mikudagur 31. oktober 2007síða 5

5 tíðindi Nr. 211 - 31. oktober 2007 Átta av ellivu lærar­ um í Heilsuskúlanum í Suðuroy hava sjúkra­ meldað seg orsakað av stress. Eingin av lærarunum torir at standa alment fram, men bæði rektari og fakfeløg staðfesta at tvær útbúgvingar eru í ferð við at detta niðurfyri. Men Mentamálaráðið hevur higartil valt at halda hond yvir deildarleiðaran ÚtbÚgving Dorit Hansen dorit@sosialurin.fo Málið skal loysast beint nú, um eina viku eru Føroyar tvær útbúgvingar fátækari. So hart og kontant lýsir for­ kvinnan í Heilsuhjálparafe­ lag Føroya støðuna í Heilsu­ skúlanum í Suðuroy. Men hon hevur einki álit á, at Mentamálaráðið er ført fyri at loysa trupulleikan, tí tey hava kent til støðuna í eitt ár og einki gjørt. ­ Tað einasta vit hava fing­ ið frá Mentamálaráðnum er ein slutur fyri ein slatur, sig­ ur forkvinnan í Heilsuhjálp­ arafelagnum, Ása Olsen. Fyrr í ár kærdu lærarar á Heilsuskúlanum í Suðuroy um deildarleiðaran, Su­ sonnu Høgh Olesen, til rekt­ aran á Sjúkrarøktarfrøðiskú lanum. Hon valdi at suspen­ dera deildarleiðaran í tveir mánaðir, men henda avgerð varð ógildað av Mentamála­ ráðnum, tí tað var ein ov drastisk avleiðing, varð sagt. Dimmalætting við­ gjørdi málið, og niðurstøðan var, at skilagóði leiðarin stríddist við nøkur hysterisk starvsfólk. Men støðan er ikki batn­ að. Í dag eru omanfyri tveir triðingar av lærarunum sjúkrameldaðir, og næming­ ar vita ikki, hvussu tað verð­ ur við royndunum, í febru­ ar. Sosialurin hevur roynt at fingið viðmerking frá sjúkrameldaðu lærarunum, men teir, sum vit hava fing­ ið orðið á, tykjast beinleiðis bangnir fyri avleiðingunum, um teir standa alment fram. »Eg veit, at leiðarin fer at brúka tað ímóti mær aftur« og »bara við at snakka við teg, fer hjarta upp at duka« vóru nøkur av svarunum, sum vit fingu. Lærararnir, sum vit tosaðu við, høvdu tó einki ímóti, at málið verður viðgjørt í miðlunum, tí sum ein segði, »hetta má fáa ein enda«. Rektari í bíðistøðu Heilsuskúlin í Suðuroy er partur av Sjúkrarøktarfrøði­ skúla Føroya. Men rektarin á Sjúkrarøktarfrøðiskúlan­ um sigur, at ábyrgdin fyri útbúgvingarstøðinum og trivnaðinum liggur hjá deildarleiðaranum, Susannu Høgh Olesen. ­ Tað er deildarleiðarin har suðuri, sum hevur ábyrgdina á økinum, og hon má sjálv svara fyri støðuni, sigur Súsanna Mortensen. Hon sigur, at hon royndi at gera sítt, tá hon sendi leið­ aran til hús í tveir mánaðir, men tann avgerðin var ógildað av Mentamálarráð­ num. Síðani hevur deildar­ leiðarin fingið coaching og skeið fyri betur at vera før fyri at loysa samstarvs­ trupulleikar. ­ Tað er greitt, at vit ikki standa á síðulinjuni í so langa tíð, at tað gongur út yvir næmingarnar og roynd­ irnar, men í løtuni hevur Susanna Høgh Olesen ábyrgdina, og tað er upp til hennara at finna eina loysn, staðfestir rektarin á Sjúkrar øktarfrøðiskúlanum, Sú­ sanna Mortensen, sum ikki vil siga meira um málið. Fakfelagið uppií Forkvinnan í Almanna­ og heilsurøktarfelagnum, Jó­ hanna Køtlum, sigur at felagið kennir til trupulleik­ an, og at tey arbeiða við at finna eina loysn. Men hon vil ikki útdýpa, hvat ítøki­ liga verður gjørt. – Vit hava limir, sum eru næmingar á skúlanum, og sjálvandi kunnu vit ikki góðtaka, at næmingarnir ikki fáa nøktandi undirvís­ ing. Í februar skulu næm­ ingar enda útbúgvingina sum heilsurøktarfrøðingar, og hesi skulu bæði ígjøgnum skrivligar uppgávur, verk­ ætlanir og royndir, men allir lærararnir innan sjúkrarøkt eru sjúkrameldaðir, greiðir Jóhanna Køtlum frá. Í løtuni eru hesir sjúkra­ røktarnæmingar í starvs­ venjing, men eisini í starvs­ venjingartíðini hava tey brúk fyri kontaktlærarum, ið sum kunnugt eru sjúkra­ meldaðir. Spurd, hvussu leingi fe­ lagið kann góðtaka støð­ una, sigur Jóhanna Køtlum, at støðan kann ikki góðtak­ ast, felagið arbeiðir við mál­ inum, og hon vónar, at trupulleikin verður loystur innan alt ov langa tíð. Sjálv hevur leiðarin á skúlanum, Susanne Høgh Olesen, onga viðmerking til málið. Tá Sosialurin ringdi og spurdi, hvat um hon helt um støðuna, nú all irsjúkrarøktarlærararnir á Heilsuskúlanum eru rýmdir til hús, var einasta svarið: Eg veit einki, og eg sigi einki. Mentamálaráðið megnar