fríggjadagur 5. oktober 2007síða 9

Nr. 193 • 5. oktober 2007 Vikuskifti 9 Show í næstu viku 11. oktober fara Meyla, S’marni, Dia Regin og Jógvan L. at framføra enn eitt ógloymandi show í Norðurlandahúsinum. Atgongumerki til Lort í býin eru at fáa í í Norðurlandhúsinum og Kunningarstovunum í Havn, Runavík og Fuglafirði. Eisini ber til at keypa atgongumerki á heimasíðuni www.nlh.fo Meyla til Meylu Meyla hevur sín egna brævkassa í STROK, har hon svarar spurningum frá lesarum. Hevur tú hug at spyrja Meylu um okkurt kanst tú senda spurningin til meyla@strok. net Sjálvt um Meyla hevur úr at gera við fyrireikingunum til Lort í býin og nýggju STROK-fløguna, hevði hon kortini tíð at svara hesum spurningunum fyri Sosialin. Hvat er tað fyrsta tú minnist? Hundin hjá ommu, Perla, tá hann slikkaði mær í andlitið, meðan eg grulvaði. Eg minnist ikki ordiliga, hvar eg grulvaði. Hvønn lit dámar tær best? Ringt at velja. Mær dámar væl grønt, blátt og reytt, pink svart. Ja, faktiskt alla litir uttan ljósa appilsingult Hvat ert tú bangin fyri? Fyrr var eg bangin, tá tað myrkt, men tað eri eg ikki meira. Onkuntíð eri eg bangin fyri at hava ongan at spæla við. Hvat dámar tær best at eta? Ofta blívi eg nokk so slikksjúk, men aftaná fái eg ofta ilt í búkin. Nær verður tú kedd? Seinast eg bleiv ordiliga kedd var, tá mín besti vinmaður, Knøttur, flutti av landinum. Nær verður tú glað? Tá eg syngi sjálvandi. Hvar hevur tú verið og ferðast? Ja, eg havi ofta verið í Norra, og so einaferð í Danmark. Og so kundu eg og Gløggi Blobb (hann arbeiðir eisini fyri STROK) gott hugsa okkum at sloppi til Galabagos oyggjarnar. Hvat dugur tú best? Eg dugi best at vera ein góður vinur. Hvat dámar tær best við tær sjálvari? Eg veit ikki ordiliga hvat tú meinar við - eg eri ikki mannaátari! Hevur tú nøkur góð ráð til føroysk børn? Minst til, at øll kunnu vera sum tey eru, og ikki arga – tað er ljótt! Faktiskt havi eg sungið ein sang um tað, sum eitur “Eg eri, sum eg eri” Hvønn sært tú upp til? Tað eru faktiskt ikki nógv, sum eru hægri enn eg. Men eg havi eina- ferð møtt einari gentu í Norra, sum var nogv longri enn eg. Hvat er tað stuttligasta, ið tú hevur upplivað? Lort í býin og at gera fløgur. Hvar fært tú klæðini frá? Ofta tá tað er show, so er tað ein kona, sum eitur Óluva, sum hjálpir mær. Hon dugir ordliga væl at velja út klæðir og eisini at gera klæðir. Hvat dámar tær best at drekka? Mjólk! Men tá eg havi eg sparkað ordiliga leingi vil eg helst hava ísakalt vatn... ella Cola Hevur tú onkran vana? Hvørja fer STROK kemur, so má allarfyrst síggja mína síðir, at vita um alt kom við og hvørja myndir eru og sovorið. Hvat heldur tú um at pilka nøs? Tað er vemmiligt. Einaferð turkaði Knøttur ein bussimann í buksirnar, púllakk!!! Eg mundi spý! Hvussu er ein góður vaksin? Ein, sum hevur tíð at lurta og koma niðan á plenuna sparka, og sum flennir nógv. Hvussu er ein góður vinur? Líka sum eg! Hvat gongur tú til í frítíðini? Fótbólt, og so kundi eg gott hugsað mær at gingið til karate. Men frítíðin hjá mær fer næstan øll til at skriva og syngja og sovorðið fyri STROK Hvat dámar tær best í skúlanum? Sang og sparka í fríkorterinum og skriva frístíl Hvønn kendan kundi tú hugsað tær at hitt? Kim Jung Il ella Koffi Annan ella Ronaldo Hvønn sang dámar tær serliga væl? “I did it my way” við Frank Sinatra. Babba eigur sangin og hann er ordiliga góður. Babba og eg syngja altíð hart við – altso bara, tá vit eru einsamøll heima. Hvat skulu vit gera, fyri at minka um lortin í býnum? Taka hann upp! Minnast til altíð at hava posa við, tá man gangur túr við hundinum. Tað havi eg altíð, tá eg gangi túr við Perlu hjá ommu. Hvat kundi tú hugsað tær at verði, tá tú verður stór? Bara ikki longri enn eg eri nú. Og so kundi eg eisini gott hugsa mær at arbeitt á Galapagos, men eg veit ikki ordiliga, hvat arbeiði tey hava har. Ella veri sangari, kanska... Kunnu vit fáa tína bestu mat- ella køkuuppskrift? Tað er ikki ordiliga ein køkuuppskrift, men eg elski skons, og serliga hesi, sum vóru í Lætt og Leskiligt í STROK: Meyla svarar Jogurt skons Skonsini smakka best nýbakað við smøri og einum stórum glasi við ísakaldari mjólk afturvið, mmm… Tú skalt brúka: (8 stk.) 225 g av mjøli 3 tsk av bakipulvuri 1 dl av fruktjogurti 1 spsk av smeltaðum smøri 1 egg 1 eggjareyða at pensla við Soleiðis gert tú: Lat mjøl og bakipulvur í ein bolla. Rør jogurtið í, og síðani eggið og smeltaða smørið. Elt deiggið væl saman og um neyðugt, so koyr eitt sindur meiri av mjøli í. Být deiggið í tvey og rulla tveir bollar. Trýst bollarnar flatar og sker teir í fýra (tríkantar). Legg skonsini á eina bakiplátu, ið er klædd við bakipapíri, og smyr tey við eggjareyða. Skonsini skulu bakast á 225 ºC í uml. 10. min. Í november kemur nýggja STROK-fløgan við sangum, sum Meyla og fleiri framføra Lagt til rættis: Rigmor Dam