týsdagur 16. oktober 2007síða 8

8 tíðindi Nr. 200 - 16. oktober 2007 Týsk sjónvarpsstøð fer á fjall við bónda í Lamba Landsdekkandi sjónvarpsstøðin í Týsklandi; ARD kemur til Føroya 18. oktober. Týsku sjónvarpsmennirnir steðga í Føroyum í 6 dagar. Ætlan teirra er at filma, tá Tórfríður Magnussen og fjallmenn hansara fara á fjall á Eystursíðuni, og á Mjóvanesi í Eystur­ oynni. Upptøkurnar skulu brúkast í sendingini “Weltspiegel” fyrst í November mánað. Weltspiegel er millum týdningarmestu sendingarnar hjá ARD. Tað lá ikki fyri hjá týska sjónvarpsliðnum at koma til Føroya fyrr á árinum. Tí hevur Tórfríður Magnussen latið nøkur gimburlomb ganga eftir. Tórfríður og fjallmenn hansara fara so eftir hesum gimburlombunum, so týsku sjónvarpsmennirnir fáa filma hetta. Kjøtið frá Eystursíðuni og Mjóvanesi er tiltikið gott, og gongur altíð skjótt og væl at selja hetta kjøtið! Vit bara bíða. Tað hevur gingið ógvuliga striltið síðani vit fóru undir verkætlanina, og í løtuni bíða vit eftir, at VMR fær eina eykajáttan, so samráðingarnar veruliga kunnu fara í gongd, sigur Ingi Højgaard SKÁLAFJARÐAR­ TUNNIL Leo Poulsen leo@sosialurin.fo Nú fara skjótt at verða tvey ár síðani, at nevndin fyri Skálafjarðartunnilin lat Vinumálaráðnum umsókn um loyvi at byggja tunnil millum Skálafjørðin og Sund. Men enn hevur bert smávegis fundarvirksemi verið partanna millum. ­ Í løtuni gongur ongan veg. Vinnumálaráðið sigur seg ikki kunna samráðast, tí teir hava ikki neyðugu ekspertisuna, og hana mugu teir keypa sær uttanífrá. Og fyri at kunna gera tað, mugu teir fáa eina eykajáttan frá Fíggjarnevndini, og henni bíða teir eftir. Tað er í hvussu er tað, sum sagt verður, sigur Ingi Højgaard, sum er ein av nevndarlim­ unum í felagnum fyri Skála­ fjarðartunnilin. Hann heldur ikki, at Vinnumálaráðið hevur brúkt serliga nógvar resursir upp á málið, men leggur aftrat, at undarførslan hjá VMR er, at teir verða skornir á hvørjum ári, og at orkan tí bara minkar. Útmeldingin frá Vinnu­ málaráðnum er, at teir vænt­ andi fáa umbidnu eykajátt­ anina um mánaðarskiftið oktober/november, so vit mugu bara vónað, at so verður. Vit vita jú, at val skal verða í seinasta lagi 19. januar, og fáa teir eykajáttanina merkir tað, at vit í besta føri hava ein mán­ að at samráðast í, áðrenn val verður útskrivað. Og tá tað er hent, gerst einki, sam­ bært Vinnumálaráðnum, sigur Ingi Højgaard. Viljin er alt Nevndin fyri Skálafjarðar­ tunlinum stendur tí í einari bíðistøðu, og tað er ikki nøkur ynskistøða. ­ Tað er greitt, at ætlanin verður forskotin fyri hvønn dag, sum gongur. Og tað kann bara dýrka verkætlan­ ina. Vit lótu jú umsóknina inn í januar mánaði í fjør, so tað er ikki akkurát sum, at Bjarni Durholm ikki hev­ ur havt stundir at fyrireika seg í, sigur Ingi Højgaard. Hann sigur, at var tað pengar, sum Vinnumálaráð­ ið bíðaði eftir, so hava teir bjóðað sær at goldið ta hálvu milliónina, sum uttan­ lands serfrøðingurin kostar. Men tað góðtekur VMR ikki, og tað skilir Ingi Høj­ gaard væl. Hinvegin heldur hann, at verður eykajáttanin latin, skuldi nógv kunna latið seg gjørt upp á ein mánað. ­ Er viljin til staðar, ber so nógv til. Og tá vit hava samráðst intenst í ein mán­ að ber avgjørt til at meta um, hvørt tað gerst fuglur ella fiskur, sigur