fríggjadagur 5. oktober 2007síða 15

Nr. 193 - 5. oktober 2007 15 Minningarhald verður við urnina hjá Claus Amund­ sen leygardagin klokkan 13 í Kirkjugarðskapellinum. Tey, ið vilja minnast Claus, kunnu lata børnunum eina gávu. Konta í Suðuroyar Sparikassa. Jarðarferðin hjá Sofus í Selvindi verður úr Sjóar kirkju leygardagin klokkan 13. Tey, ið vilja minnast Sofus, kunnu lata eina peningagávu til nýtt missi­ ónshús á Strondum, konta í peningastovninum. Heðin Müller, ættaður úr Vági, búsitandi í Humle­ bæk, andaðist týsdagin 69 ára gamal. Jarðarferðin verður leygardagin kl 12 úr Humlebæk kirkju. Leivur Clementsen fer til gravar úr Skopunar kirkju leygardagin klokkan 12. Sungið verður úr sálmabókini. Andlát og jarðarferðir nøvn Á hesum síðum bera vit tíðindi um merkisdagar, so sum rundar føðingardagar, brúdleypsdagar, starvssetanir o.t. nøvn SAMBAND MAgNuS guNNArSSoN MAggi@SoSiAluriN.fo tlf 341800 fAx 341801 Tøkk Hjartaliga takka vit tykkum øllum, sum sýndu samkenslu, tá mamma, vermamma, omma og langomma okkara Christina Helena Debes Tórshavn andaðist og varð jarðað. Takk fyri blómur og kransar og tøkk til tykkum, sum fylgdu henni til hennara seinasta hvíldarstað. Tøkk til tykkum, sum hjálptu til við jarðarferðina og ervi. Serstaka tøkk til starvsfólk á Nærverkinum, Ellisheiminum og Heimið við Vallalíð. Familjunnar vegna Fróði, Laurits, Niclas og Pauli Tøkk Hjartaliga takka vit tykkum øllum, sum á ymiskan hátt sýndu samkenslu, tá okkara elskaði maður, pápi, verpápi og abbi Rólant Høgnesen gjørdist sjúkur, doyði og varð jarðaður. Tøkk fyri blómur, kransar, heilsanir og peningagávu til Føroya Felag móti krabbameini. Eisini takka vit tykkum, sum á ymiskan hátt hjálptu, stuðlaðu og vitjaðu Rólant, meðan hann var sjúkur. Tøkk øll tit, sum fylgdu honum til hansara seinasta hvíldarstað. Familjunnar vegna Jóngerð Anna, Carl og Egin Jarðarferð Minningarhald verður við urnuna hjá Claus Amondsen leygardagin kl. 13.00 í Kirkjugarðskapellinum. Fyri tey avvarandi Lisa Hendriksdóttir Tey, ið vilja minnast Claus, kunnu lata børnunum eina peninga­ gávu, konta í Suðuroyar Sparikassa, 9870­102.604.7 . Leygardagin 6. oktober fyllir Dia Ellindson, ættaður úr Æðuvík, búsitandi í Runavík, seksti ár. Hann er sonur Ellender Davidsen, róptur Ellindur og Súsonnu, rópt Sanna. Bæði vóru ættað úr Æðuvík. Dia er elstur av fimm núlivandi systkjum. For­ eldrini mistu okkurt barnið undir føðing ella beint eftir, og tá ið Dia var føddur, var hann eisini ógvuliga sjúkur. Kortini var hann so mikið seigur, at hann kom undan. Dia var soleiðis sjúkur heilt frá barnsbeini av, og tað gekk rættiliga leingi, áðrenn tey funnu út av, hvat var galið. Umsíðir komu læknarnir fram til, at hann hevði hol í millumgøgnini. Dia noydd­ ist niður á Ríkissjúkrahúsið, har hann fekk stóra skurð­ viðgerð. Undan viðgerðini hevði hann tað ikki gott og var nógv sjúkur. Dia fekk soleiðis ongan serligan start í lívinum, men eftir skurðviðgerðina gjørdist hann nógv betri fyri og kundi fara til arbeiðis. Longu sum 15 ára gam­ alur fór hann at rógva út við Morging Star. Har var hann fýra túrar. Hann var ringur av sjóverki, og hóast hann eisini var á sild við Vestur­ havinum Blíða og seinni við ymiskum farmaskipum og ferðamannaskipinum Tjaldrinum, slapp hann ongantíð av við sjóverkin. Dia hevur havt ymiskt fyrifallandi arbeiði á landi, eisini millum túrar. Hann hevur arbeitt hjá kommunu, Landsverki, SEV og Bakkafrost á Glyvrum. Seinasta arbeiðsplássið hjá honum var á Røktar­og Ellisheiminum í Runavík. Har arbeiddi hann í 11 ár út í eitt. Hetta var frá miðskeiðis í áttatiárunum til miðskeiðis í nítiárunum. Øll árini starv­ aðist hann í køkinum sum hjálparfólk, og hetta dámdi honum sera væl. Hann hevur mangan sagt, at hetta var ein góð tíð. Dia gekk í barnaskúla í Æðuvík, men tá skúlin varð niðurlagdur síðst í fimti­ árunum, flutti hann heim á Toftir at ganga í skúla. Sum ungur var hann á Føroya Fólkaháskúla, og seinni var hann eisini á einum háskúla á Jútlandi. Sjálvur hevur Dia sagt, at háskúlatíðin var ein ógvuliga góð tíð hjá honum. Um hetta mundið minnist hann serliga, tá ið sjómarkið varð flutt út á 12 fjórðingar á grækarismessu í 1964. Veturin 1977/1978 gekk hann á kokkaskúla í Klaks­ vík, og eitt stutt skifti gekk hann eisini á slaktaraskúla í Roskilde í Danmark. Men slaktari bleiv hann ongantíð. Dia hevur altíð havt stór­ an áhuga fyri samfelags­ viðurskiftum, og hann er tjóðskaparsinnaður um ein háls. Um vetrarnar er hann aktivur í Eysturoyar Dansi­ felag, har hann eisini skipar onkra vísu. Nú Dia fyllir seksti í morgin, fara vit at ynskja honum hjartaliga tillukku við degnum, samstundis sum vit ynskja honum og øllum gestum hansara eitt minniligt kvøld í Sjókaféini í Runavík leygarkvøldið 20. oktober. Tey, ið ynskja at gleða Dia, tá hann heldur seksti ára føðingardagin, kunnu tekna seg á tlf. 268296 ella 448204 í seinasta lagi 16. oktober. ­vilmund. Dia Ellindson fyllir seksti Dia, sum í morgin fyllir seksti, hevur stóran áhuga fyri samfelagsviðurskiftum, og hann er tjóðskaparmaður um ein háls Mynd: Vilmund Jacobsen Dagurin 6. oktober. Broderus. Ókent halgimenni. 7. oktober. Amalia. Teir vita um onga halgikvinnu við hesum navni, men navnið er einaferð komið í álmanakkan í staðin fyri Birgitta, ið helst er Birgitta úr Vadstena í Svøríki (1302­1373). 8. oktober. Ingibjørg. Helst gamla navnið Ingiburgh, men eingin veit hví tað er komið í álmanakkan. Prógv Durita Mortensen, Trongisvágur, hevur 27. august 2007 fingið prógv sum cand. pharm., frá Københavns Uni­ versitet, Det Pharmaceutiske Fakultet.