mikudagur 17. oktober 2007síða 23

23 [ Nr. 201 - 17. oktober 2007 ] Gravesen spjaðir gleði í Everton Thomas Gravesens er vendur aftur til sítt gamla felag Everton, eftir at hann hevur verið og roynt seg í Real Madrid og Celtic, og hetta hevur økt um liðandan hjá liðfeløgum hansara. - Hann hevur lyft okkum øll, síðan hann kom aftur. Hann er fantastiskur. Eg var errin av honum, tá hann spældi í Real Madrid, men nú er hann aftur her, hann er superprofessionellur. Ein maður við umsorg, og hann gevur sær stundir til øll, sigur fysioterapeuturin Mick Rathbone við Everton TV. Søguligur sigur til donsku U-17 genturnar Sigurin hjá danska U-17 gentulandsliðiðnum móti Armenia var søguligur á meira enn ein hátt. Á fyrsta sinni spældi eitt danskt U-17 gentulið í EM, og úrslitið gjørdist eisini til metstóran sigur til danir. Heili 24-0 varð endaliga støðan, og má sigast, at hetta er vorðið sum byrjan hjá teimum reyðu og hvítu. Johan Troest David­ sen er klárur til sín fyrsta landsdyst LANDSLIÐIÐ Rólant Waag Dam rolant@sosialurin.fo Kiev, Ukraina: Í grundini hevur hann framvegis aldur at spæla á U21-landsliðnum. Hann kundi verið við í sigrinum móti Aserbajan, men sat í staðin smáskaddur á síðulinjuni og eygleiddi nýggju liðfelagar sínar, sum vóru eyðmýktir av fronskum heimsstjørnum. Nú bilar skaðin ikki meiri. Johan Troest Davidsen kann spæla, og Johan Troest Davidsen skal spæla, tá før- oyska liðið fer á vøllin í kvøld. – Eg eri altíð klárur at umboða land mítt, sigur hann avgjørdur. Johan Troest Davidsen er verjuleikari, sum kann spæla á øllum plássum á aft- astu ketuni. Jógvan Martin Olsen ynskir at brúka hann í høgra borði. – Hetta verður mín fyrsti A-landsdystur, men á ung- dómslandsliðunum havi eg ongantíð spælt síðubakkur. Tað havi eg tó roynt í feløg- unum, eg havi spælt í og at royna tað á landsliðnum verður spennandi, sigur maðurin, sum hóast sín unga aldur hevur spælt í NSÍ, Everton og Skála. – Í míni tíð í Everton var eg á White Hart Lane hjá Tottenham og Goodison Park hjá Everton. Tey rúma eini 40.000 áskoðarum, so hetta er tað størsta stadion, eg havi verið á. Spurdur um, hvussu hann roknar við at dysturin í kvøld fer at taka seg út, svarar Johan Troest David- sen, at hann persónliga ætl- ar at gera alt hann er ment- ur. – So fáa vit at síggja hvussu langt tað røkkur, men tá hetta er fyrsti lands- dysturin hjá mær, er tað ilt at meta um, hvussu tað fer at ganga hjá okkum. Vit skulu tó sjálvandi inn og gera tað betri enn móti Frak- landi, sigur altso Johan Troest Davidsen, sum eftir øllum at døma fær debut á føroyska landsliðnum í kvøld. Jón Rói Jacobsen er royndasti maðurin í føroysku verjuni, sum annars er mannað við trimum NSÍ’arum LANDSLIÐIÐ Rólant Waag Dam rolant@sosialurin.fo Kiev, Ukraina: Jón Rói Jacobsen er einasti føroyski verjuleikarin á vøllinum í kvøld, sum hevur altjóða royndir. Óli Hansen og Johan Troest Davidsen skulu spæla sín fyrsta lands- dyst, meðan Einar Hansen sleppur at royna seg fyri aðru ferð. Tað merkir at 24 ára gamli Jón Rói Jacobsen eftir øllum at døma verður stýrimaðurin í verjuni, har annars tríggir fjórðingar spæla við NSÍ. – Ja, nú fáa vit at síggja. Vit fara at tosa um tingini, men eg eri so tann av okk- um, sum hevur flest royndir í landsliðshøpi, svaraði Jón Rói Jacobsen, tá vit eftir venjingina spurdu hann, um hann var klárur at stýra før- oysku verjuni. Móti fraklendingum kom Jón Rói Jacobsen og før- oyska verjan undir eitt øgi- ligt trýst, og heili seks mál fóru ígjøgnum. Havnarmað- urin í AaB ivast heldur ikki í, at føroyska verjan nokk skal fáa seg roynda móti Ukraina. – Eysturevropeisku liðini hava vit ofta havt trupulleik- ar av. Teir trýsta hart og spæla skjótt. Ukraina er eitt lið í heimsflokki, heldur Jón Rói Jacobsen. At størsta stjørnan, Andriy Shev- chenko, er leikbannaður í kvøld fær heldur ikki Jón Róa at síggja lætt upp á upp- gávuna. – Sjálvandi er tað gott hjá okkum, at Shenchenko ikki er við, tá hann er besti leik- ari teirra. Men inn fyri hann kemur ein annar góður mað- ur. Sjálvandi ikki á heilt sama støði sum