mikudagur 26. september 2007síða 16

16 Nr. 186 - 26. september 2007 Andlát og jarðarferðir Esther Bertholdsen, Vágur andaðist á Suðuroyar ellis- & røktarheimi 86 ára gomul í gjár 25 sept. Farið verður úr kappellinum fríggjakvøldið kl. 17.30 Jarðarferðin verður úr Bethel leygardagin 13.00. Tey, ið vilja minnast Esther, kunnu lata eina peingagávu til Akurin. Kistan við Marthu Joensen kemur í kirkjuna í kvøld kl. 19. Bønarhald verður. Jarðarferðin verður úr Miðvágs kirkju í morgin kl 14. Tey, ið vilja minnast Marthu kunnu lata Missónshúsinum eina gávu. Andlát og jarðarferðir Kunngjørt verður fyri ætt, vinum og kenningum, at kæra mamma, vermamma, omma og langomma okkara Esther Bertholdsen Vágur andaðist týsdagin 25. september, 86 ára gomul. Farið verður úr kapellinum á Suðuroyar Sjúkrahúsi fríggjakvøldið kl. 17.30. Jarðarferðin verður úr Bethel leygardagin kl. 13.00. Familjunnar vegna Kristian, Dánjal og Ann Tey, ið vilja minnast Esther, kunnu lata ein gávu til Akurin. 18. desember er vanliga ein myrkur dagur á árinum. Bert fýra nætur frá at tað fer at ganga ímóti ljósari tíðum, sum vit øll jú gleða okkum til. Men hesin dagur stendur eftir í minni okkara sum ein sorgardagur. Hendan átjanda dagin í desember 2006, hendi tað, sum man vanliga heldur bert rakar onnur. Ferðsluóhappið, sum hendi um 5 tíðina seinnapartin hendan dagin, og sum lítli Hjarnar var við í saman við foreldrum sínum og systur sínari, var so ógvusligt, at hetta kravdi lív hans- ara. Okkara lítli og elskaði Hjarnar Johannesen bleiv tikin frá okkum bert 4 ára gamal. Órímiligt, óskiljandi og so stutt undan jólum. Men Harrans vegir eru ikki okkara vegir, sigur halgabók, sum kann vera sera torfør at skilja í løtum sum henda. Elskaði Hjarnar Tað er ógvuliga svárt hjá okkum at skriva minningarorð um teg. Ógvu- liga tungt kennist tað hjá okkum, at vit ikki kunnu gleðast saman við tær á tínum 5 ára føðingardegi í dag, 26. september. Vit sakna teg. Minnini um teg goyma vit í hjørtum okkara. Í jólavikuni bleivst tú brádliga tikin frá okkum. Tað var tungt at fáa boð- ini, at tú ikki vart ímillum okkum longur. Tá tílíkt hendir, gerst alt ann- að líkamikið. Tað kenst, sum tíðin hon steðgar upp, sjálvt um hon onk- ursvegna tó gongur skjótt. Aftan á 9 mánaðir er saknurin enn líka stórur, og tú ert í okkara tonkum hvønn dag. Tú fylti so nógv í okkara lívi, vart ein so glaður og lívligur drongur. Í august mánaði vóru tit og ferðað- ust á Rhodos. Har svam tú dagin langan og væl dámdi tær eisini at flúgva. Hesin túrur var eitt satt upp- livilsi hjá tær. At hetta skuldi vera tín seinasta feria vardi okkum ikki. Væl dámdi tær at tekna og skriva, og nakað áðrenn tú bleivst 4 ár, lærdi tú teg at skriva 4 talið. Tú vart so upp- tikin av teimum, og tey vendu allar vegir. Væl dámdi tær eisini at baka, og dagin fyri vanlukkuna, bakaðu tú og mamma tín køkufigurar til jóla. Tú slapst eisini at pynta jólatræið í skúlanum fyrst í desembur, og tað vart tú so glaður fyri. Jólini 2006 vóru sorgarbundin við nógvum tungum løtum og gráti. Tað er ikki lætt at finna gleðina fram, tá ið deyðin so brádliga í einari »gleðis- tíð« krevur sítt. Góðu tit. Kirstin, Sofus, Rókur og Ronja. Ógvuliga tung er henda sorg at bera, men tá á stendur