mánadagur 29. oktober 2007síða 11

11 tíðindi Nr. 209 - 29. oktober 2007 Skeinkiloyvið hjá Mentanarhúsinum í Fuglafirði var langt síðan gingið út, tá løgreglan setti sær fyri at kanna hesi viðurskifti sunnunáttina FuglaFjørður Vilmund Jacobsen vilmund@sosialurin.fo Sunnunáttina, tá finaluum­ farið var í stóru tónleika­ kappingini GBOB í Ment­ anarhúsinum í Fuglafirði, gjørdi løgreglan í Eysturoy av at steingja alt barrvirk­ semið í húsinum. ­ Vit vóru fyrst í Mentanar­ húsinum leygarnáttina og kannað eftir, hvør sat í barr­ uni, og sunnunáttina vóru vit aftur og stongdu alt barr­ virksemið. Loyvi ov gamalt Løgreglan í Runavík sigur, at teir høvdu fingið frænir av, at skeinkiloyvið hjá Mentanarhúsinum ikki var í lagi, men var gingið út. ­ Tað vísti seg, tá ið vit kannaðu málið nærri, at skeinkiloyvið var gingið út fyri umleið einum ári síðan. Vit gjørdu tí av at steingja alt barrvirksemið. Fríggjakvøldið var undan­ umfar í GBOB­kappingini, har 16 tónleikabólkar kapp­ aðust um at sleppa víðari til finaluna leygarkvøldið. Leygarkvøldið fóru so 8 bólkar á pallin um at gerast Føroya besti bólkur, og úrslitið gjørdist, at Boys in a Band gjørdist vinnari av kappingini. Bólkurin Story Ends end­ aði á einum øðrum plássi – og fyribils er barrvirksemi í Mentanarhúsinum so eisini endað sum ein “story ends”. Løgreglan fer nú at skriva frágreiðing um málið sum síðan verður latið fútanum til støðutakan. Herverk á bátar Løgreglan í Eysturoy siga, at hóast ymisk tiltøk vóru í oynni í vikuskiftinum, tørn­ aði alt rímiliga friðarligt út kortini. ­ Vit høvdu eitt rímiliga friðarligt vikuskifti, men í Fuglafiðri høvdu ótangar gjørt seg inn á bátar, sum lógu í bátahylinum, sigur løgreglan. Fríggjakvøldið hendi tað aftur. Ein bilur, sum var á veg niðan úr Norðoyartunlinum og niðan á vegin, sum gongur millum Leirvík og Vík, koyrdi tvørtur um vegin og endaði á takinum hinumegin vegin leirvík Vilmund Jacobsen vilmund@sosialurin.fo Fleiri ferðsluóhapp eru hend á vegastrekkinum, har vegaføringin úr Norðoya­ tunlinum kemur niðan í veg­ in, sum gongur út á Vík í Leirvík. Og fríggjakvøldið um 19.25­tíðina hendi tað aft­ ur. Ein bilur úr Havn, sum var á veg úr Klaksvík og aft­ ur til Leirvíkar, gáaði ikki eftir sneiðingini á vegnum, tá hann koyrdi út á vegin, sum gongur úr Leirvík út á Vík. Fór runt ­ Bilførarin koyrdi beint fram, fór tvørtur um vegin og endaði hinum megin veg­ in. Løgreglan í Eysturoy sig­ ur, at eini 4­5 ungir menn vóru í bilinum, og hóast bilurin fór runt í fallinum, hendi tíbetur eingin mans­ skaði. ­ Vitni, sum sá bilin, sigur, at ferðin ikki var so ógvuslig, men helst hevur bilurin koyrt einar 80 km./t Løgreglan sigur, at fleiri ferðsluóhapp hava verið júst á hesum vegastrekki, síðan Norðoyatunnilin læt upp. ­ Eg havi verið á staðnum í einum tveimum umførum, og mær vitandi er talan um eini sjey ferðsluóhapp av slíkum slagi á hesum vegastrekki. Ov myrkt Løgreglan heldur, at ilt er at siga nágreiniliga, hvat tað er, sum ger, at tað er so trup­ ult at koma niðan av tunn­ ilsvegnum og niðan á vegin, sum gongur millum Leirvík og Vík. ­ Eitt er, at hetta er eitt myrkt og helst ov illa upp­ merkt vegastrekkið. Í aðrar mátar virkar tað fyri fleiri bilførarar, sum um vegurin bara gongur beint fram, tá tú kemur niðan ímóti. Løgreglan vónar, at av­ varðandi myndugleikar fara at hyggja nærri upp á hetta vegastrekkið, áðrenn van­ lukkan hendir. Vandamikið ­ Her er nógv tung ferðsla á leiðini, og tí kann tað gerast rættiliga vandamikið, tá bil­ ur kemur niðan úr tunlinum og koyrir beint út á vegin. Higartil hava bilførarar, sum eru komnir soleiðis fyri, verið ógvuliga hepnir, sigur løgreglan í Eysturoy. Datt oman í Tjørnuvík Ein 55 ára gamal tjørnuvíkingur læt lív sunnudagin, tá hann datt oman nærindis Sjeyndum Tjørnuvík Vilmund Jacobsen vilmund@sosialurin.fo Sunnudagin hendi ein syndarlig vanlukkan nærindis Sjeyndum, norðanfyri bygdina í Tjørnuvík. Tveir mans vóru farnir norður eftir gæsnum, teir áttu í haganum, tá annar teirra var áhaldsin og fór á glið. Tað var vátt í veðrinum, og maðurin fekk ikki fóta­ festið aftur. Hann gleið omaneftir lendinum, og fallið var einar 40 metrar niður í sjógv. Afturfunnin Tyrlan og Eiðis Bjargingarfelag vórðu boðsend, og tað var bjargingarfelagið, sum fann tann 55 ára gamla tjørnuvíkingin deyðan á sjónum. Á Politistøðini í Havn visti vakthavandi ikki meira at siga um hendingina. Jón Klein Olsen hevur málið um hendi, men hann var ikki at hitta, tá ið vit vóru í samband við løgregluna í morgun. Vandamikil vegur Løgreglan stongdi barrvirksemið Skeinkiloyvi hjá Mentanarhúsinum var gingið út fyri umleið einum ári síðan, tá løgreglan stongdi alt barrvirksemið í húsinum tíðliga sunnunáttina. Málið verður latið fútanum til støðutakan Børn fara svong í song Um alt Grønland gingu fólk mótmælisgongu um vikuskifti, har tey mótmæltu, at hvønn einasta dag eru tað børn í Grøalandi, sum ikki fáa ta neyðugu umsorganina. Tað var ungdómsdeildin hjá flokkinum Siumut, sum skipaði fyri tiltakinum. Næstformaðurin, Mads Petersen, sigur við KNR, at grønlendska samfelagið kann ikki góðtaka, at børn fara svong í song ella sova í trappunum. Hetta er ein samfelagstrupulleiki, sum má loysast, sigur hann. Vorðið sum hummari 75 ára gamli norðmaðurin Anfinn Solheim vildi illa trúgva sínum eygum, tá hann nú um dagarnar fekk ein óvanliga stóran hummara. Anfinn Solheim sigur við norsk bløð, at hann hevur onkuntíð fyrr fingið hummara, sum hevur vigað trý kilo, men tann, sum hann fekk í síðstu viku, vigaði heili 5,2 kilo. Hummarin bleiv ikki etin, men hann bleiv heldur ikki koyrdur burtur. Tann hepni veiðimaðurin hevur gjørt av, at hann verður útstoppaður.