, tí teir hava ein munandi betri málmun enn vit. Ætlaðu at avgera spurningin Jákup á Borg var illa nøgdur um tapið fyri EB/Streymi. Men ikki endiliga, tí hetta punkt- eraði FM-møguleikan. Tann møguleikin var longu fokin, helt hann. - Eg veit væl, at fólk hava tosað um tað, men hetta er so ikki nakað, sum vit í hópinum hava hugsað um. - Hjá okkum ráddi í dag um at vinna, so vit vóru mest sum vísir í bronsuni. Tað eydnaðist tíverri ikki, og nú verð- ur tað trupult. Enn hava vit betri málmun enn EB/Streymur, men teir hava á pappírinum lætt- ari uppgávur enn vit, so tað verður hart, helt Jákup. Høvdu tey í HB-leg­uni nakra vón um g­ullið, so brast hendan, tá Sorin Ang­hel stútaði einsamalla málið í Gundadali sunnudag­in. Ístaðin er nú lag­t upp til knallharðan tvídyst um bronsuna Fótbóltur Jákup Mørk jakup@sosialurin.fo Spælararnir hava alla tíðina sagt, teir vilja ikki hoyra nakað sum helst tos um nakran FM-møguleika. Men við seks sigrum á rað var ikki sørt, at HB hevði givið viðhaldsfólkunum eina vón um, at gylti enda- spurturin frá í fjør kundi endurtakast. Skuldi nøkur vón haldast um hetta, so var kravið treytaleyst ein sigur sunnu- dagin, men tað eydnaðist so ikki. Lítið flótandi Bæði liðini á vøllinum hava til tíðir hetta árið sýnt før- oyska fótbólt frá síni allar bestu síðu, men hetta sást tó lítið til hesaferð. Partvíst mundi vindurin eiga sína ábyrgd av hesum, men eins nógv mundi tað eisini vera spæliætlanin, sum liðini høvdu lagt. Gestirnir sóu tað ikki sum sína ábyrgd at koma í Gundadal at skapa nakran dyst. Við at halda eina kom- pakta skipan á liðnum royndu teir at halda HB frá málmøguleikum, fyri síðani at dúva upp á kontra. Hinvegin hevði HB ongan hug at geva vandamiklu kontramaskinuni hjá EB/ Streymi nakað serligt rása- rúm, og tí varð ferðin sjáld- an skrúvað heilt í topp. Og tá heldur einki mál kom fyrstu longu løtuna, broyttist útgangsstøðið ikki pettið hjá nøkrum parti. Einstakar ferðir var tó smávegis vandi á ferð, men heilt opnar møguleikar gjørd- ist talan ikki um fyri steðgin. Í so máta gjørdist nakað betri seinna umfarið. Fyrsta veruliga bjargingin kom, tá Tróndur Vatnhamar við eini fantastiskari refleks-bjarg- ing forðaði einum stútara hjá Sorin Anghel at finna meskarnar. Eins og flestu møguleikarnir hjá EB/ Streymi, so kom hesin eftir deyðbóltsstøðu, har HB-verj- an ikki var nóg vaks, tá bólt- ar skuldu ruddast burtur. Og júst sama fyribrigdið kostaði eisini málið. Hesa ferð var tað eitt av fleiri longum innkøstum frá John Hera Dam, sum fann vegin inn í málteigin, og har kundi Anghel við skallanum leingja bóltin yvir í handara síðunet. Arnbjørn bjargaði degnum Og so fekk HB av álvara skund. Teir løgdu alt størri trýst á, samstundis sum EB/ Streymur royndi at kontra. Men tað var fyrst og fremst HB, sum átti møguleikarnar. Tann størsta mundi Vagnur Mohr Mortensen hava, tá hann stóð blankur eftir at René Tórgarð og Egil á Bø misskiltu hvønnannan. Men fyri mest sum opnum máli varð bólturin sendur langt omanfyri. Og tá Rasmus Nolsøe móti dystarenda sendi eina fríparksperlu avstað, vissaði Arnbjørn Hansen sær heitið sum dagsins EB/Streymari, tá hann megnaði at flyta seg til handaru stong og stúta bóltin burtur av vandaleið. Ein bjarging, ið mest sum undirstrikaði, at hetta ikki skuldi verða dagurin hjá HB, sum altso heldur ikki fekk hevnd fyri taptu steypa- finaluna móti EB/Streymi. Víðopið bronsustríð Eftir stendur, at við fýra dystum eftir at spæla, eru HB og EB/Streymur nú aft- ur púrasta jøvn í stríðnum um bronsukrónurnar. Á pappírinum hevur HB kanska truplaru skránna, men samstundis hava teir í verandi løtu betri málmun, so tað er mest sum vónleyst at peika á nakran favoritt í hesum stríðnum. HB-EB/Streymur 0-1 (0-0): Víðopin bronsudystur Tað sá ógvusligt út, tá Ronnie Samuelsen noyddist bløðandi av vøllinum. Men tíbetur var talan ikki um álvarsligan skaða Mynd: Sofus D. Johannesen Bronsu- dysturin Dystarskráin seinastu umførini 30. september KÍ-EB/S NSÍ-HB 7. oktober EB/S-VB/S AB-HB 21. oktober HB-KÍ EB/S-B36 27. oktober B36-HB B71-EB/S EB/S HB AaB vann fjórðu ferð á rað Føroysku spælararnir sleppa framvegis ikki upp í part í superligaliðnum AaB. Hvørki Súni Olsen ella Jón Rói Jacobsen vóru á vøllinum, tá ið AaB vitjaði í Lyngby sunnudagin. Heili sjey mál vórðu skotin í dystinum, og Aab skoraði fýra av teimum. Hetta var fjórði sigurin á rað hjá AaB, sum eftir eina heldur trilvandi byrjan er komið fyri seg. Holst dagsins maður Føroyski landsliðsspælarin Christian Lamhauge Holst varð eftir dystin ímóti AaB í gjár valdur til dagsins mann á heimaliðnum. Holst skoraði tvey av málunum hjá Lyngby, men tað var ikki nóg mikið til at fáa nakað stig burtur úr dystinum. Eftir dystin handaði dystarsponsoruin Moelven Christian Lamhauge Holst eina fløsku av sjampanju, tí hann var besti spælarin á heimaliðnum.