fríggjadagur 12. oktober 2007síða 6

6 tíðindi Nr. 198 - 12. oktober 2007 Gott fótbóltsveður til landsdystin Tá fraklendingar seinastu vitjaðu her fyri trimum árum síðani til landsdyst, var veðrið ikki teimum til vildar. Hesa­ ferð verður kortini øðrvísi, tí veðrið verður nevniliga av tí besta. Ongum nýtist tí at setast aftur til dystin, orsakað av veðri. Morgindagurin byrjar við einum strúki av útsynningi og ælingi, men tá tað fer at nærkast dystarbyrjan klokkan 16 slítur hann í. ­ Óhugsandi er ikki, at onkrir sólarglottar verða undir dystinum á Tórsvølli í morgin, sigur veðurmaðurin Petur Skeel Jacobsen. Hitin verður millum 10 og 13 stig. Einki politiskt comeback frá Signari - Eg eri farin burtur úr politikki, og eg ælti mær ikki upp í aftur. Nú gangi eg upp í skúlastjóra- starvið í Klaksvík við lív og sál, sigur Signar á Brúnni POLITIKKUR Síðani í fjør hevur Signar á Brúnni úr Fuglafirði ver­ ið skúlastjóri í skúlanum á Ziskatrøð í Klaksvík. Í fyrstu syftu var ætlanin, at Signar skuldi traðka til eitt styttri tíðarskeið, men nú er hann í føstum stjóra­ starvi í skúlanum. ­ Eg fekk ein áheitan frá Mentamálaráðnum um at gerast skúlastjóri í Klaks­ vík, meðan søkt var eftir nýggjum stjóra, og eg tók av tí. Eg kendi meg sera vælkomnan í Klaksvík, og tá søkt varð eftir nýggjum stjóra, fekk eg fleiri áheit­ anir um at søkja starvið, og tað gjørdi eg, segði Signar á Brúnni við Rás 2 í gjár. Hóast Signar á Brúnni er kendur sum politikari, hevur skúlin í enn størri mun verið partur av hans­ ara yrkisleið. ­ Skúlin hevur verið mítt lív. Eg hevði verið í banka­ læru, men søkti so at verða vikarur í Gøtu skúla í 1963. Og eg kendi beinanvegin á mær, at hetta var tað rætta fyri meg. Eg tók síðani útbúgving sum lærari og havi virkað í skúlanum síð­ ani, sigur Signar á Brúnni, ið áður hevur verið løgtings­ og landsstýrismaður. Hann ætlar sær ikki at gera comeback í politikki. ­ Eg eri farin burtur úr politikki, og eg ælti mær ikki upp í aftur. Nú gangi eg upp í skúlastjórastarvið við lív og sál, og tað ætli eg mær framhaldandi at gera. Mær dámar væl at royna nakað nýtt innan skúlan, og tað geri eg í Klaksvík, og eg eri helst mettaður av polit­ ikki, sigur Signar á Brúnni. UmmæLI konsert við Acoustica Trio & Stanley Ragnar Olsen, guittarleikari Norðurlandahúsið var karm­ ur um eina sera væleygnaða konsert sunnudagin. Nógv fólk var komið at lurta eftir hesum trimum harrunum við Stanley Samuelsen á odda. Steen Vidar Larsen – Øis­ tein Rian og Stanley Samu­ elsen í danna triona “Acou­ stica” løgdu karmar um eina sera viðkomandi konsert, við teirra innlivandi guitarspæli og vakra sangi var eingin ivi um, at talan er um eina professionella framførslu av norskum – føroyskum – og enskum løgum. Teir tríggir harranar sup­ pelera hvønannan sera væl. Stanley sang tey føroysku løgini vakurt og expressift. Stanley var eisini lead ­ solo – guitarist men hinir báðir fingu eisini høvi at vísa teirra Guirarkynstur. Konsertin var víttfevnandi og við at skapa ein slíkan bólk av norðurlenskum tón­ leikarum gevur hetta ein sera áhugaverdan urdrátt av løgum og víttfevnandi reptu­ ari. Sum indvilistar stóðu Normennir seg eisini sera val og serliga vakurt var at hoyra teir hava hvørsítt boð upp á sangir hjá The Eagels. At hoyra hesar tíggjar menninar syngja trístemt harmoni kundi veruliga minna ein á tíðina, tá Crosby Stills & Nash og The Eagels vóru í hæddini. Vakurt og Poetiskt. Ein heilstoypt