mánadagur 22. oktober 2007síða 30

30 [ Nr. 204 - 22. oktober 2007 ] Flindt-Bjerg vann Odd Grenland spældi í gjárkvøldið týðandi botndyst imóti Start í norsku Tippuliguni. Odd Grenland skuldi vinna fyri at varðveita vónina um at yvirliva í deildini, og tað eydnaðist. Odd Grenland skoraði tvey mál í fyrra hálvleiki, og tað var nóg mikið til at vinna dystin. Start liggur nú fýra stig frammanfyri Odd Grenland áðrenn seinastu tvey umførini. Kravið til liðið hjá fyrrverandi KÍ- venjaranum Ove Flindt-Bjerg er sigur í báðum teimum seinastu dystunum. Laudrup fekk hol á Danski fótbóltsvenjarin Michael Laudrup er komin undir trýst í starvi sínum sum venjari fyri spanska felagið Getafe. Orsøkin er, at liðið ongan dyst hevði vunnið í fyrstu sjey umførunum av sponsku kappingini. Í gjárkvøldið lætnaði eitt sindur hjá Laudrup, tí Getafe vann 2-0 á heimavølli ímóti Murcia. Getafe liggur tó framvegis á niðurflytingarplássi í Primera Division. Mest spennandi kappingarár í formil 1 í nýggjari tíð endaði í gjár við eini koyring, ið var á tremur við drama og spenningi. Fyri McLaren- Mercedes liðið og teirra koyrarar, Lewis Hamilton og Fernando Alonso, var vónbrotið stórt, meðan Kimi Räikkönen tók heimsmeistaraheitið og vísti, at Ferrari valdi rætta mannin at avloysa sjeyfalda heimsmeistaranum, Michael Schumacher. Formil 1 Niels Uni Dam nielsuni@sosialurin.fo Kimi Räikkönen er heims- meistari í formil 1, við sigri í brasilsku koyringini á Interlagos breytini, tryggj- aði finnin, ið mikudagin gjørdist 28 ár, sær meist- araheitið, bert eitt stig framman fyri teir báðar McLaren koyrararnar Lewis Hamilton og Fernando Alonso. Koyringin á Interlagos breytini, var óvanliga dramatisk, og sum fjeppari av formil 1, var hetta ein av mínum størstu upplivingum frammanfyri sjónvarps- skíggjan. Øll eygu vend móti Interlagos Spenningurin um heims- meistaraheitið var stórur, eftir óvæntaða úrslitið í seinastu koyring, tá odda- fiskurin í kappingini um heimsmeistaraheitið, Lewis Hamilton koyrdi av breytini. Tí vóru øll formil 1 áhugaði eygu vend móti Interlagos breytini, har teir 22 formil 1 koyrararnir kappaðust í bakandi hita, luftin var 36 hitastig, meðan asfaltið var 65 hitastig. Lewis Hamilton var enn á odda í kappingini um heimsmeistaraheitið. Hann hevði fýra stig niður til lið- felagan, Fernando Alonso og sjey niður til Kimi Räik- könen, við einans tíggju stigum at kappast um, var spenningurin stórur. Lewis Hamilton favorittur Felipé Massa hevði í tíðar- koyringini á heimabreyt síni, koyrt skjótasta umfarið í sínum Ferrari bili. Hann hevði ikki longur møguleika at gerast heimsmeistari, men vísti, at hann ikki skal vera undimettur komandi ár. Lewis Hamilton gjørdi eisini sítt leygardagin, og byrjaði á øðrum plássi fram- man fyri Kimi Räikkönen og Fernando Alonso. Tað tyktist tí sera sannlíkt, at ungi bretin fór at skapa sensatiónina og vinna meist- araheitið í sínum fyrsta kappingarári. Alt gekk galið Men Hamilton fekk sera ringa byrjan á koyringina, bæði Kimi Räikkönen og Fernando Alonso fóru bein- anvegin framvið honum. Hetta setti eyka trýst á Hamilton, ið ikki megnaði at standa móti trýstinum og koyrdi av breytini og fleiri bilar fóru framvið honum, áðrenn hann á áttanda plássi kom aftur á breytina. Men Hamilton, vísti hví hann longu er vorðin størsta stjør- nan í hesi ítróttargreinini. Hann var eftir sjey umfør á fimta plássi, og lá aftur til at gerast heimsmeistari. Men knappiliga fekk hann tøkniligar trupulleikar við gearkassanum, og datt aftur á tjúgunda pláss, bilurin koyrdi sera spakuliga runt á breytini, men líka knapp- liga riggaði bilurin aftur, og Hamilton fekk ferð á. Hann fór undir at stríða seg upp- aftur gjøgnum feltið. Ì eini desperatari roynd at hjálpa honum, umskipaði liðið hansara pittsteðgi strategi til tríggjar steðgir, í mun til teir báðar, ið øll hini brúktu. Strategiin var rættiliga