mánadagur 15. oktober 2007síða 14

14 tíðindi Nr. 199 - 15. oktober 2007 Ráðgevin hjá Samvit, Steinbjørn í Dali, er júst afturkomin av ferð í Kina, har Eimskip hevur bygt og latið upp størsta frystihús í Asiu. – Tað er undrunarvert, at ein íslendsk íløga í Kina upp á stívliga 100 miljónir krónur kann vekja slíkan ans í einum so stórum og fólkaríkum landi. Íløgan gevur avgjørt íslendingum vind í seglini í Kina, og nú samráðast partarnir um eina fríhandilsavtalu, ið eg meini er hin fyrsta, sum Kina ger við eitt vesturevropeiskt land Vinna Vilmund Jacobsen vilmund@sosialurin.fo Steinbjørn í Dali, sum er ráðgevi hjá Samvit, ið er Ferðaráð Føroya og Menn­ ingarstovan í samanløgdum stovni, var herfyri í Kina, har stóra flutningsfelagið í Íslandi, Eimskip, læt upp velduga stóra frystigoymslu. ­ Vit arbeiða nokso nógv saman við íslendska útflutn­ ingsráðnum, og tað vóru teir, sum bjóðaðu okkum við á hesa sera áhugaverdu ferð. Størsta í Asiu Steinbjørn sigur, at íslend­ ingar gjørdu nógv burtur úr, at frystigoymslan, ið sigst vera hin størsta av sínum slagi í Asiu, alment varð tikin í nýtslu í kinverska havnabýnum, Qingdao, sum er høvuðsfiskabýurin um hesar leiðir við umleið 8 miljónum íbúgvum. ­ Goymslan, sum Eimskip hevur latið byggja, rúmar heili 55.000 tonsum av frystum vørum, og tað er ikki hissini ansur, sum henda íløga hevur vakt í einum so stórum landi sum Kina. Steinbjørn sigur, at Kina hevur latið einar 6­8 býir í landinum upp fyri fríum marknaðarkreftum, og tað var eingin munur á at vera í Qingdao og at vera í einum suðurevropeiskum býi. ­ Vitjanin í hesum býi var sera áhugaverd, og tú sást ikki ta mynd av Kina, sum vit vanliga gera okkum av hesum landi. Í Kina eru tey farin at lata landið upp fyri fríu marknaðarkreftunum, men hetta verður gjørt í stigum, sigur hann. Stórt ferðalag Ráðgevin á Samvit sigur, at soleiðis, sum hann upplivdi vitjanina í Qingdao, seta kinverjar ógvuliga stóran prís upp á tað, sum íslend­ ingar gera í Kina, og tað er ikki smávegis ”good­will”, ið eg dugi at síggja, at íslendingar kunnu vænta sær afturfyri í einum kom­ andi samhandli millum bæði londini. ­ Í fyrsta lagi gjørdu íslend­ ingar sjálvir nógv burtur úr upplatingini – við stórum ferðalagi í Kina, og í øðrum lagi var hópur av kinverjum við til tiltakið og skipaðu fyri ymiskum undirhaldi. Steinbjørn sigur, at eini 350 fólk vóru við í íslendska ferðalagnum í Kina, og flog­ ið varð úr Íslandi í stórum jumbojet­flogfari. ­ Tað var bert eitt fátal, sum ikki vóru íslendingar. Hann sigur, at við í ferða­ lagnum vóru eini 250 starvs­ fólk við makum hjá Eim­ skipum, og síðan vóru eini 100 onnur, tey flestu við­ skiftafólk og ymiskir sam­ starvspartar hjá Eimskipum. ­ Sum eg skilti, høvdu fólk eisini fingið møgu­ leikan at keypa sær bíligar ferðaseðlar á hesi ferðini, sigur Steinbjørn í Dali. Stórfingin móttøka Tað var eingin minni enn forseti Íslands, Ólavur Rag­ nar Grimsson, sum klipti snórin til stóru goymsluna í Qingdao. Men gjørdu íslendingar nógv burtur úr við