týsdagur 30. oktober 2007síða 6

6 tíðindi Nr. 210 - 30. oktober 2007 MINNINGARHALD Óli Jacobsen olij@sosialurin.fo Sunnudagin kl. 14 varð skip­ að fyri minnngarhaldi og avdúking av einum minnis­ varða fyri teir, sum fórust við Stella Argus fyrst júst 50 árum síðani, soleiðis sum tað varð greitt frá í Miðvikuni seinasta mikudag. Tað var reiðaríið P/f Kim­ bil við Aksel Hansen stjóra, sum hevur reist hendan framúr vakra minnisvarðan, sum er gjørdur av Hans Paula Olsen. Tað vóru Kim­ bil saman við bygdaráðnum í Kvívík, sum skipaðu fyri avdúkingini. Veðrið var hampuligt, og tað vóru nógv fólk til staðar. Tað vóru eisini komin av­ varðandi ymsa staðni frá í landinum. Av sjóvinnufeløg­ unum var Føroya Reiðarafel­ ag umboðað við formannin­ um. Serligan dám á minning­ arhaldið setti Kamarkórið hjá Kára Bæk, sum sang fleiri sangir. Byrjað varð við, at Poul Hansen, sonur Aksel, bjóð­ aði øllum vælkomnum. Aft­ an á at sangkórið hevði sung­ ið, varð minnisvarðin avdúk­ aður av børnum hjá kvívík­ ingum, sum vóru við Stella Argus. Vegna tey, sum sótu eftir, talaði Jens Kannuberg, sum misti ein beiggja, hann æt Egil Jacobsen. Aftan á hann talaði bygdaráðsformaðurin í Kvívík, Boje Christensen, sum annars er versonur ein, sum fórst, nevniliga Niels Andreassen. Síðan talaði Óli Jacobsen, og Marjun Bæk prestur endaði. Aftaná var boðið til ein drekkamunn í Glæmunu, har tað eisini vóru nógv fólk. Sigast skal, at kvívík­ ingar vóru sera blíðir. Vit fara í blaðnum í morg­ in at hava eina størri frásøgn við myndum frá minningar­ haldinum, og tá fara vit at taka í røðurnar, sum vóru hildnar. Minningarhald yvir Stellu Argus Jón Tyril, høvuðs­mað­ ur handan G!fes­tivalin, vónar, at fes­tivalurin aftur verður á s­kránni komandi s­ummar. – Vit hava dugað ov illa at s­týrt fíggjarliga partinum, tað við­ gangi eg blankt. Men vónandi er álitið ikki fokið á tiltakið hóas­t tað, s­igur hann TóNLeIkuR Eydna Skaale eydna@sosialurin.fo G!­festivalurin hevur veru­ liga verið í andglettinum seinastu tíðina. Í síðstu viku varð kunngjørt, at felagið handan G!festivalin var far­ ið í trotarbúðarviðgerð, og at felagið skuldi strikast, tí eingin peningur var at rinda rokningar fyri. Men hóast festivalurin er í tungum sjógvi, hevur høvuðsmaður­ in handan tiltakið góðar vónir til enn ein festival í summar. Nógv vilja stuðla ­ Eg hopi at man fær tiltakið at halda fram. Nógv hava vent sær til mín, bæði feløg, persónar og stovnar, sum vilja stuðla og hjálpa til, so­ leiðis, at tað kann lata seg gera at fáa tiltakið upp á bein­ ini aftur, og seta tað í eina haldbara skipan, greiðir Jón Tyril frá. Spurdur um ikki trúðvirð­ ið á G!festivalin er rokið nú, svarar Jón, at tað er tor­ ført at svara uppá. ­ Tiltakið sjálvt hevur ver­ ið gott og hevur riggað væl, so eg trúgvi, at álitið á sjálvt tiltakið er gott. So gott sum allar afturmeldingar hava ver­ ið góðar, og ummælarar, bæði føroyskir og útlendskir, hava verið framúr positivir. Men tað er greitt, at fleiri av kreditorunum hava mist nógvan pening, so teir eru kanska meiri varnir nú, sigur Jón Tyril. Men hvør er orsøkin til, at eitt so væleydnað tiltak, sum G!festivalurin øll árini hevur verið, kann fáa so stórt hall? Talan er jú um milliónaupphæddir, sum nú vanta í