týsdagur 9. oktober 2007síða 15

Nr. 195 - 9. oktober 2007 15 Andlát og jarðarferðir Á hesum síðum bera vit tíðindi um merkisdagar, so sum rundar føðingardagar, brúdleypsdagar, starvssetanir o.t. nøvn SAMBAND MAgNuS guNNArSSoN MAggi@SoSiAluriN.fo tlf 341800 fAx 341801 Mortan Petersen av Hvítanesi á Tvøroyri, andaðist leygardagin 81 ára gamal. Kistan fer úr kappelinum á Tvøroyrar sjúkrahúsi í kvøld klokkan 18. Jarðarferðin verður úr Tvøroyrar kirkju miku­ dagin kl. 13. Tey, ið vilja minnast Mortan, kunnu lata Eldrasambýlinum við Sýlánna eina peninga­ gávu. Konta í Føroya Banka. Símun Leo Einarsson ættaður úr Rituvík búsitandi í Lamba, andaðist sunnudagin 52 ára gamal. Jarðar­ ferðin verður úr Glyvrar Kirkju fríggjadagin kl. 14. Dánjal Petur Hansen, av Nesi, vanliga nevndur Petur, andaðist á Eysturoyar Røktar ­og Ellisheimi leygardagin, 81 ára gamal. Kistan fer av Røktar­ heiminum í Runavík týskvøldið kl. 18. Jarðarferð­ in verður úr Fríðrikskirkjuni mikudagin kl. 14. Tey, ið vilja minnast Petur, kunnu lata Parkinsonfel­ agnum eina peningagávu. Konta í Føroya Banka Andlát og jarðarferðir Kunngjørt verður fyri ætt, vinum og kenningum, at mín elskaði maður og kæri pápi, verpápi, abbi og langabbi okkara Dánjal Petur Hansen vanliga nevndur Petur á stykkinum av Nesi andaðist á Eysturoyar røktar- og ellisheimi 6. oktobur, 81 ára gamal. Jarðarferðin verður úr Fríðrikskirkjuni mikudagin kl. 14. Vegna familjuna Mary Elsa, Margretha, Hans Terji, Andrias Alberg, Magnus, Dagmar og Eyðbjørg Tøkk Hjartaliga takka vit øllum, sum sýndu samkenslu tá góða mamma, vermamma, omma og langomma okkara Magdalena Olsen á Válinum andaðist og varð jarðað. Takk til starvsfólk og búðfólk á sambýlinum í Vestmanna. Takk fyri vakran sang og andakt, tá komi varð í kirkjuna. Takk til Marjun Bæk prest, Magna Cristiansen fyri vakran sang, kirkjutænarar, sangarar, berarar, gravarar og øllum tykkum sum hjálptu til við jarðarferðina. Takk fyri blómur, kransar og peningargávur til missiónshúsið og kirkjuna, og tykkum, sum fylgdu henni til hennara seinasta hvíldarstað. Familjunnar vegna Marin, Dinna, Magnina, Hanna, Iva, Vilhelm Magnus, Elsa og Kári Dagurin 10. oktober. Gereon, deyður umleið ár 300. Eftir halgi­ søguni kristin herhøvdingi, sum varð tikin av døgum. Føðingardagur Í dag, týsdagin 9. oktober, fyllir Pól Dánjal Poulsen, bussførari á Strondum, 50 ár. Opið hús verður heima á Rættartrøðni frá kl. 18, har øll eru vælkomin. Nú Sofus er farin leita tankarnir aftur í takksemi yvir at hava kent hendan merkismann. Tað var sum reiðari at vit komu at kenna Sofus, við tað at Ingolf sigldi við Kambi. Tað eru slíkir vinnulívsmenn við tí hugburði, sum Sofus hevði, sum hava ment og ríkað okkara samfelag. At verða heiðurligur, reiðiligur og at gjalda hvørjum sítt, vóru dygdir hann legði seg eftir. Hetta eru lyndiseyðkenni, ið ikki kunnu metast nóg høgt. Eg trúgvi hesar dygdir eru førningur, hann hevur ført víðari frá abbabeiggjunum, sum eisini høvdu reiðaravirksemi. Trúfesti og livandi áhugi eyðkendu eisini Sofus. Sjálvt um tað eru fleiri ár síðani vit høvdu vinnuligt samband við Sofus, hevur samskifti verið hildið við líka alla tíðina. Eg og Sofus funnu eina ávísa frægd í at verða ósamd um ymisk lívsins viðurskifti. Við hansara arg­ andi lyndi høvdu vit mangar stuttlig­ ar samrøður. Sofus var gávumildur sum fáur, men hann vildi verða tað í loyndum; sum tað stendur, lat ikki vinstru hond tína vita hvat høgra hond tín ger. Seinast eg tosaði við Sofus tosaði hann um, at tá lívsins stormar herja, hava pengar so ómetaliga lítlan týdn­ ing. Tá liggja virðini á einum hægri stað. Vit gleddust eisini saman um, at eftir svára sorg, var áræðið og gleðin yvir lívið byrja at rakna við aftur. Sóley, Lis og Sólva, fyri tykkum má tað kennast ómetaliga svárt, at bert eftir 10 mánum hava bæði móð­ ir og faðir hendur slept. Hesar hend­ ur, sum frá fyrsta degi av hava vart og fjálga tykkara lív. Tá eru lyftini góð um hendur, sum ikki sleppa í Heb. 13,5: »Eg skal als ikki sleppa tær og á ongum sinni fara frá tær.« Jesus styrki tykkum við familjum. Eisini mammuna og systrarnar við familjum; Rósing og Niels Jacob við familjum og øllum, sum varða av. Heilsan við áskriftini á blaðnum til jarðarferðina, 1. Pætursbræv 5,7: »Kastið alla sorg tykkara á Hann, tí at Hann hevur umsorgan fyri tykk­ um.« Sólfríð og Ingolf Minningarorð um Sofus í Selvindi