eitt nú at hava forseta sín við, var hátíðarhaldið, sum kinverjar stóðu fyri, ikki minni stór­ fingið, sum myndir á hesi síðuni vísa. Skipað var fyri eini rætti­ ligari ”sermoni”, har fólk vóru ílatin kinverskar bún­ ar, sum settu sín serstaka dám á løtuna. Steinbjørn sigur, at so nógv gjørdu kinverjar burt­ ur úr, at fleiri umboð úr landspartastjórnini í Kina vóru við til tiltakið, eins og borgarstjórin í Qingdao eis­ ini var við. ­ Kina er eitt so velduga stórt og fólkaríkt land, og tí var tað sera áhugavert at síggja, hvussu nógv teir gjørdu burtur úr hesum, sum eitt so lítið land í heimshøpi sum Ísland kann skapa. Ráðgevin hjá Samvit sigur, at hansara fatan er, at kinverjar seta ógvuliga stór­ an prís upp á tað virksemi, sum íslendingar skapa í Kina. ­ Tú skilti á talunum, sum hildnar vórðu undir hátíðar­ haldinum, at kinverjar sígg­ ja hetta sum eitt ógvuliga stórt vinnuligt framstig í hesum øki í landinum, sigur Steinbjørn. Fríhandilsavtala Frystigoymslan, sum Eim­ skip hevur bygt í kinverska fiskivinnubýnum, kostar stívliga 100 miljónir krónur, og sum skilst, eru møgu­ leikar fyri útbygging, so­ leiðis at goymslukapasi­ teturin kann tvífaldast. Steinbjørn heldur tað vera undrunarvert, at ein slík íløga, sum heldur ikki í okkara mátistokki er serliga stór, kann vekja ein slíkan ans í einum so stórum landi sum Kina. ­ Kinverjar og íslendingar eru eisini í ferð við at samráða seg fram til eina frí­ handilsavtalu millum lond­ ini. Eg havi skilt, at Ísland soleiðis kann gerast fyrsta vesturevropeiska landið, sum Kina ger fríhandils­ avtalu við. Hugsandi er, heldur ráð­ gevin hjá Samvit, at Kina soleiðis velir sær eitt lítið land at gera fríhandilsavtalu við. ­ Ísland er eitt lítið land í kinverskum eygum, og tí halda kinverjar ivaleyst, at ein slík fríhandilsavtala bet­ ur kann yvirskoðast. Íslendingar hava bygt s Goymslan rúmar heili 55.000 tonsum og kann útbyggjast, soleiðis at kapasiteturin kann tvífaldast Mynd: Steinbjørn í Dali Eykasýning við Lort í býin Hóskvøldið og fríggjakvøldið vóru fyrstu sýningarnar av Lort í býin, har til ber at uppliva famniljusjowið við Meylu, S’marna, Jógvan Líggjas og Dia Regin. Tey eru á pallinum saman við tíggju dansarum og klovninum JoJo úr ÚSA. Fleiri nýggir sangir eru komnir afturat teimu longu so væl kendu. Fyrsta framførslan í heysfrítíðini verður í kvøld, mánakvøldið kl. 19.00. Atgongumerki fáast í í Norðurlanda­ húsinum ella á Kunningarstovunum í Havn, Runavík og Fuglafirði. Leikarar: Elin á Rógvi, Jákup Veyhe, Jóannes Lamhauge og Jens Marni Hansen. Vigra stóra framgongd Vigra­floghavnin við Ålesund var tann av teimum norsku rutufloghavnunum, sum hevði ta størstu framgongdina í ferðafólkatali í september. Í síðsta mánað ferðaðust 69.191 fólk um Vigra, og tað var góð níggju prosent fleiri enn í sama mánað í 2006, skrivar Sunnmørsposten. Tor Hånde, flogvallarovasti, sigur við blaðið, at vøksturin stavar serliga frá millumlandsflúgving. Millum annað er SAS farið undir flúgving millum Vigra og London.