mánadagur 8. oktober 2007síða 30

30 [ Nr. 194 - 8. oktober 2007 ] Lyngby fekk try mál kolldømd Lyngby vitjaði sunnudagin í Horsens, og dysturin hjá superligaliðnum, har Christian Lamhauge Holst er ein av spælarunum, endaði við 2-1 tapi. Lyngby sendi fýra ferðir bóltin í málið, men tríggjar ferðir kolldømdi dómarin málini. Tvær ferðir orsaka av frísparki og eina ferð orsaka av rangstøðu. Harafturat misnýtti Lyngby eisini eitt brots- spark. Málið hjá Lyngby skoraði Mikkel Beckmann, og Christian Lamhauge Holst var sum vant fyri frá byrjan. Henrik Larsen dugir enn Fríggjadagin spældu veteranarnir hjá Lyngby finaluni í landskappingini á Sælandi, og tað eydnaðist Lyngby at vinna finaluna ímóti Næstved 4-1. Millum spælararnar á liðnum hjá Lyngby var fyrrverandi føroyski landsliðsspæarin í fótbólti Henrik Store Larsen. Aðrir spælarar á liðnum vóru Klaus Berggreen, Torben Piechnik, Bent Christensen og Peter Packness. Fimm mál í tveimum dystum 21 ára gamli EB/ Streyma-áleyparin, Arn- bjørn Hansen, hevur rættiliga funnið formin síðstu dystirnar. Fimm mál í síðstu tveimum dystunum talar fyri seg, og áleyparin var sum vera man vælnøgdur eftir 6-1 sigurin á VB/ Sumba, har hann fekk tvey av málunum. - Vit vistu, at hetta kundi gerast ein harður dystur. VB/Sumba hevði einki trýst á sær undan dystinum, og seinast teir vóru á vitjan her, førdu teir 2-1 nak- að inn í seinna hálvleik og tí vóru vit eisini klár- ir frá byrjan av í dag, segði Arnbjørn. Hann helt eisini, at fyrsta málið hevði stór- an týdning henda dag- in. - Tað hevði ógvuliga nógv at siga fyri okkum at fáa fyrsta málið so tíðliga, tí so mátti VB/ Sumba fram á vøllin. Hetta gav okkum betri pláss á vøllinum, og tí gjørdist uppgávan hjá okkum heldur lættari, metir Arnbjørn. Nú bert seks stig eru eftir at spæla um, liggur EB/Streymur á triðja plássi trý stig framman fyri HB, og Arnbjørn dylur ikki fyri, at liðið fer eftir bronsuni. - Ja, nú fara vit eftir bronsuni. Tað eru bert seks stig eftir at spæla um, so vit eru í eini góð- ari støðu. Vinna vit á B36 næsta vikuskiftið, so vera vit harafturat bert eitt stig aftanfyri teir, so í besta føri kunnu vit eisini enda á øðrum plássi. Men mál- ið er fyrst og fremst at fáa bronsuna, staðfestir Arnbjørn. Eingin sum helst ivi var um úrslitið, tá tey bæði felagsliðini í Formuladeildini møttust sunnudagin. EB/Streymur sendi VB/Sumba um Suðuroyarfjørð við einum 6-1 tapi, og sigurin hjá heimaliðnum var ikki eitt mál ov stórur FÓTBÓLTUR Teitur Joensen teitur@sosialurin.fo EB/Streymur skuldi royna at varðveita bronsuplássið í formuladeildini sunnudag- in, tá teir tóku ímóti VB/ Sumba, sum longu undan dystinum var dømt til niður- flyting úr bestu mansdeild- ini. Undan dystinum var heldur eingin ivi um, at EB/ Streymur var stórfavorittur at varðveita sína góðu støðu í oddinum, men móti endan- um av einum kappingarári vísir tað seg ofta, at liðini, sum slett einki hava at spæla fyri, ofta yvirraska ímóti oddaliðunum. Seinast VB/Sumba var á vitjan í Stremnesi fyrr í ár, førdu teir eisini 2-1 út í seinna hálvleik, og tí var als ikki óhugsandi, at saman- setta liðið úr suðuroynni enn einaferð kundi leypa ein hvøkk á EB/Streym. Tað skuldi tó ikki vera henda sunnudagin, at VB/ Sumba yvirraskaði í Streym- nesi, tí EB/Streymur lat snøgt sagt ongan iva vera um úrslitið, og tá dysturin var komin at enda, hevði heimaliðið vunnið størsta sigurin á árinum. Heimaliðið skoraði beinanvegin Tað gekk ikki long tíð, áðr- enn tað gjørdist