fáa vit aðra styrki at koma víðari við. Jesu pápi styrki tykkum. »Tann ið verður sum hetta lítla barnið, eyðmjúkt og álitisfult, skal gerast tann størsti í Himmiríkis ríki« Matt.18,4 Við hesum orðum vilja vit lýsa vit frið yvir minnini um okkara lítla fitta Hjarnar. Omma, mostrar og mammubeiggjar Minningarorð um Hjarnar Johannesen f.26.09.2002 • d.18.12.2006 Tíðindaskriv Kendi amerikanski gospel- sangarin Larry Ford kemur til Føroya 1. oktober og syngur á stórari sangløtu í Ebenezer um kvøldið saman við Dupultkvartettini og Ebenezerkórinum. Dag- arnar frammanundan hevur hann sungið í Svøríki, Nor- egi og Danmark. Á konsert- unum í Hirtshals 27. og í Keypmannahavn 30. sep- tember syngur Dupultkvar- tettin í Ebenezer eisini. Dupultkvartettin í Eben- ezer er boðin til Danmarkar síðst í hesum mánaðinum at syngja á tveimum konsertum saman við kenda amer- ikanska gospelsangaranum Larry Ford. Tann fyrra verður í Hirtshals hóskvøldið 27. september kl. 19 í Nord- sømuseet, Multihallen, Wille- mosevej 2, og tann seinna sunnukvøldið 3. september kl. 19 í Keypmannahavn í “Templet”, salinum hjá Frels- unarherinum á Frederiksberg Allé 9. Dupultkvartettin kem- ur at hita upp, áðrenn Larry Ford kemur á pallin, men kemur eisini at syngja nakrar sangir saman við honum. Á Danmarkarferðini kem- ur Dupultkvartettin eisini at syngja í Kristnastovu í Birmavej 36 á Amager. Tað verður á fundinum fríggja- kvøldið 28. september kl. 20 (sí heimasíðuna hjá Kristna- stovu: www.kristnastova. dk). Sunnumorgunin 30. september kl. 10.30 syngur Dupultkvartettin á fundinum hjá Kristent Fællesskab, Højnæsvej 60, Rødovre. Mánamorgunin 1. oktober kemur Dupultkvartettin aftur til Føroya, og tá er Larry Ford við í ferðalagnum. Sama kvøldið kl. 20 verður stór sangløta í Ebenezer, har Larry Ford kemur at syngja. Umframt Larry koma Ebenezerkórið og Dupult- kvartettin at luttaka, og eisini verður felagssangur á skránni. Øll eru hjartaliga vælkomin til sangløtuna, sum verður ókeypis, og vóna vit, at Ebenezer verður fult tað kvøldið. Larry var her í 2004 Larry Ford hevur verið einaferð áður í Føroyum. Tað var í mai 2004, tá ið hann sang á konsert í eini fulsettari ítróttarhøll á Eiði. Larry Ford er ein av kend- astu gospelsangarum í USA. Hann hevur sungið southern gospel tónleik í mong ár bæði sum solistur og í so kendum kvartettum sum The Blackwood Broth- ers. Eisini hevur hann sung- ið nógv við í bólkinum Homecoming Friends hjá Bill Gaither, sum telur nógv- ar av bestu southern gospel sangarum og tónleikarum. Nógvir føroyingar kenna tey frá fløgum og video- bondum, har tey syngja nógvar av kendu ensku og amerikansku sálmunum. Meira um Larry Ford á heimasíðu hansara: www. larryford.com. Ikki er neyðugt at siga so nógv um Dupultkvartettina í Ebenezer. Teir hava sungið at kalla uttan íhald síðan 1978 og eru kendir av øllum føroyingum fyri sín vakra sang, sum oftast framførdur acapella, tvs. uttan ljóðføri. Teir hava eisini sungið uttan- fyri landoddarnar og hava givið plátur, bond og fløgur út. Dupultkvartettin syngur saman við Larry Ford Larry Ford Dupultkvartettin í Ebenezer Dagurin 27. september. Kosmus (eisini skrivaður Cosmas), deyður umleið ár 300. Tikin av døgum undir Diocletianus keisara nøvnw