fríggjadagur 28. september 2007síða 7

7 tíðindi Nr. 188 - 28. september 2007 Sjálvstýrisflokkurin ætlar at sleppa sær úr politisku naggatódnini, sum hevur verið lagnan seinastu árini. Og til tess at økja um tingmannatalið hevur flokkurin styrkt listan í Suðurstreym, har Kára á Rógvi skal verða ein av toppkandidatunum UPPSTILLING Leo Poulsen leo@sosialurin.fo Tað hevur leingi gingið sum slatur, at Kári á Rógvi skuldi stilla upp fyri Sjálv­ stýrisflokkin til komandi løgtingsval. Men tað hevur ikki borið til at at fingið hetta staðfest, serliga tí, at høvuðspersónurin sjálvur ikki hevur viljað vátta tað. Men tað tykist nú vera mest sum fullvíst, at hann verður eitt av valevnunum á listanum. Við tí fyrivarni, sum liggur í tí veruleika, at eingin uppstillingarfundur hevur verið enn, kann sláast fast, at so verður. Tað vátta keldur, sum standa flokkin­ um nær. Hesar somu keldur, sum kortini vilja verða ónevndar, siga eisini, at tað er rættiliga sannlíkt, at ein annar Kári, nevniliga við eftirnavninum Petersen, eis­ ini verður at finna á list­ anum. Men hetta vil Kári Petersen tó ikki vátta. ­ Tað er rætt, at eg havi fingið eina uppringing frá Sjálvstýrisflokkinum, men tað er tað einasta. Eg havi onga støðu tikið enn, hvørki um eg fari at stilla upp, og í so fall fyri hvønn eg stilli upp, sigur Kári Petersen í stuttari viðmerking. Hann vil ikki koma inn á, um hann fer at venda Javn­ aðarflokkinum baki, men tað er eingin loyna, at hann hevur verið sera ónøgdur við leiklutin, sum flokkurin hevur havt í hesari samgong­ uni, serliga tá tað kemur til fiskivinnupolitikkin. Men hann hevur altso ikki aðrar viðmerkingar. Styrkja miðøkið Tá hugsað verður um, hvussu nær flokkurin var við at fáa mannin (sum altso var ein kvinna) valdan í Suðurstreym við seinasta val, mugu vónirnar um betri eydnu til komandi val vera góðar í miðstaðarøkinum. Nú hevur sum nevnt eingin uppstillingarfundur verið enn í Suðurstreymi, men sambært Jákup Sverra Kass verða bæði fyrsti og annar fundur innan fyri einar fjúrtan dagar. Og tástaðni kann sigast við vissu, hvussu tendensurin fyri uppstillingini verður. Men við Maluni Johansen aftur á listanum umframt nøkrum hampiliga tungum dreingjum aftrat má metast sannlíkt, at flokkurin kann tryggja sær umboð í Suður­ streymi. Og flokkurin vónar vælsaktans, at hetta um­ boðið ikki loysir eystur­ oyartingmannin av, men kemur sum eitt umboð aftrat á ting. Hóast vit høvdu fingið lovað eina viðmerking frá Kára á Rógvi, eydnaðist ikki at fáa hana áðrenn evstamark blaðsins. Kári verður toppkandidatur Við tí fyrivarni, at eingin uppstillingarfundur hevur verið enn, verður Kári á Rógvu ein av toppkandidatunum á listanum hjá Sjálvstýrisflokkinum í Suðurstreymi til komandi løgtingsval Hampiligt veður um vikuskiftið ­ Tað verður turt og sólarglottar at hóma um vikuskiftið, lovar veðurmaðurin Petur Skeel. Leygardagin verður lítil vindur av ymsum ættum. Tað verður haraftrat turt og sólarglottar, kortini við møguleika fyri