mánadagur 22. oktober 2007síða 17

17 tíðindi Nr. 204 - 22. oktober 2007 Kann Hovstunnilin økja um samanhaldið í Suðuroy, hava vit vunnið nógv meira enn bara tað, at vit sleppa frá at koyra um Hovsegg, segði løgmaður, tá ið Hovstunnilin varð tikin í brúk Hovstunnilin Áki Bertholdsen aki@sosialurin.fo - Hetta er ein dýr íløga. Men eg haldi, at hon var tað vert. Tað var niðurstøðan hjá Jóanesi Eidesgaard, løg- manni, tá ið hann Hovstunn- ilin varð tikin í brúk leygar- dagin. Hann segði, at tunnilin suðuroyingum sera væl unt- ir og sera kærkomin og hann vónaði, at hann fer at føra framburð og styrki við sær til alla oynna. Men fyrst og fremst vón- aði hann, at vit við hesum bergholinum fara síggja oynna sum eina heild, nakað sum bindur saman og gevur kenslu av samein- ing, so at minni pláss verður fyri sundurlyndi og meira pláss fyri samanhaldi. - Tá hava vit vunnið so ótrúliga nógv meira enn tað at sleppa undan at koyra um Hovsegg, segði løgmaður. Fólkaræðið víst sína styrki At gera tunnil ímillum Øra- vík og Hov er gamalt hug- skot, tí tað var frammi longu í fimtiárunum, men tá varð ætlanin slept og veg- urin um Hovsegg gjørdur ístaðin. Hann helt at Hovstunnilin eitt dømi um, har fólkaræðið hevur víst sína veruligu styrki. - Tað sama kundi sigast, tá ið nýggi Smyril varð bygdur, tí í báðum førum var útspælið frá myndug- leikunum eitt annað enn endaliga loysnin. - Smyril gjørdist munandi størri, tí fólkið á staðnum helt tað vera betri. Og hetta hevur síðan víst seg at vera rætta loysnin. Bergholið millum Øravík og Hov ligg- ur ikki har, sum myndug- leikin ætlaði, men har, fólk- ið á staðnum vildi hava og hetta hevur víst seg at vera rætta loysnin. - Hetta eru tvey talandi dømi um, at fólkaræðið í Føroyum virkar, tá politik- arar taka skilagóð fólkslig krøv til eftirtektar, segði Jóannes Eidesgaard. Hann vísti eisini á, at Hovstunnilin er í samsvari við null-hugsjónina í ferðsl- uni. Men hetta er eisini ein íløga, sum er fult í samsvari við Framsjón 2015, har betr- aðir og tryggari samferðslu- møguleikar eru avgjørdar fyritreytir fyri einum meira samanrunnum Føroyum. Tunnil til Suðuroyar Men Løgmaður hugi eisini longur fram enn til 2015. - Eg kann ikki lata vera við at hugleiða um komandi Suðurleiðina, har fyrsti part- ur av hesi ætlan varð við- gjørdur á løgtingi nú henda dagin. Hann hugsar um Sandoyartunnilin. Hann segði, at tann, sum livir nóg leingi, fer at upp- liva, at Suðuroyggin verður bundin fast í meginøkið. - Verður alt landið sum ein býur, verður samleikin samsvarandi, og hugsað verður tá nógv minni um, hvar íløgur og umráðandi tænastur skulu vera, men at tær eru tøkar, segði løgmað- ur. Superkøling av fiski Føroya Ráfiskakeyparafelag skipar komandi fríggjadag fyri einum tiltaki um feskan fisk. Á skránni er handfaring av rávøru við denti á ymiskar kølihættir, superkøling av fiski, logistikkur og sporføri. Granskingarstjórin á íslendska granskingarstovninum, Matis Sigurjón Arason, og ein starvsfelagi hansara, Bjørn Margeirson, koma til Føroya at kunna um evnið. Harafturat fer Steinbjørn í Dali at greiða frá royndunum frá at seta í verk elektroniskt sporføri í fiskivinnuni. Somuleiðis koma Jóhanna á Bergi og Magni Arge at kunna um framtíðarætlanir innan flutning av fiskavørum. Hetta var tað vert Tann 85 ára gamli Poul Midjord í Hovi var fyrstur at koyra ígjøgnum Hovstunnilin og hann hevði løgmann við sær í bilinum. Hann var eisini fyrstur at koyra eftir gamla Hovsvegnum um Hovsegg fyri skjótt 50 árum síðani Á almennari samkomu í Øravík. Her standa fv. Jóannes Eidesgaard, løgmaður, Annita, kona hansara, Eydna og Bjarni Djurholm, landsstýrismaður í vinnumálum Armgarð og Oyvindur Brimnes, stjóri á Landsverki ➘ Laksaprísurin fellur Hesa seinastu vikuna er prísurin á laksi, sum norsku alararnir hava selt av landinum, fallin hálvt annað prosent. Nordlys skrivar, at í síðstu viku fingu alararnir 24,39 norskar krónur fyri kilo, og tað var 1,5 prosent minni enn í næstsíðstu viku. Hinvegin er laksaútflutningurin vaksin. Í síðstu viku fóru 10.399 tons av landinum, og tað var 1,1 prosent meiri enn vikuna frammanundan. Umframt feska laskin fóru 1.510 tons av frystum laksi av landinum.