týsdagur 30. oktober 2007síða 16

16 [ Nr. 210 - 30. oktober 2007 ] Føroyska landsliðið hjá monnum, er heimkomið av hondbóltsferð í Luxemburg, har teir luttóku í kapping fyri smátjóðir í hond­ bóltshøpi, millum dagarnar 24.­28. oktobur. Dia Midjord, landsliðsvenjari metir at hetta ikki er ein kapping, vit eiga at satsa uppá framyvir. –Vit tilmeldaðu lið­ ið, so at vit kundu síggja hvar vit flóta á styrkislistanum, sigur Dia Midjord fyri Rás 2 á miðdegi í dag HONDBÓLTUR Niels Petersen niels@sosialurin.fo Føroyar luttóku við A- landsliðnum í Luxemburg, og fingu teir víst at teir hava eitt rættuliga sterkt landslið. Okkara menn spældu fimm dystir í Luxemburg og og vóru teir móti ávíkavist Malta, Írlandi, Skotlandi, Onglandi og vertunum úr Luxemburg. Himmalvíður munur Okkara menn løgdu út, mikudagin 24. oktobur, móti Malta, og talan varð í tí førinum um rættuliga stór- an mun á liðunum, úrslitið gjørdist heili 47-18. Hósdagin stóðu so írar fyri okkara, og munurin tóktist bert at økjast. Tí tá avtornaði, vunnu Føroyar heili 21-46. Føroyski Heini Hanusarson úttalaði seg fyri útvarpinum, at hann ikki hevði sæð nakað líknandi. –Teir duga ikki at hugsa hondbólt, tað er ongin yvirornað skipan og ongi systemir, sigur Heini, ið rættuliga fekk foldað seg út í hesari kapping. Fríggjadagin fingu føroy- ingarnar møguleikan at møta Skotlandi, og munurin bara øktist. Hálvleiksstøðan var heili 28-8, og sigur tað ikki heilt so lítið um gongd- ina í dystinum. Tá avtornaði, vunnu Føroyar heili 58-19. Spenningurin byrjaði so smátt at økjast, fram móti dystinum móti vertunum, sunnudagin, og tí kundi landsliðsvenjarin lættliga spara uppá kreftirnar hjá lyklaleikarum sínum og seta eitt heldur ungt lið á vøllin leygardagin, móti Onglandi. Hóast ungu før- oyingarnar eru veikari enn rutineraðu kreftirnar hjá okkum, vunnu teir lættliga móti Onglandi. Og ein hálvleiksstøða uppá 19-2, ja hon krevur ikki meiri umtalu. Føroyar snøgt sagt sorlaðu Ongland. Dia roter- aði alt liðið, so at endaliga støðan gjørdist 35-17. Sunnudagin upprann so dagurin, ið føroyska ferða- lagið longdist alt meira og meira eftir. Teir saknaðu eitt sindur av mótstøðu, og tað fingu teir so eisini. Okkara menn megnaðu at halda dystinum tætt og javnt, inntil tað írestaðu um átta minuttir av dystinum. Tá gjørdist munurin meira eyðsýndur, og endaliga vunnu vertirnar við seks málum, 31-25, eftir at hálvleikstøðan var 12-11. Røtt kapping? Spurningin, um hetta er rætta kapingin fyri Føroyska landsliðið, man ivaleyst hava rungað, teir fyrstu fýra dagarnar av kappingini, tá Føroyingar, snøgt sagt vun- du burtur úr alt og øllum. Bert Luxemburg megnaðu at geva okkara monnum mótstøðu, og tað er ikki heilt nøktandi. Dia Midjord, landsliðs- venjari, sigur fyri Rás 2 á miðdegi í dag, at hann ikki dugur seg siga, hvat ein røtt kapping er, men hann metir at tað kanska hevði verið betur, um bæði føroyingar og Luxemburg sendu U-21 lið síni til hesa kapping í staðin. Hetta hevði ment ungu leikararnar, og verið ein fín kapping. Hini liðini í bólkinum kundu væl sent sítt sterkasta lið, tí vit og Luxemburg eru so mikið nógv sterkari enn hini. Framtíðin Longu í januarmánaði skulu Føroyar spæla móti Serbia og Ísrael, hetta eru dystir í EM-Undankapp- ingini. Ætlanin er at Føroyar fyrst skulu spæla móti Serbia á útivølli og so á heimavølli, síðani móti Ísrael, úti og heima. Ætlanin er at hesir dystir skulu vera í døgunum 3., 6., 9. og 12. januar. Dia Midjord metir at hetta er meira áhugavert fyri føroyingar í longdini, tí hetta fer at geva føroysku leikarunum møguleikan at møta rættuligari mótstøðu og samstundis mennast. Promovering Dia Midjord heldur at tað er sera umráðandi at vit miðvíst fara at arbeiða fyri at fáa fleiri altjóða dystir til Føroya. Hetta kemur at hava eina stóra ávirkan á alt í og kring føroyskan hondbólt. Eisini eiga vit at leggja dent at fáa føroyskan ung- dóm út um klettarnar at fáa royndir, royndarvenjingar o.t. Hetta hevur týdning, tí hetta fer uttan iva at økja um áhugan hjá fólki, fyri- tøkum og øðrum. Hetta fer at hava týdning fyri øktan stuðul og so mangt annað. Stóðu okkum væl Okkara menn gjørdu ein góðan figur í Luxemburg, tí tað obligatoriska All Star liðið skuldi kjósast, vóru føroyingar eisini komnir í part í tí eksklusiva skaranum. Heini Hanusarson, Sámal Joensen og Ingi Olsen fingu heiður eftir kappingina. Hvør heiðurin er, í fakta- boksini. Challenge Trophy 2007 ALL STAR liðið: Pláss Navn Lið Troyggjunr. Málverji: Mike Majerus (Luxemburg) 12 Útileikari: Merlin Braithwaite (Ongland) 11 Útileikari: Heini Hanusarson (Føroyar) 8 Útileikari: Hichem Sefroun (Írland) 15 Útileikari: Alain Poeckes (Luxemburg) 18 Útileikari: Andrew Said (Malta) 3 Útileikari: Johnnie Mc´Aleer (Skotland) 3 Bestir: Málskjútti: Ingi Olsen (Føroyar) 2 Verjuleikari: Sámal Joensen (Føroyar) 5 Redknapp longir sáttmálan Karismatiski Harry Redknapp, pápi fyrrverandi Liverpool leikaran Jamie Redknapp, setti í gjár sína undirskrift á eina longing av sáttmála hansara við felag sítt Portsmouth. Í Portsmouth eru teir glaðir fyri Harry Redknapp, tí hann bleiv bjóðaður eina fýra ára longing av sáttmálanum, og hetta hevur tískil við sær at hann verður verðandi í Portsmouth til 2011. Í Sevilla eru teir í øðini Spanska stórfelagið vil hava Tottenham sektað fyri svikaligan atburð. Sjálvt um Sevilla vann sín fyrsta dyst, eftir at Juande Ramos fór úr felagnum, 3-0, eru spaniumenn óðir inn á liðið úr London, og siga seg ikki vera sinnaðir í at steðga við ákærunum. Teir ynskja at fáa sekta Tottneham, tí teir meta at onglendingar hava nýtt óreglusemi, við at lokka Ramos til London. –Vit fara at gera alt, vit megna, fyri at fáa Tottenham at gjalda fyri framda misbrotið. Heini Hanusarson flúgvandi yvir verjumúrin og hamrar bóltin í netið