mikudagur 3. oktober 2007síða 18

18 Nr. 191 - 3. oktober 2007 SAMBAND jákup Mørk jAkup@SoSiAluriN.fo tlf. 341800 ítróttur Tað er sera ivasamt, um metið hjá Óla Johannesen, sum nú er fyrrverandi landsliðsspælari, nakrantíð fer at verða tikið FARVÆL Jákup Mørk jakup@sosialurin.fo Óli Johannesen er givin á landsliðnum. Hetta varð greitt í gjár. Óli var ikki á listanum hjá venjaranum mánadagin. Sjálvandi var hann ikki vrakaður. Spælari, sum 82 ferðir hevur tænt føðilandinum – nógv flestu ferðirnar sum liðformaður – skal spæla seg av og ikki setast av. Frágreiðingin um fráver­ una næstu ferðirnar og um endaliga farvælið komu í gjár: Óli er so mikið illa plágaður av skaða í hæl­ sinuni, at hann næstan ikki fær spælt. Tað sást, tá ið TB leygardagin vitjaði í Leirvík. Ætlanin hjá Óla hevur verið at gevast, tá ið hendan undankappingin var av, men nú vildi kroppurin ikki meiri, og harvið gjørdist landsdysturin ímóti Skot­ landi á Svangaskarði 6. juni tann síðsti hjá Óla. Orsaka av skaða varð hann ta ferð­ ina útskiftur í 36. minutti. Ta ferðina var Óli, sum spældi fyrstu ferð á lands­ liðnum ímóti Ísrael á Svangaskarði 5. august í 1992, fyri 82. ferðina á landsliðnum, og spurning­ urin er, um tað nakrantíð fer at eydnast nøkrum før­ oyskum spælara at røkka so høgt dystartal. Tað verður í hvussu so er ikki í næstu framtíð. Jákup Mikkelsen (51) og Jákup á Borg (52) eru teir landsliðsspælararnir, sum eru honum næstir í dystar­ tali og framvegis eru á liðn­ um. Teir báðir skulu spæla hvørja einastu ferð næstu fimm árini, um teir skulu hótta dystarmetið hjá Óla Johannesen. Í altjóða høpi Óli Johannesen er 35 ára gamalur, og nú hann hevur biðið landsliðnum farvæl, er dystarmetið hjá honum eis­ ini í altjóða høpi eyðsýnt. Europeiski fótbóltsspæl­ arin, sum oftast hevur verið á landsliðnum, er týski Lothar Matheus. Hann var 150 ferðir á landsliðnum. Hægsta dystartalið í Ong­ landi eigur málverjin Peter Shilton, sum spældi 125 ferðir, og í Norðurírlandi eigur málverjin Pat Jennings metið við 119 dystum. Í norðurlendskum høpi eru tað eisini tveir málverjar, sum eiga metini. Thomas Ravelli vardi 143 ferðir mál­ ið á svenska landsliðnum, og Peter Schmeichel vardi danska málið 129 ferðir. Í Íslandi eigur miðvallarin Runi Kristinsson metið við 104 landsdystum, og í Nor­ egi eigur Torbjørn Svensson metið við 104 landsdystum. Hetta er sama dystartalið, sum Michael Laudrup, ið eigur næstflestar dystir fyri Danmark, rakk. Morten Ol­ sen spældi 102 landsdystir. Í Noregi eigur verjuspæl­ arin Henning Berg næst­ hægsta talið. Hann hevur spælt 100 landsdystir. Næst­ flestar dystir fyri Ísland hevur Guðni Bergsson spælt (80) ella tveir færri enn Óli Johannesen. Felags fyri allar teir omanfyri nevndu er, at teir ikki longur spæla á hægsta støði. Átta danskir landsliðs­ spælarar hava verið oftari á teirra landsliði, enn Óli Johannesen hevur verið á føroyska landsliðnum. Nummar níggju á danska listanum er Brian Laudrup, sum segði farvæl, tá ið hann hevði verið 82 ferðir á landsliðnum ella eftir sama dystartal sum Óli Johanne­ sen. Tað setur avrikið hjá nú fyrrverandi liðformanninum á landsliðnum, Óla Johannesen, í serligt høpi, tá ið tikið verður við, at Danmark síðani 1984 so ofta hevur luttikið í enda­ spølum. Føroyar hava ongan­ tíð tikið lut í endaspølum. Kapteynurin hevur mynstrað av 1. deild D v j t mál +/- stig 1. B68 25 22 2 1 74-18 56 68 2. ÍF 25 17 4 4 77-21 56 55 3. FSV04 25 15 3 7 45-35 10 48 4. TB 25 13 4 8 52-26 26 43 5. LÍF 25 13 1 11 62-43 19 40 6. NSÍ 25 9 2 14 43-62 -19 29 7. HB 25 9 2 14 35-54 -19 29 8. SÍ 25 7 3 15 32-60 -28 24 9. KÍ 25 5 2 18 26-63 -37 17 10. B36 25 2 3 20 20-84 -64 9 1. deild 24. umfar 22. september TB-SÍ 5-0 (2-0) 1-0: Olivur Abrahamsen 41. 2-0: Gunnleif Olsen 44. 3-0: Sasa Jovanovic 51. 4-0: sjálvmál 57. 5-0: Sasa Jovanovic 83. HB-LÍF 1-4 (0-1) 0-1: Andrias Lava Olsen 39. 0-2: Beinir Justinussen 53. 0-3: Adrian Joensen 66. 1-3: Yohan Borðoy 79. 1-4: Andrias Lava Olsen FSV04-ÍF 1-5 (1-1) 1-0: Súni Fríði Barbá 20. 1-1: Helgi L. Petersen 45. 1-2: Nenad Saric 51. 1-3: Frank Poulsen 64. 1-4: Dánial Pauli Højgaard 87. 1-5: Dánial Pauli Højgaard 90. B36-B68 0-1 (0-0) 0-1: Jann Ingi Petersen 83. KÍ-NSÍ 3-4 (0-1) 0-1: Jann Martin Mortensen 36. 1-1: Fríðin Ziskason 48. 1-2: Klæmint Olsen 52. 2-2: Eyðun Klakstein 59. 2-3: Fróði Jóanesarson 61. 2-4: Fróði Jóanesarson 79. 3-4: Álvur F. Christiansen 85. 25. umfar 29. september B68-FSV04 3-2 0-1: Heron 10. 1-1: Dánial Hansen br 43. 1-2: Sigtór Petersen 55. 2-2: Dánial Hansen 73. 3-2: Arnbjørn Danielsen 90. ÍF-HB 7-0 (4-0) 1-0: Atli Petersen 2-0: Atli Petersen 3-0: Bartal Eliasen 4-0: Dánial Pauli Højgaard 5-0: Dánial Pauli Højgaard 6-0: Nenad Saric 7-0: Bartal Eliasen LÍF-TB 0-3 (0-1) 0-1: Olivur Abrahamsen 30. 0-2: Olivur Abrahamsen 79. 0-3: Olivur Abrahamsen 90. NSÍ-B36 1-1 (0-1) 0-1: Høgni Eysturoy 20. 1-1: Øssur Dalbúð 70. Reytt kort: Bárður H. Joensen, B36, 79. (tvey gul) SÍ-KÍ 1-0 (1-0) Georg Haraldsen 30. Reytt kort: Ingi Ole-Jacobsen, SÍ, 85.