greitt, at hetta kundi gerast ein lang- ur dystur fyri gestirnar úr VB/Sumba, tí dómarin, Ransin Djurhuus, hevði ikki meir enn sett dystin í gongd, so lá bólturin fyri fyrstu ferð í málinum hjá gestunum. Eftir bert ein góðan min- utt fekk EB/Streymur inn- kast í vinstru síðu. John Heri tveitti innkastið inn í brotsteigin, har bólturin bleiv longdur. Við aftaru stong fekk Arnbjørn Hansen fatur á leysa bóltinum, og hann gjørdi ikki matari enn at lyfta bóltin upp um mál- mannin, áðrenn han skallaði bóltin síðsta pettið í málið, og so var 1-0. Og tað gingu bert góðir átta minuttir, so var aftur mál til EB/Streym. EB/Streymur gjørdi eitt skjótt skifti úr høgru síðu yvir í vinstru síðu, og har gjørdist Hans Pauli Samuelsen brádliga púra leysur. Einsamallur við málmanninum sveik hann ikki, og so var 2-0, og dystur- in tóktist eftir bert 10 minutt- um at vera avgjørdur. Heimaliðið var tó ikki liðugt enn. Á hálva tímanum var nevniliga aftur galið í verjuni hjá VB/Sumba. Enn einaferð kastaði EB/ Streymur eitt langt innkast inn í brotsteigin, og har fekk Sorin Anghel fatur á leysa bóltinum. Hann spældi bóltin út frá til Hans Paula, sum smekkaði til í stongina og inn, og so var 3-0 til EB/Streym. Eitt sera vakurt mál av Hans Paula. Eftir hetta hevði EB/ Streymur kjansir at økja enn meir um leiðsluna, og tættast var Sorin Anghel, tá Arnbjørn Hansen spældi hann púra leysan, men Vlada í málinum bjargaði. Málveitslan helt fram Undan steðginum hevði EB/Streymur spælt rættiliga væl til tíðir, men fyrstu løt- una av seinna hálvleiki sást einki til sama góða spælið. Hesa løtuna var lítið skil á spælinum, men tað var tó framvegis EB/Streymur, sum setti dagsskránna. So við og við byrjaði heimaliðið tó at finna góða spælið fram aftur, og hetta gav eisini úrslit, tá seinni hálvleikur var knapt hálv- runnin. Eitt innkast í vinstru síðu endaði við, at John Heri fekk bóltin. Hann sendi bóltin inn í brotsteigin, og har var Anbjørn fyrstu á bóltinum, og so var 4-0 til EB/Streym, og enn hevði VB/Sumba ongan veruligan kjans havt í dystinum. Men nakað aftan á 4-0 málið fekk VB/Sumba sín fyrsta kjans, og hetta gav eisini úrslit. Teir tóku eitt stutt hornaspark, áðrenn bólturin bleiv sendur inn í brotsteigin. Har var Dmitriy hægstur og skallaði bóltin í málið, og so var 4-1. Tað gekk tó ikki long tíð, so svaraði EB/Streymur aft- ur. Teir fingu fríspark í høgru síðu, og inni í brots- teigin var Sorin Anghel hægstur, og so vóru aftur fýra mál á muni. Tað skuldi tó koma eitt mál afturat í dystinum, og eisini hetta átti EB/Streym- ur. Eitt skjótt mótálop end- aði við, at Bárður Olsen spældi Sorin Anghel frían í vinstru síðu. Hesin rak seg leysan av tveimum mót- støðumonnum, áðrenn hann spældi bóltin aftur til Bárð, sum hevði runnið seg í góða støðu. Úr fimm metrum kundi Bárður lætt senda bóltin í netið til endaligu støðuna 6-1 til heimaliðið. Við knúsandi sigrinum staðfesti EB/Streymur sína støðu sum nummar trý í formuladeildini, og spælið hjá heimaliðnum var eisini til tíðir rættiliga gott henda dagin. Tað kann heldur ikki setast ein fingur á úrslitið, tí EB/Stremur var stutt sagt klassar betri enn VB/sumba, sum má finna heilt annað spælt fram, um teir ætla at enda tilveruna í formula- deildini á ein rímiligan hátt. EB/Streymur-VB/Sumba 6-1 (3-0): EB/Streymur bukaði botnliðið EB/Streymur helt um vikuskiftið fast í bronsuplássinum við einum knúsandi 6-1 sigri á botnliðnum VB/Sumba. Mynd: Sofus Debes Johannesen VB/Sumba EB/Streymur