ikki uppgávuna Heilsuhjálparafelagið er tað fakfelagið, sum hevur flest næmingar í skúlanum. For­ kvinnan í felagnum, Ása Olsen, lýsir støðuna sum ein ræðuligan trupulleika, sum Mentamálaráðið eftir øllum at døma ikki er ført fyri at loysa. – Tvey heilsuhjálparahold ganga í skúlanum, og tey skulu út í endaliga starvs­ venjing í januar. Men tær seinastu tríggjar vikurnar hava tær fingið undirvísing í enskum, donskum og før­ oyskum. Einastu lærararnir á skúl­ anum eru tveir fólkaskúla­ lærarar og leiðarin sjálv. – Tað sigur seg sjálvt, at hetta gongur slett ikki. Stríð­ ið hevur vart eitt heilt ár, og Mentamálaráðið hevur ikki gripið inn enn. Tí kunnu vit ikki siga annað enn, at Mentamálaráðið ikki er í stand til at loysa málið, sigur Ása Olsen, forkvinna í Heilsuhjálparafelagnum. ­ Vit løgdu rygg til at fáa útbúgvingar út um landið, og tí harmar tað okkum al­ mikið, at útbúgvingarnar nú fara í knús, uttan at Mentamálaráðið ger nakað, sigur Ása Olsen. Heilsuhjálparfelagið hev­ ur havt fund við Mentamála­ ráðið og eisini havt samband ígjøgnum telefon. Tey hava handað ráðnum skrivliga klagu frá næmingum, men kortini er einki hent. – Tað einasta vit fáa frá Mentamálaráðnum er ein slutur fyri ein slatur. Tey vísa bara til rektaran, men rektarin hevur ikki heimild at grípa inn. Og tá hon royndi at gera okkurt við málið, varð avgerð hennar ógildað av Mentamálaráð­ num, staðfestir Ása Olsen. Næmingar kroystir Ása Olsen leggur dent á, at hon ikki vil fara inn í sjálvt stríðið, tí tað hevur ikki nak­ að við hennara fakfelag at gera, men tað ræðuliga er, at næmingar liggja í klemmu og tvær heilar út­ búgvingar eru við at fara í sor. – Vit hava fingið telefax frá einum heilum flokki av næmingum so seint sum í gjár. Klassin vísir sína ónøgd við undirvísingina. Men tað virkar sum tora tey ikki at fara til leiðara sjálv­ an, og tað er sjálvandi álvarsligt í sær sjálvum. Næmingarnir fáa einki gjørt, tær mugu bara finna seg í støðuni, og tað einasta tær hava fingið at vita, er at tær fáa neyðugu undirvís­ ingina. – Men tað er sjálvandi heilt burturvið, tí enskt, danskt og føroysk undirvís­ ing er ikki nokk undirvísing fyri heilsuhjálparar. Fleiri umhugsa at gevast, og eg má siga, at skulu útbúgving­ arnar bjargast, skal tað vera beint nú. Um eina viku er ov seint, sigur Ása Olsen, forkvinna í Heilsuhjálpara­ felag Føroya. Nýggjan biskup Í gjár fingu katolikkarnir í Íslandi nýggjan biskup. Hann eitur Pierre Bücher, og tað er sjálvur Benedikt pávi, sum hevur tilnevnt hann. Nýggi biskupurin er føddur í Sveis í 1945 og gjørdist prestur í 1971. Hann arbeiddi sum prestur í Sveis, til hann gjørdist leiðari á einum guðfrøðiskúla í 1990. Í 1994 varð hann vígdur biskupur í Freiburg, og síðani 2004 hevur hann arbeitt í Vatikaninum í Rom. 15. desember verður hann innsettur í Reykjavík. Skulu hava somu nevnd Tríggir limir í donsk­grønlendsku sjálvsstýrisnevndini, Kupik Kleist, Christian Mejdahl og Frank Jensen, stilla ikki upp til fólkatingsvalið tann 13. november. Tann vanliga avleiðingin skuldi verið, at nevndin fær tríggjar nýggjar limir, men tað halda hinir limirnir vera óheppið, tí tað fer at darva arbeiðinum. Tí er uppskot um at lata teir tríggjar halda fram í nevndini, og hesum taka Anders Fogh Rasmussen og Hans Enoksen undir við. Heilsuskúli liggur í skeljasori Súsanna Mortensen, rektari á Sjúkrarøktar­ frøðiskúlanum, sum hev­ur Heilsuskúlan undir sær, sigur, at tað er púra greitt, at ábyrgdin fyri bæði útbúgv­ingarstøði og triv­na liggur hjá deildarleiðaranum, Susannu Høgh Olesen Jóhanna Køtlum, forkv­inna í Almanna­ og heilsurøktarfelagnum, sigur, at støðan í Suðuroy kann ikki góðtakast, og felagið arbeiðir v­ið málinum ­ Eg má siga, at skulu útbúgv­ingarnar bjargast, skal tað v­era beint nú. Um eina v­iku er ov­ seint, sigur Ása Olsen, forkv­inna í Heilsuhjálparafelag Føroya Fyrr í ár v­aldi rektarin á Sjúkrarøktarfrøðiskúlanum eftir fleiri kærur at suspendera deildarleiðaran í tv­eir mánaðar , men henda av­gerð v­arð ógildað av­ Mentamálaráðnum. Í dag er støðan ikki v­orðin betri. Fleri enn tv­eir triðingar av­ lærarunum eru sjúkrameldaðir, og fakfeløg óttast, at skúlin longu er farin í sor