mikudagur 26. september 2007síða 8

8 tíðindi Nr. 186 - 26. september 2007 Tað er reint ferðslu­ kaos um morgnarnar, tá foreldur koma við børnunum í Hoyvíkar skúla. Fleiri foreldur eru so ótrygg, at tey ivast í, um tey skulu tora at lata børnini fara í skúla yvirhøvur FERÐSLUTRYGD Leo Poulsen leo@sosialurin.fo Fríggjadagin hendi tað so. Ein genta á veg í Hoyvíkar skúla varð árend av einum bili. Tíbetur hendi eingin álvarsligur skaði, men sam­ bært Ninnu Dahl, mammu at árendu gentuni, so eru tey fleiri foreldur, sum bara bíða eftir, at vanlukkan skal henda. ­ Tað er eitt satt ferðslu­ kaos uppi við skúlan í Hoy­ vík um morgnarnar. Børn og bilar hvørt um annað. Einki parkeringspláss, har bilarnir kunnu steðga, so foreldrini trygt kunnu seta børnini av, sigur Ninna Dahl. Hon vísir á, at tað plagdi at vera ein gøta framvið Hoyvíkshøllini, har børnini trygg kundu ganga, men í løtuni er kommunan við at gera parkeringspláss í økin­ um, og tí er gøtan burtur. ­ Tað er ikki bara eg, og tað er ikki tí, at tað júst var mín dóttir, sum varð árend fríggjadagin. Tað eru so ógvuliga nógv foreldur, sum eru ótrygg við støðuna. Fleiri ivast í, um tey skulu lata børn síni fara í skúla yvirhøvur, soleiðis sum støðan er, sigur Ninna Dahl. Tað er ein rættiliga stór ferðsla eftir Vegnum Langa, bæði vanlig ferðsla, foreld­ ur, sum koyra síni børn í skúla og eisini arbeiðsferðsla við tungum og stórum bil­ um. Og hetta er framvið ein­ um skúla, har 500 børn ganga, umframt eini 150 í frítíðarskúla, verður víst á. Gøtan burtur Nógva ferðslan og vánaligu steðgi­ og parkeringsviður­ skiftini gera, at leiðin í skúla verður ótrygg hjá børnunum. Og hetta er ikki bert galdandi fyri tey, sum koma í bili í skúla. ­ Fyrr var ein gøta fram við ítróttarhøllini, sum børn­ ini, ið komu við bussinum, kundu nýta. Men orsakað av arbeiðinum við at gera parkeringspláss, er hendan gøtan nú burtur og tað ger, at øll børnini nú mugu ganga millum bilarnar fyri at koma í skúla, sigur Ninna Dahl. Hesi óskipaðu viðurskift­ ini gera altso, at foreldur langt frá eru trygg við at senda børn síni í skúla. Tey ræðast stutt sagt fyri, at van­ lukkan skal henda ein dag. Orsakað av arbeiðinum at gera parkeringspláss, er gøtan burtur, sum gekk framvið ítróttarhøllini, og tí mugu børnini ganga ímillum bilarnar, tá tey skulu í skúla uppi í Hoyvík Mynd: Álvur Haraldsen Bíða eftir vanlukkuni 39 feløg í Fútarættin Tá Skráseting Føroya í gjárkvøldið gjørdi upp, hvussu nógvir partafelagsroknskapir vórðu innkomnir, restaðu framvegis 39 partafeløg, sum ikki hava sent inn roknskapin. Hesi feløg eru í dag borin niðan í Fútarættin við kravi um avtøku. Tá tey komu til arbeiðis í gjár á Skráseting Føroya restaðu 250 roknskapir – so tey høvdu ein rokaligan dag á Skrásetingini í gjár – og kl 22 vóru tey liðug at gjøgnum ganga allar. 52 nýggj fólk í Eik Seinasta árið eru 52 nýggj fólk sett í starv í Eik – av teimum eru 11 nýggir bankanæmingar, sum byrjaðu í læru í Eik fyrr í hesum mánaðinum. 1. september byrjaðu hesi í bankalæru í Eik: Aftast f.v.: Kári Olsen, Tórshavn, Jóhann á Stongum, Sørvágur, Ann Tordis Hellisdal, Kollafjørður, Magnus Skoralíð, Saltangará, Randi Ward­ um, Tórshavn, og Símin Louis Jacobsen, Fuglafjørður. Fremt f.v.: Carl Herup Olsen, Tórshavn, Ysmhael Thor­ geirsson, Sandur, Hansina Sigurðsson, Klaksvík, Beinir Midjord, Tórshavn og Kristian Kristiansen, Norðskáli Tað er sjálvandi harmiligt, um ferðsluviðurskiftini gera foreldur ótrygg, men tað er júst fyri at betra um hesi, at arbeiði fer fram í løtuni, sigur Heðin Mortensen FERÐSLUTRYGD Leo Poulsen leo@sosialurin.fo Í sambandi við ferðslukaosið við Hoyvíkar skúla, sum er nevnt í greinini omanfyri, hevur Sosial­ urin vent sær til borgarstjóran í Havnar Kommunu fyri at fáa eina viðmerking. Heðin Mortensen sigur, at tað sjálvandi altíð er harmiligt, um folk ikki kenna seg trygg við eini­ hvørji viðurskifti, men hann vísir í hesum førinum á, at ógvuliga nógv virksemi hevur verið í økinum í longri tíð. ­ Har er jú bæði skúli, ítróttarhøll og frítíðarskúli bygt seinastu árini, og stóra og økta virksemið krevur nøktandi atkomuviðurskifti. Talan er um eina verkætlan nú, sum er í fýra stigum, so sum víst á tekningini. Stig eitt og tvey eru fyri so vítt liðug, og stórur dentur verður í løtuni lagdur á stig trý, sum júst er ætlað at gera atkomuviðurskift­ ini so góð sum tilber, sigur Heðin Mortensen. Borgarstjórin sigur, at hóast partur av arbeiðinum er settur av á fíggjarlógini fyri komandi ár, so verður doyðurin lagdur á at gera í hvussu er stig trý liðugt skjótast tilber. Tá hesin parturin er liðugur, kann koyrast inn til skúlan eftir einvegis gjøgnumkoyring, børn­ ini kunnu setast av, og so verður koyrt út sunnanvert. ­ Tá verður talan um skipað og trygg viðurskifti, so foreldur uttan ampa kunnu seta síni børn av, sig­ ur Heðin Mortensen, borgarstjóri. Hetta er ætlanin, sum komm­ unan arbeiðir eftir, og tá stig trý er liðugt, fara foreldur uttan ampa at kunna koyra síni børn í skúla. Vil betra um ferðsluna ➔ Soleiðis sær ætlanin hjá kommununi út við Hoyvíkar skúla