mjørkaflókum. Hinvegin verður rættiliga lýtt, millum 9 og 12 stig. Sunnudagin veksur hann vindin nakað av útsynningi, men tað verður framvegis turt og sólarglottar. ­ Mánadagin veksur hann vindin uppaftur meiri av útsynningi og suðri, men eg vænti at tað verður turt framvegis, sigur veðurmaðurin. Týsdagin og mikudagin verður hvassur vindur við 10 til 14 hitastigum. Týsdagin verður turt, men mikudagin ælingur. Eiga nú 100 milliónir í Føroya Banka Sp/F 14, sum er tað felagið, sum fyrr átti Tórshavnar Skipasmiðju, eigur nú fimm prosent av partapeninginum í Føroya Banka. Fríggjadagin keypti felagið 6.203 partabrøv afturat. Tilsamans eigur felagið nú 500.000. Partabrøvini í Føroya Banka kosta í dag 220 kr. Sostatt er virðið á partabrøvunum hjá Sp/F 14 í Føroya Banka í dag 110 milliónir krónur. Frammanundan hava feløg hjá Jákup á Dul og Tjaldur (fyrrverandi Skipafelagið) keypt nakað oman fyri fimm prosent av parta­ peninginum. Stjórar í Sp/F 14 eru Poul Mohr og Gunnar Mohr (samb. ársroknskapi 05). Eigarar, sum eiga meira enn fimm prosent av partapeninginum í Sp/F 14 eru Mouritz Mohr og Gunnar Mohr. Elfelagið hevur í morgun havt eyka umboðsmannafund á Hotel Hafnia at viðgera ætlaðu bygnaðar­ broytingarnar í felagnum BYGNAÐUR Leo Poulsen leo@sosialurin.fo SEV hevur ofta og títt verið skundsett fyri at vera ein afturlatin og byrokratiskur felagsskapur, sum í mangar mátar minti um stýrið í gamla Sovjetsamveldinum. Og tað er heldur eingin loyna, at bygnaðurin ikki samsvarar við nútíðina. Ikki fyrr enn fyri góðum ári síðani varð latið upp fyri, at fjølmiðlarnir kundu vera til staðar til umboðsnevndar­ fundirnar, og stýrið, sum tók við eftir seinasta bý­ og bygdaráðsval hevur frá fyrsta degi arbeitt við at broyta bygnaðin, so hann gerst meira tíðarhóskandi og smidligari. Broytingaruppskotið er í sjey punktum, og tey eru: 1. Umboðsnevndin verð­ ur broytt til aðalfund 2. Stýrið verður broytt til nevnd 3. Einstøku økini velja sín nevndarlim á aðalfund­ inum 4. Avgerðir um fíggjar­ ætlanir verða fluttar til nevndina 5. Ognarviðurskifti og at­ kvøðubýtið verða óbroytt 6. Kommunala veðhalds­ skyldan verður strikað 7. Broytingar fáa virknað frá 1. januar 2009 Í veruleikanum kann sig­ ast, at bert tvey av punktun­ um hava nakran praktiskan týdning, harav punkt fýra er kollveltandi. Har verður skotið upp, at nevndin skal taka avgerðir um fíggjar­ viðurskifti felagsins. Tað hevur umboðsnevndin ann­ ars higartil gjørt, sjálvt um stýrið í praksis hevur snikk­ að hesar til hjá umboðs­ nevndini at góðtaka. Uppskotið er í tráð við partafelagslógina og ger eisini arbeiðsgongdina mun­ andi smidligari enn í dag. Fundurin var drúgvari enn væntað, var ikki liðugur áðrenn evstamark blaðsins. Men sum skiltist á lagnum, fóru broytingarnar at verða samtyktar. Upp­ skotið hevur verið til hoyr­ ingar hjá bæði FKF og KSF, sum bara høvdu smávegis viðmerkingar. Eini 60 umboðsnevndar­ limir vóru á fundinum. SEV broytir bygnað Leivur Hansen, formaður í stýrinum fyri SEV