roknskapinum. Til tað svarar Jón Tyril at útreiðslurnar eru hækkaðar ár undan ári. ­ Vit hava ikki dugað nóg væl at hildið í teymarnar. T. d. kundu vit kanska havt for­ handlað okkum til betri sátt­ málar við onkrar av bólkun­ um, umframt at vit kundu havt roynt at funnið bíligari loysnir í fleiri førum. Vit hava ikki hugsað tað nóg væl ígjøgnum, og ikki havt nóg góða fíggjarliga stýr­ ing, staðfestir Jón Tyril. Hann heldur, at tað átti at verið onkur, sum við kritisk­ um eyga hugdi at tølunum, soleiðis, at sloppið kundi verið undan hesi støðuni. Bíðistøða Jón sigur, at tey fyrr í ár byrjaðu fyrireikingarnar til komandi festival, men allar ætlaninar eru fyribils lagdar á ís. ­ Vit hava sett allar fyri­ reikingar á stand­by, til vit vita hvat fer at henda. Vit mugu bíða eftir niðurstøð­ uni, og so taka vit tað har­ frá. Men vit hava fingið nógv tilboð frá fólki, sum vilja vera við at endurskapa festivalin, so vónandi sleppa vit í gongd at arbeiða við okkara ætlanum aftur skjótt, tí standa tær ov leingi á stand­by, er stórur vandi fyri, at tær vera av ongum, greiðir Jón Tyril frá. Spurdur um Jón Tyril aft­ ur verður ein av berandi kreftunum handan G!, svar­ ar hann, at tað hevur hann ikki tikið støðu til enn. ­ Eg fari at gera tað, sum eg kann. Um mín persónur er til hindurs fyri, at festival­ urin 08’ verður veruleiki, so taki eg meg fegin aftur. Um eg kann hjálpa við at vera við, so vil eg gera alt, sum eg kann. Men tað eru onnur fólk, sum mugu døma um, hvørt eg skal vera við ella ikki, tí tað snýr seg í stóran mun um álit, vísir Jón á. Hann heldur, at tað er ein ávísur vandi fyri, at støðið á festivalinum fer at falla komandi ár. ­ Allir hesir trupulleikarnir kunnu sjálvsagt ávirka tiltak­ ið negativt. Ein vansi kann vera, at fólk ikki tora at seta pening í tiltakið aftur. Ein annar vansi er, at jú seinni vit veruliga kunnu fara í gongd við fyrireikingarnar, jú verri verður tað at fáa góðar bólkar til festivalin, greiðir Jón Tyril frá. Spurdur nær vit fáa enda­ liga svarið um hvussu verð­ ur við G!festivalinum, svar­ ar Jón, at hann vónandi kann koma við einum svari um G! 2008 innan nakrar fáar vikur. Vónin um G! 2008 ikki slept Innan nakrar vikur kemur endaliga svarið um framtíðina hjá G! festivalinum. Jón Tyril vónar, at tað fer at bera til at fáa tiltakið upp á beinini aftur Frá minningarhaldinum í Kvívík Minningardagur flytir Hósdagin, allahalgunardag kl. 10.00 verður minningar­ hald teirra sjólætnu. Í ár verður minningarhaldið hildið á Vinnuháskúlanum Nóatún 2, og ikki á Hotel Tórshavn, sum siður hevur verið undanfarnu ár. Jóannes Eidesgaard, løgmaður og Hanus Simonsen, prestur tala. Aftaná verður farið niðan í Viðalundina, har løgmaður leggur krans við minnisvarðan. Atlantsflog flýgur fyri SAS Trupulleikarnir hjá SAS við Dash Q­400 flogførunum, sum øll eru sett, føra til, at nógv onnur flogfeløg mugu hjálpa flogfelagnum. Eitt teirra er Atlantsflog. Onnur eru Air Greenland, Danish Air Transport, Spanair, Sterling og Jettime. Hetta kostar sum vera man SAS milliónir um dagin. Bara í dag hevur SAS í Danmark seks flogfeløg á flogi úr Keypmannahavn til einar 50 flogferðir. Atlantsflog flýgur til London City Airport, Stavanger til Turku í Finnlandi og til Luxembourg.