burt- urvið, og kostaði hetta Hamilton nógva tíð. og at enda misti Hamilton sein- asta møguleikan fyri at klára at fáa fimta plássið, ið kundi givið honum heims- meistaraheitið Alonso fekk ikki avbjóðað Meðan Lewis Hamilton stríddi seg upp gjøgnum feltið, misti Fernando Alonso einu løtuna triðja pláss til Robert Kubica í BMW. Hóast hann at enda vann triðja plássið aftur, megnaði hann als ikki at avbjóða Ferrari. Hann var stutt sagt ikki nóg skjótur á degnum. Kimi heimsmeistari Kimi Räikkönen var komin úr fyrsta svingi á øðrum plássi, beint aftan fyri lið- felagan Felipe Massa og frammanfyri Fernando Alonso. Hetta annað pláss lá hann á til annan pittsteðg, tá hann megnaði at koyra longur enn liðfelagin Felipe Massa, og vann neyðugu sekundini fyri at taka fyrsta plássið. Væl koyrt av Kimi Räikkönen, ið eftir seks ár í formil 1 og tveimum øðr- um plássum í kappingini um heimsmeistaraheitið, endiliga er vorðin heims- meistari. Ferrari hava av sonnum funnið avloysaran til Michael Schumacher og í Finlandi og í Italia var veitsla í gjárkvøldi. Formil 1 vann Hóast tað kendist óvanliga órættvíst, at Hamilton misti heimsmeistaraheitið í síðstu løtu, so er eingin ivi um, at hetta kappingarárið hevur vakt áhugan fyri formil 1 aftur, og vit kunnu bara gleða okkum til komandi kappingarár, ið fer av bakka- stokki í mars. Räikkönen gjørdi bart Heimsmeistara- heitið í formil 1 fyri lið eftir 17. og seinasta umfarið Nr Lið Stig 1 Ferrari 204 2 BMW Sauber 101 3 Renault 51 4 Williams-Toyota 33 5 Red Bull-Renault 24 6 Toyota 13 7 STR-Ferrari 8 8 Honda 6 9 Super Aguri-Honda 4 10 Spyker- Ferrari 1 - McLaren-Mercedes* *McLaren-Mercedes varð dømt til at missa øll síni stig í kappingini um HM fyri lið, fyri at hava njósnað móti Ferrari. Bilførarnir hjá liðnum fáa stig, men hesi telja bara ikki við í liðkappingini. Tey 218 stigini, ið Hamilton og Alonso hava fingið, fella heilt burtur í kappingini fyri lið Brasilska formil 1 koyringin á Interlagos breytini Úrslit Navn Lið Tíð/givin Stig 1 Kimi Räikkönen Ferrari 1:28:15.270 10 2 Felipe Massa Ferrari +1.4 sekund 8 3 Fernando Alonso McLaren-Mercedes +57.0 sekund 6 4 Nico Rosberg Williams-Toyota +62.8 sekund 5 5 Robert Kubica BMW +70.9 sekund 4 6 Nick Heidfeld BMW +71.3 sekund 3 7 Lewis Hamilton McLaren-Mercedes +1 umfar 2 8 Jarno Trulli Toyota +1 umfar 1 9 David Coulthard Red Bull-Renault +1 umfar 10 Kazuki Nakajima Williams-Toyota +1 umfar 11 Ralf Schumacher Toyota +1 umfar 12 Takuma Sato Super Aguri-Honda +2 umfør 13 Vitantonio Liuzzi STR-Ferrari +2 umfør 14 Anthony Davidson Super Aguri-Honda +3 umfør Givin Adrian Sutil Spyker-Ferrari Bremsur Givin Rubens Barrichello Honda Motorur Givin Heikki Kovalainen Renault Óhapp Givin Sebastian Vettel STR-Ferrari Hydraulikkur Givin Jenson Button Honda Motorur Givin Mark Webber Red Bull-Renault Gearkassi Givin Sakon Yamamoto Spyker-Ferrari Samanstoytur Givin Giancarlo Fisichella Renault Samanstoytur Heimsmeistaraheitið í formil 1 fyri koyrarar eftir 17. og seinasta umfarið Støða Koyrari Land Lið Stig Heimsmeistari Kimi Räikkönen Finland Ferrari 110 2 Lewis Hamilton Bretland McLaren-Mercedes 109 3 Fernando Alonso Spania McLaren-Mercedes 109 4 Felipe Massa Brasilia Ferrari 94 5 Nick Heidfeld Týskland BMW 61 6 Robert Kubica Póland BMW 39 7 Heikki Kovalainen Finland Renault 30 8 Giancarlo Fisichella Italia Renault 21 9 Nico Rosberg Týskland Williams-Toyota 15 10 David Coulthard Skotland Red Bull-Renault 14 11 Alexander Wurz Eysturríki Williams-Toyota 13 12 Mark Webber Australia Red Bull-Renault 10 13 Jarno Trulli Italia Toyota 8 14 Sebastian Vettel Týskland STR-Ferrari 6 15 Jenson Button Bretland Honda 6 16 Ralf Schumacher Týskland Toyota 5 17 Takuma Sato Japan Super Aguri-Honda 4 18 Vitantonio Liuzzi Italia STR-Ferrari 3 19 Adrian Sutil Týskland Spyker-Ferrari 1 Nýklakti heimsmeistarin í formil 1 lat sjampanjuna fossa Mynd: Polfoto