Ingi Høj­ gaard. Tað eydnaðist okkum ikki at fáa orðið á Bjarna Djurholm, áðrenn blaðið fór til prentingar. Í sambandi við kravið frá Heilsufrøðiligu Starvsstovuni um, at allar kommunur skulu hava fullfíggjað og góðkent kloakknet innan ár 2010, verður nú farið undir fyrsta stig at nútíðargera kloakknetið í Nólsoy KLOAKERING Leo Poulsen leo@sosialurin.fo Farið verður nú undir fyrsta stig at gera kloakknetið í Nólsoy tíðarhóskandi. Hetta er ein ætlan, sum fevnir um fíggjarárini 2007 og 2008. Av tí at verandi leiðingar í bygdini ikki finnast í tal­ gildum formi, men bert í skitsum, eru upplýsingarnar um leiðingarnar ivasamar. Tórshavnar Kommuna sigur, at teir hava gjørt eina avtalu við IRF um at tøma rottangarnar í kommununi, og harvið eisini í Nólsoy. Í hesum sáttmálanum skal upplýsast, hvørjir tangar talan er um, og hvussu hesir eru plaseraðir í mun til vega­ netið. Í hesum sambandi hevur Tórshavnar Kommuna heitt á eina fyritøku um at máta allar rottangar í kommununi, og leggja teir inn á eitt tal­ gilt kort. Við at leggja uppmáldu rottangarnar í Nólsoy sam­ an við skitsuni av leiðing­ unum, fæst eitt betri yvirlit av leiðingunum í bygdini, vísir kommunan á. Ætlanirnar fyri 2007 eru annars at leggja allar leið­ ingar, sum í dag verða leidd­ ar í havnalagið, í eitt pumpu­ hús, sum síðani skal pumpa kloakkirnar norður um Kirkjutanga og út á streyma­ sjógv. Í 2008 skal so restin av bygdini kloakerast av nýggj­ um, og millum annað skulu reinsibrunnar setast á leið­ ingarnar fyri hvørjar 40 metrar. Tríkvart millión Fyri góðum ári síðani var so farið undir at gera verk­ ætlan, og ein ráðgevi, Pb Consult, fór í gongd við at gera endaligt projekt. Grøvir skulu gravast til kloakkirnar, og Føroya Tele boðaði frá, at teir vóru áhug­ aðir at verða við í grevstri­ num, tí teir ætla at leggja nýggjan fipurkaðal til alla bygdina. Talan er eisini um eina fjarhitaskipan, sum skal ger­ ast har úti, og tí er ætlanin, at hava hetta í huga. Tað merkir so samstundis, at arbeiðið væntandi fer at taka longri tíð. Tó skal fjar­ hitin ætlandi ikki leggjast í somu grøv, men hinvegin er ætlanin at gera arbeiðið á ein slíkan hátt, at tað slepst undan alt ovn ógvum eyka­ arbeiði, tá fjarhitaleiðning­ urin skal leggjast seinni. Mælt var til, at arbeiðið varð boðið út í einum, tó so, at arbeiðstøkan verður deild upp í tvey stig, ovari og niðari partur av bygdini. Tekniska nevnd hevur síð­ ani mælt til, at játta 750.000 krónur at fíggja kloakker­ ingina. Og hóskvøldið samtykti býráðið so at játta hendan pening, so arbeiðið kann bjóðast út. Kanna havbotnin Síðani tann 1. oktober hevur norska havrannsóknarskipið G. O. Sars kannað havbotnin fram við Troms­strondini og úti fyri Andøya. Kanningarnar eru liður í einari stórari verkætlan, og eftir henni skulu serfrøðingar kanna umleið tvær mió. ferkilometrar av havbotninum fram við norsku strondini. Granskararnir hava longu funnið nógv sjáldsamt og óvæntað. Millum annað komu teir fram á hesa havmúsina uttan fyri Troms­strondina. Tað gongur púra ogan veg Kloakknetið nútíðargerast Ingi Højgaard ótolnast eftir, at nakað skal henda í málinum um Skálafjarðartunnilin. Men fær VMR eykajáttan, so sum teir hava søkt um, kann nógv gerast eftir einum mánaði Mynd: Jens Kristan Vang