Shevchenko, men ein sum fegin vil prógva sítt virði, so tað broytir kanska ikki so nógv kortini, metir Jón Rói Jacob- sen. Hann metir somuleiðis, at føroyska liðið skal spæla fyri teimum møguleikunum, sum teir fara at fáa móti Ukraina. – Sum altíð skulu vit gera ein góðan innsats fyri at fáa eitt gott úrslit. Ukraina er eitt sera sterkt lið, men kjansir fáa vit heilt sikkurt og teimum skulu vit fara eftir, sigur Jón Rói Jacob- sen, sum svarar soleiðis, tá hann varð spurdur hvat eitt gott úrslit er: – Á útivølli móti Ukraina hevði javnleikur verið eitt sera gott úrslit. Ein sigur er sjálvandi eisini góður, men eitt tap er ongantíð gott. Til venjingina í gjárkvøldið á tjóðar­ leikvøllinum í Kiev avdúkaði Jógvan Martin Olsen tað, sum eftir øllum at døma verður føroyska uppstillingin í kvøld LANDSLIÐIÐ Rólant Waag Dam rolant@sosialurin.fo Kiev, Ukraina: Talan var um ein lætta og lutfalsliga stutta venjing. Kortini kom týðiliga til sjóndar, hvussu Jógvan Martin Olsen hevur ímyndað sær, at føroyska liðið skal síggja út í kvøld. Jákup Mikkelsen er mál- verji. Johan Troest Davidsen sleppur at royna seg á høgra bakki. Jón Rói Jacobsen og Óli Hansen manna mið- verjuna, og Einar Hansen er afturvaldur á vinstra bakki. Høgri miðvallarleikari verður Símun Samuelsen. Hann skiftur sostatt síðu í mun til dystin móti Frak- landi. Mitt á vera Mikkjal Thomassen, sum er tøkur, og Atli Danielsen, sum hev- ur sitið leikbannið av sær. Uttast í vinstru verður Christian Høgni Jacobsen. Fremstu menninir vera teir somu sum seinast: Rógvi Jacobsen og Christian Lamhauge Holst. Gevur seg sjálvt Hetta var í hvussu so er tað, sum framgekk í dystinum, ið spældur var eina løtu, har omanfyri nevnda manning spældi móti hinum sjey leikarunum. Jógvan Martin Olsen segði tó ongantíð, at hetta vóru teir ellivu, hann fór at senda á vøllin í kvøld, men viðgekk at verjan helst verður henda. – Tað er øgiliga sannlíka, at vit stilla við hesi verjuni, segði Jógvan Martin Olsen eftir venjingina. Hetta merk- ir at Christian Høgni Jacob- sen verður fluttur longur fram á vøllin. – Tað var eisini planurin at varðveita Christian Høgna uppi á vøllinum sein- ast, men av tí at Johan varð skaddur, fingu vit ikki troytt tann møguleikan. Tað var eisini ein missur ikki at hava Christian Høgna í vinstra borði seinast, ásann- aði Jógvan Martin Olsen og nevndi síðani teir báðar dystirnar móti Italia og Skotlandi, har Christian Høgni Jacobsen spældi so væl. Óli Hansen sleppur at royna seg í miðverjuni und- ir liðini á Jón Róa Jacob- sen. Tá Fróði Benjaminsen gav avboð, hevði Jógvan Martin ikki so nógvar aðrar møguleikar, so tað gav seg sjálvt. Á sentrala miðvøllinum kemur Atli Danielsen inn fyri Súna Olsen. Tað er púra nattúrligt, heldur landsliðs- venjarin: – Eg havi altíð sæð Atla sum ein møguleika til mið- vøllin. Tað er eisini har hann spælir í Frem. Men tað vísir seg at vera sera trupult at byggja nakað upp við liðnum, tá tað er broyt- ingar hvørja ferð og fleiri leikarar ikki eru tøkir, sigur Jógvan Martin Olsen, lands- liðsvenjari. Jógvan Martin Olsen segði síðani, at leikarar gleða seg til dystin í kvøld: – Eitthvørt lið, sum hevur tapt 6-0, leingist at koma á vøllin aftur. Leikararnir eru øgiliga tráir at sleppa at á vøllin og vaska tapið av sær. Men til tað krevst at vit levera ein innsats sum er meiri enn 100 prosent, ljóð- ar tað frá landsliðsvenjaran- um, sum ikki neyðturviliga metir tað vera ein fyrimun, at Ukraina fyri sovítt einki hevur at spæla fyri. – Teir hava nógvar svang- ar leikarar á bonkinum, og slíkir kunnu blomstra upp í dystum sum hesum, sigur Jógvan Martin Olsen og vís- ir til dystin móti Fraklandi, har ungu innskiftarar veru- liga imponeraðu, hóast sig- urin langtsíðani var í hús. Liðið varð sett í gjárkvøldið Landsliðsvenjarin í samrøðu við Hilmar Jan Hansen og Útvarpið eftir venjingina á tjóðarleikvøllinum Olimpiysky í gjárkvøldið Mynd: Rólant Waag Dam Altíð klárur at umboða landið 24 ár og flest royndir Ukrainskir fjølmiðlar prátaðu við Jón Róa Jacobsen eftir venjingina í gjárkvøldið Mynd: Rólant Waag Dam