konsert í serklassa. Tríggir harrar – tríggir guitarar Seyðauppboðsøla í Tinghúsgarðinum Í morgin, leygardagin 13. oktober kl. 12:00, verður almenn seyðauppboðssøla í Tinghúsgarðinum í Havn millum Eik Banka og Tingúsið. Seld verða veðrar og veðurlomb úr Toftahaga í Hósvík, og uppboðshaldarar verða tíðindafróðu Sjúrður Skaale og Tórbjørn Jacobsen, sum á sín skemtiliga hátt fara at selja fýrbeintu hósvíking­ arnar til hægstbjóðandi. Fyriskipari er Róðrarfelagið Knørrur í Havn, og innkomni peningurin fer allur til at reka virksemið hjá felagnum. Tórshavnar Býráð samtykti hóskvøldið eina stórfingna og kostnaðarmikla ætlan, sum skal føra til, at Vestaravág í framtíðini skal gerast rein fyri olju og skitnum spillvatni UmHVØRVI Leo Poulsen leo@sosialurin.fo Ein stórur partur av býráðs­ fundinum í Tórshavnar Kommunu í gjárkvøldið snúði seg um umhvørvið. Sambært lóg er tað álagt kommununum at kloakera og reinsa alla útrenning á sjógv í seinasta lagi í 2010, og sum ein lið í hesi álegg­ ing samtykti býráðið, at gera kloakk frá Ellisheimin­ um til Bryggjaríið hjá Res­ torff. Hendan skal síðani bindast í verandi kloakk sum partur av reinsanini av Rættará, sum so aftur er leidd út á Vestaruvág. Víst verður í tilmælinum á, at av tí at talan er um arbeiði í gomlum býarpørt­ um, kann verða trupult at fáa kostnaðarmetingina at halda, og tí verður mælt til, at veg­ og kloakkdeildin hjá komm­ ununi skal gera arbeiðið. Kostnaðarmetingin fyri arbeiðið er mett til umleið eina millón krónur. Tá er tikið við í metingina, at neyð­ ugt verður at leggja nýggjar gongubreytarkantar millum J. C. Svabosgøtu og Fróð­ skaparsetrið. Arbeiðið verður mett at taka tveir mánaðir. Málið varð so endaliga samtykt uttan atkvøðu­ greiðslu á býráðsfundi í gjárkvøldið. Kjølsvín Men eitt er tað, ið verður leitt út á sógv úr áum og klo­ akkum. Eitt annað er tað, ið stavar frá skipum og bátum, ið liggja á vágni. Tað eru bert fáar vikur síð­ ani, at umfatandi oljudálking var á Vestaruvág, sum mett var til fleiri túsund litrar. Stórt uppruddingar­ og reinsi­ arbeiði stóðst av hesi dálking. Men nakað annað er, at havnirnar í kommununi hýsa áleið 600 smábátum, og hesir verða pumpaðir so at siga hvønn dag. ­ Øll, sum hava við smá­ bátar at gera, vita, at tað altíð liggur nakað av olju í kjølinum. Tað slepst ikki undan. Men hendan oljan fylgir við, tá bátarnir verða pumpaðir, og tilsamans gerst talan um kanska fleiri túsund litrar av olju, sum á henda hátt verða pumpaðir út á vágirnar um árið, sigur Heðin Mortensen, borgar­ stjóri. Men tað finst samstundis ein góð og bílig loysn, sum forðar fyri, at hendan oljan endar á sjónum, nevniliga hesi sonevndu kjølsvínini. Hetta eru absorberandi slangur, sum súgva oljuna í seg, so bert reint vatn og sjógvur verður pumpað úr bátunum. ­ Her er talan um eina góða, men samstundis eisini eina bíliga loysn. Eitt slíkt kjølsvín kostar áleið ein hundrakrónuseðil, og so kann hann antin leggjast aftrat havnaleiguni, ella smá­ bátaeigararnir sjálvir syrgja fyri, at eitt slíkt er í bátinum, sigur Heðin Mortensen. Tórshavnar Kommuna er fyrsta kommunan í landin­ um, sum hevur sett slíkt umhvørviskrav til smábáta­ eigararnar. Rein Vestaravág Vestaravág skal gerast púra rein. Alt útlát, tað verið seg áir ella kloakkir, skulu hava reinsiverk á veg út á sjógv, og sum nakað spild­urnýtt skulu allir smábátar í framtíðini hava eitt sonevnt kjølsvín liggjand­i í kjølinum Mynd­: Jens Kristian Vang